Naqif Həmzəyev

Vikipediya, azad ensiklopediya
Jump to navigation Jump to search
Naqif Həmzəyev
Naqif Həmzəyev.jpg
bayraqAzərbaycan Respublikası Milli Məclisinin VI çağırış deputatıbayraq
9 fevral, 2020 — indiyə kimi
bayraqAzərbaycan Respublikası Milli Məclisinin V çağırış deputatıbayraq
24 noyabr, 2015 — 9 fevral, 2020
Sələfi Asəf Hacıyev
bayraqGəncə Şəhər İcra Hakimiyyəti başçısının birinci müavinibayraq
19 mart, 2015 — 1 oktyabr, 2015
Sələfi Mikayıl Zeynalov
Xələfi Elnur Rzayev
Emblem of New Azerbaijan Party.png Yeni Azərbaycan Partiyası Gəncə Şəhər Təşkilatının sədri
1 avqust, 2013 — indiyə kimi
Sələfi İsrafil Vəliyev
bayraqGəncə Şəhər Kəpəz rayon İcra Hakimiyyəti başçısının müavinibayraq
8 fevral, 2013 — 12 may, 2014
Azərbaycan Dövlət Aqrar Universiteti İnformasiya və komunikassiya texnologiyaları mərkəzinin drektoru
2 fevral, 2010 — 24 dekabr, 2012
Şəxsi məlumatlar
Partiya Emblem of New Azerbaijan Party.png Yeni Azərbaycan Partiyası
Təhsili
Doğum tarixi 24 may 1983(1983-05-24) (37 yaş)
Doğum yeri

Həmzəyev Naqif Ələşrəf oğlu (24 may 1983(1983-05-24), Nərimanlı, Geğarkunik mərzi) — Azərbaycan Respublikası Milli Məclisinin V və VI çağırış deputatı (2015, 2020), YAP Gəncə şəhər təşkilatının sədri.

Həyatı və təhsili[redaktə | əsas redaktə]

Naqif Həmzəyev 24 may 1983-cü ildə Basarkeçər rayonu (Vardenis) Nərimanlı kəndində anadan olub[1]. 1988-ci ildə Nərimanlı kənd orta məktəbinə daxil olub. 1989-cu ildən təhsilini Gəncə şəhəri Əhməd Cavad adına 2 saylı orta məktəbdə davam etdirib. 2000-ci ildə həmin məktəbi bitirib. 2000-ci ildə Bakı Dövlət Universitetinin Tarix fakültəsinə qəbul olunub. 2003-2004-cü illərdə Türkiyə Cümhuriyyəti Atatürk Universitetində “qonaq tədqiqatçı” statusu ilə “Birinci dünya müharibəsi illərində Türkiyə-Rusya münasibətləri və erməni terroru” mövzusunda araşdırma aparıb. 2004-cü ildə eyni adlı buraxılış işini müdafiə edərək Bakı Dövlət Universitetinin tarix fakültəsinin bakalavr pilləsini bitirib. 2004-cü ildə Bakı Dövlət Universitetinin tarix fakültəsinin magistr pilləsinə daxil olub. 2004-2006-cı illərdə Türkiyə Cümhuriyyətinin bir neçə universiteti və arxivlərində “İraq Türkmənlərinin tarixi” mövzusunda araşdırma aparıb. 2006-cı ildə “İraq türkmənlərinin ictimai, iqtisadi və siyasi durumu” mövzusunda dissertasiya işini müdafiə edərək Bakı Dövlət Universitetinin tarix fakültəsinin “yaxın və orta şərqin tarixi” ixtisası üzrə magistr dərəcəsini qazanıb. 2009-2011-ci illərdə Azərbaycan Dövlət Aqrar Universitetində həyata keçirilən “Elektron Universitet” layihəsinə uyğun olaraq Türkiyə Respublikasının Atatürk, İstanbul və Fırat universitetlərində, həmçinin TUBİTAK ULAKBİM təşkilatında “İT meneceri” üzrə ixtisasartırma kursları keçib. 2012-ci il 24 yanvar tarixində Türkiyə Respublikası Fırat Universiteti Sosial Elmlər İnstitutunun tarix bölməsində doktorantura pilləsinə qəbul olunub. 2018-ci ildə “XIX əsrin sonundan günümüzə qədər erməni siyasi düşüncəsi və siyasi partiyaları" adlı dissertasiya işini müdafiə etmişdir.

Fəaliyyəti[redaktə | əsas redaktə]

2000-ci ildən fəal olaraq ictimai fəaliyyətlə məşğul olub. “Dünya Azərbaycanlıları” Gənclərin İctimai Birliyinin həmtəsisçilərindən biridir. Azərbaycanı beynəlxalq konfrans və elmi tədbirlərdə dəfələrlə təmsil edib. 2007-ci ildə Gəncə şəhər Nizami RHK-dan könüllü həqiqi hərbi xidmətə gedib.

20 yanvar 2007-ci il tarixdən 11 aprel 2007-ci il tarixədək Azərbaycan Respublikası Silahlı Qüvvələrinin Təlim və Tədris Mərkəzinin Ehtiyat Zabit Hazırlığı kursunu uğurla bitirərək “leytenant” hərbi rütbəsini qazanıb. Həmin tarixdən etibarən Azərbaycan Respublikası Silahlı Qüvvələrin “N” saylı hərbi hissələrində xidmət edib və 16.10.2008-ci il tarixdə xidmət müddəti başa çatdığı üçün ordu sıralarından tərxis olunub. Hərbi xidmətdə olduğu müddətdə nümunəvi xidmətinə görə dəfələrlə komandanlıq tərəfindən fəxri fərmanlar və mükafatlarla təltif edilib. 2009-cu ilin may ayından sentyabr ayınadək Gəncə Dövlət Universiteti informasiya və kommunikasiya texnologiyaları şöbəsində mütəxəssis vəzifəsində işləyib. 2009-cu ilin sentyabr ayından 2010-cu ilin fevral ayınadək Azərbaycan Dövlət Aqrar Universiteti beynəlxalq əlaqələr şöbəsində mütəxəssis, 2010-cu ilin fevral ayından 2011-ci ilin dekabr ayınadək isə informasiya və kommunikasiya texnologiyaları mərkəzinin direktoru vəzifəsində çalışıb. 2012-ci il 12 noyabr tarixindən 2013-cü il 8 fevral tarixinədək Azərbaycan Dövlət Aqrar Universitetində innovasiya şöbəsinin müdiri vəzifəsində çalışıb. 2013-cü il 8 fevral tarixində Gəncə Şəhər Kəpəz Rayonu İcra Hakimiyyəti Başçısının müavini vəzifəsinə təyin edilib və 2014-cü il 12 may tarixinədək bu vəzifədə çalışıb. 2013-cü il 1 avqust tarixində Yeni Azərbaycan Partiyası Gəncə şəhər təşkilatının VIII konfrasında təşkilatın sədri seçilib. 2015-ci il 19 mart tarixində Gəncə Şəhər İcra Hakimiyyəti Başçısının birinci müavini vəzifəsinə təyin edilib. Hazırda Yeni Azərbaycan Partiyası Gəncə şəhər təşkilatının sədri vəzifəsində işləyir[2]. 2015-ci il oktyabrın 1-də 38 saylı Nizami (Gəncə) İkinci seçki dairəsindən beşinci çağırış Azərbaycan Respublikası Milli Məclisinin deputatı seçilmişdir. Eyni zamanda parlamentlərarası əlaqələr üzrə Azərbaycan-Avstraliya və Yeni Zelandiya, Azərbaycan-Çin, Azərbaycan-Gürcüstan, Azərbaycan-Qazaxıstan, Azərbaycan-Latviya, Azərbaycan-Mavritaniya, Azərbaycan-Portuqaliya, Azərbaycan-Sloveniya, Azərbaycan-Türkiyə, Azərbaycan-Ukrayna və Azərbaycan-İsveç işçi qrupunun üzvüdür. Həmçinin Milli Məclisin Gənclər və İdman və İnsan hüquqları Komitəsinin və Azərbaycanın Avropa Şurası Parlament Assambleyasındakı (AŞPA) nümayəndə heyətinin üzvüdür.

28.01.2020 ci il tarixdə Avropa Şurası Parlament Assambleyası əlillik, çoxluq və diskriminasiya alt komitəsinin büro üzvü və sədr müavini seçilib.

2020-ci il fevralın 9-da 38 saylı Nizami (Gəncə) İkinci seçki dairəsindən VI çağırış Azərbaycan Respublikası Milli Məclisinin deputatı seçilmişdir.

Milli Məclisin (MM) Azərbaycan-Hindistan parlamenlərarası əlaqələr üzrə İşçi Qrupun rəhbəri, eyni zamanda  Azərbaycan-Belarus, Azərbaycan-Böyük Britaniya Azərbaycan-Çexiya, Azərbaycan-Çin, Azərbaycan-Gürcüstan,Azərbaycan-İsveç, Azərbaycan-İsrail, Azərbaycan-Koreya, Azərbaycan-Qazaxıstan, Azərbaycan-Macaristan, Azərbaycan-Mavritaniya, Azərbaycan-Portuqaliya, Azərbaycan-Tailand, Azərbaycan-Türkiyə və Azərbaycan-Ukrayna işçi qruplarının üzvüdür.

Həmçinin Milli Məclisin İnsan hüquqları və Təbii Ehtiyatlar, Energetika və Ekologiya Komitələrinin və Milli Məclisin Parlamentlərarası İttifaqdakı (https://www.ipu.org/) nümayəndə heyətinin üzvüdür.


Ailəsi[redaktə | əsas redaktə]

Ailəlidir Nuhun Həmzə və Banu Həmzə ad-soyadlı iki övladı var.

Mükafatları[redaktə | əsas redaktə]

2018-ci ildə Azərbaycan Xalq Cümhuriyyətinin 100 illiyi münasibətilə “Azərbaycan Xalq Cümhuriyyətinin 100 illiyi (1918–2018)” yubiley medalı ilə təltif edilib. [3]

Azərbaycan Respublikası Milli Məclisi Sədrinin 2018-ci il 24 dekabr tarixli 224-V saylı Sərəncamı ilə Azərbaycan Respublikası Milli Məclisinin "Parlament" medalı ilə təltif edilmişdir.

İstinadlar[redaktə | əsas redaktə]

  1. YAP-ın Gəncə təşkilatında sədr dəyişikliyi
  2. Yeni Gəncə yaşayış massivində keçirilən mitinqdə İlham Əliyevin namizədliyi dəstəklənib
  3. Hicran Məmmədova (5 iyul 2019). "Prezident Naqif Həmzəyevi təltif edib". yenigence.com. 4 oktyabr 2019 tarixində orijinalından arxivləşdirilib.