Vahid Əhmədov

Vahid Əhmədov
Vahid Əhmədov
Azərbaycan Respublikasının Milli Məclisi III, IV, V və VI çağırış deputatı
	Vəzifədədir
	2005-ci ildən
Seçki dairəsi	2005, 2010, 2015, 2020 — 52 saylı Quba
Əvvəlki	Vəzifə təsis edildi.
Azərbaycan Respublikası baş nazirinin birinci müavini
	16 may 1992 – 6 yanvar 1994
Baş nazir	Rəhim Hüseynov (1992-1993); Pənah Hüseyn (1993); Surət Hüseynov (1993-1994)
Əvvəlki	Feyruz Mustafayev
Sonrakı	Fuad Quliyev
Azərbaycan Respublikası baş nazirinin müavini
	23 aprel 1992 – 16 may 1992
Baş nazir	Feyruz Mustafayev (1992); Rəhim Hüseynov (1992-1993)
Əvvəlki	Aydın Əzizbəyov
Sonrakı	Firudin Cəlilov
Azərbaycan Ali Sovetinin XII çağırış deputatı
	1990 – 1992
Seçki dairəsi	53 nömrəli "Gənclik"
Şəxsi məlumatlar
Doğum adı	Vahid Qazməmməd oğlu Əhmədov
Doğum tarixi	2 aprel 1947 (78 yaş)
Doğum yeri	Qonaqkənd, Qonaqkənd rayonu, Azərbaycan SSR, SSRİ;
Partiya	bitərəf;
Təhsili	Azərbaycan Politexnik İnstitutu (1965–1971);
Fəaliyyəti	siyasətçi
Təltifləri	;
	Vikianbarda əlaqəli mediafayllar

Vahid Qazməmməd oğlu Əhmədov (2 aprel 1947, Qonaqkənd, Qonaqkənd rayonu) — Azərbaycanın ictimai-siyasi xadimi; Azərbaycan Ali Sovetinin deputatı (1990–1995); Azərbaycan Respublikası Milli Məclisinə 52 saylı Quba seçki dairəsindən seçilmiş III,^[1] IV, V və VI çağırış millət vəkili. Azərbaycan SSR-in əməkdar mühəndisi^[2]; texnika elmləri doktoru.

Həyatı

Vahid Əhmədov 2 aprel 1947-ci ildə Quba rayonunun Qonaqkənd qəsəbəsində anadan olmuşdur.

1965-ci ildə Qonaqkənd orta məktəbini qızıl medalla bitirmişdir. 1965–1971-ci illərdə Azərbaycan Politexnik İnstitutunda təhsil almış, mühəndis-energetik ixtisasına yiyələnmişdir.

1989–1992-ci illərdə Almaniyada Bonn Menecment İnstitutunu bitirərək, menecment-iqtisadçı beynəlxalq diplomuna layiq görülmüşdür.

1967–1971-ci illərdə Şmidt (indiki Səttərxan adına) maşınqayırma zavodunda fəhlə, sex ustası, sex rəisi vəzifələrində çalışmışdır.

1971–1972-ci illərdə Sovet ordusu sıralarında xidmət etmişdir. Hərbi xidmətini başa vurduqdan sonra, yenidən maşınqayırma zavoduna qayıdaraq orada 1972–1977-ci illərdə sex rəisi vəzifəsində işləmişdir. 1977-ci ildə Bakı Radio zavoduna keçərək orada sex rəisi, istehsalat şöbəsinin rəisi vəzifələrində əmək fəaliyyətini davam etdirmişdir.

1981–1983-cü illərdə Bakı Dəzgahqayırma İstehsalat Birliyində baş mühəndis vəzifəsində çalışmışdır.

1983–1986-cı illərdə "Bakı fəhləsi" adına maşınqayırma zavodunun, 1986-cı ildə Keşlə maşınqayırma zavodunun, 1989-cu ildə "Bakneftmaş" İstehsalat Birliyinin baş direktoru olmuşdur.

Ailəsi

Ailədə 9 uşaq olublar^[3]. 33 yaşında ailə həyatı qurmuşdur. İki övladı — 1 oğlu və 1 qızı var. Övladlarının hər ikisi hüquqşünasdır^[3].

Siyasi fəaliyyəti

1980-ci illərin sonlarında Azərbaycan Kommunist Partiyası Nizami rayon təşkilatnın büro üzvü olmuşdur^[3].

1991-ci ildə Azərbaycanın Müstəqillik Aktının hazıqlanmasında iştirak etmiş, Azərbaycanın müstəqilliyinin lehinə səs vermişdir. 1991-ci ildə SSRİ-nin saxlanmasına qarşı səs vermiş 43 istiqlalçı deputatdan biri olmuşdur.

Alma-Ata Memorandumunun və İcevan Protokolunun həyata keçirilməsini təmin etmək məqsədilə 10 sentyabr 1992-ci ildə yaradılmış Alma-Ata Memorandumunu və İcevan Protokolunu həyata keçirən Qərargahın üzvü olmuşdur^[4].

Nazirlər Kabinetində

Azərbaycan Respublikası Prezidentinin 23 aprel 1992-ci il tarixli 694 nömrəli Fərmanı ilə Azərbaycan Respublikası Baş nazirinin müavini təyin edilmişdir^[5]. 16 may 1992-ci ildə həmin vəzifədən azad edilərək^[6], Azərbaycan Respublikası Baş nazirinin birinci müavini təyin edilmişdir^[7]^[8]. 18 may 1992-ci ildə həmin vəzifəyə yenidən təsdiqlənmişdir^[9]^[10]. 29 aprel 1993-cü ildə də yenə həmin vəzifəyə təsdiqlənmişdir^[11]^[12]. Azərbaycan Respublikası Prezidentinin 9 dekabr 1993-cü il tarixli 56 nömrəli Fərmanı ilə Azərbaycan Respublikası Baş nazirinin birinci müavini vəzifəsindən azad edilmişdir^[13]. Azərbaycan Respublikasının Milli Məclisi 6 yanvar 1994-cü ildə Vahid Əhmədovun Azərbaycan Respublikası Baş nazirinin birinci müavini vəzifəsindən azad olunmasına razılıq vermişdir^[14].

Parlamentdə

Ali Sovetdə

1990-cı ildə Bakı şəhərinin Nizami rayonu 53 nömrəli "Gənclik" seçki dairəsindən Azərbaycan SSR Ali Sovetinə deputat, 2005 və 2010-cu illərdə 2 dəfə 52 saylı Quba seçki dairəsindən Azərbaycan Respublikası Milli Məclisinə millət vəkili seçilmişdir.

26 noyabr 1991-ci ildə təşkil edilən Azərbaycan Respublikası Ali Soveti Milli Şurasının tərkibinə daxil edilmişdir^[15]. 30 iyun 1992-ci ildə Milli Məclisində təşkil olunmuş İqtisadi siyasət komissiyasına üzv təsdiq edilmişdir^[16].

Milli Məclisdə

2005-ci il parlament seçkiləri ərəfəsində, 13 iyul 2005-ci ildə Azərbaycan Milli İstiqlal Partiyası, Azərbaycan Sosial Demokrat Partiyası, Azərbaycan Liberal Partiyası və bir qrup müstəqil siyasətçi Yeni Siyasət Seçki Blokunu (qısaca YeS) təsis etmiş və vahid namizədlərlə seçkiyə qatılmışdır.^[17] YeS-in vahid siyahısından 2 müstəqil namizəd — 52 saylı Quba seçki dairəsi üzrə baş nazirin sabiq müavini Vahid Əhmədov və 114 saylı Şəki kənd birinci seçki dairəsi üzrə sabiq baş nazir Əli Məsimli deputat seçilmişdir.

13 dekabr 2005-ci ildə Milli Məclisin İqtisadi siyasət daimi komissiyasının üzvü seçilmişdir^[18]. Milli Məclisin komissiyaları komitələrə çevrildikdən sonra, 14 aprel 2009-cu ildə İqtisadi siyasət komitəsinin üzvü seçilmişdir^[19].

13 dekabr 2005-ci ildən^[20] Azərbaycan—Almaniya, Azərbaycan—Xorvatiya, Azərbaycan—Rusiya, Azərbaycan—Türkmənistan, 27 fevral 2007-ci ildən^[21] Azərbaycan—Ukrayna parlamentlərarası əlaqələr üzrə işçi qruplarının tərkibində fəaliyyət göstərmişdir.

7 dekabr 2010-cu ildə Milli Məclisin İqtisadi siyasət komitəsinin üzvü seçilmişdir^[22].

Əhmədovun Mehman Hüseynova verdiyi müsahibədə səsləndirdiyi fikirlər Milli Məclisdə müzakirələrə səbəb olmuşdur.^[23]

Elmi fəaliyyəti

Vahid Əhmədov texnika doktorudur. 300-ə yaxın elmi məqalənin müəllifidir. Müəllifi olduğu 72 səhifəlik "Sahibkar-menecment" kitabı 2000-ci ildə Bakıdakı "Qanun" nəşriyyatında Azərbaycan dilində nəşr olunmuşdur^[24].

Mükafatları

1965-ci ildə Qonaqkənd orta məktəbini qızıl medalla bitirmişdir.
Azərbaycan SSR Prezidentinin 29 yanvar 1991-ci il tarixli 150 nömrəli Fərmanı ilə ona "Azərbaycan SSR əməkdar mühəndisi" fəxri adı verilmişdir^[2].
Azərbaycan Ali Sovetinin Fəxri Fərmanı ilə təltif olunmuşdur.
Azərbaycan Respublikasının Şöhrət ordeni^[25]

Haqqında

İmaməddin Zəkiyev onun barəsində 2001-ci ildə "Qonaqkənddən başlanan yol" adlı sənədli povest yazmışdır^[26].

İstinadlar

Xarici keçidlər

meclis.gov.az saytındakı profili (az.)
meclis.gov.az saytındakı profili (ing.)

[1] "Milli Meclis". www.meclis.gov.az. 2023-05-26 tarixində arxivləşdirilib. İstifadə tarixi: 2024-09-03.

[1991-150-2] ¹ ² "Sənaye işçilərinə Azərbaycan SSR fəxri adlarının verilməsi haqqında" Azərbaycan Sovet Sosialist Respublikası Prezidentinin 29 yanvar 1991-ci il tarixli 150 nömrəli Fərmanı. e-qanun.az Arxivləşdirilib 2018-08-14 at the Wayback Machine (az.)

[Mod-3] ¹ ² ³ Vahid Əhmədov: "Mənə dedilər ki, ya ora getməlisən, ya da türməyə…" modern.az Arxivləşdirilib 2021-05-09 at the Wayback Machine (az.)

[4] "Alma-Ata Memorandumunu və İcevan Protokolunu həyata keçirən Qərargahın təsis edilməsi haqqında" Azərbaycan Respublikası Prezidentinin 10 sentyabr 1992-ci il tarixli 119 nömrəli Sərəncamı. e-qanun.az ^{[ölü keçid]} (az.)

[5] "V. Q. Əhmədovun Azərbaycan Respublikası Baş nazirinin müavini təyin edilməsi haqqında" Azərbaycan Respublikası Prezidentinin 23 aprel 1992-ci il tarixli 694 nömrəli Fərmanı. e-qanun.az Arxivləşdirilib 2021-03-21 at the Wayback Machine (az.)

[6] "V. Q. Əhmədovun Azərbaycan Respublikası Baş nazirinin müavini vəzifəsindən azad edilməsi haqqında" Azərbaycan Respublikası Prezidentinin 16 may 1992-ci il tarixli 738 nömrəli Fərmanı. e-qanun.az Arxivləşdirilib 3 sentyabr 2021 at the Wayback Machine (az.)

[7] "V. Q. Əhmədovun Azərbaycan Respublikası Baş nazirinin birinci müavini təyin edilməsi haqqında" Azərbaycan Respublikası Prezidentinin 16 may 1992-ci il tarixli 737 nömrəli Fərmanı. e-qanun.az Arxivləşdirilib 21 mart 2021 at the Wayback Machine (az.)

[8] "V. Q. Əhmədovun Azərbaycan Respublikası Baş nazirinin birinci müavini təyinolunması haqqında Azərbaycan Respublikası Prezidentinin Fərmanının təsdiq olunması barədə" Azərbaycan Respublikası Ali Soveti Milli Şurasının 16 may 1992-ci il tarixli 123 nömrəli Qərarı. e-qanun.az ^{[ölü keçid]} (az.)

[9] "V. Q. Əhmədovun Azərbaycan Respublikası Baş nazirinin birinci müavini təyin edilməsi haqqında" Azərbaycan Respublikası Prezidentinin 18 may 1992-ci il tarixli 747 nömrəli Fərmanı. e-qanun.az ^{[ölü keçid]} (az.)

[10] "Azərbaycan Respublikası Baş nazirinin birinci müavinlərinin və müavinlərinin təyin edilməsinə razılıq verilməsi haqqında" Azərbaycan Respublikası Ali Sovetinin 18 may 1992-ci il tarixli, 360—XII nömrəli Qərarı. e-qanun.az Arxivləşdirilib 21 mart 2021 at the Wayback Machine (az.)

[11] "Azərbaycan Respublikası Baş nazirinin müavinlərinin təyin edilməsinə razılıq verilməsi haqqında" Azərbaycan Respublikası Milli Məclisinin 28 aprel 1993-cü il tarixli 587 nömrəli Qərarı. e-qanun.az ^{[ölü keçid]} (az.)

[12] "V. Q. Əhmədovun Azərbaycan Respublikası Baş nazirinin — birinci müavini təyin edilməsi haqqında" Azərbaycan Respublikası Prezidentinin 29 aprel 1993-cü il tarixli 536 nömrəli Fərmanı. e-qanun.az Arxivləşdirilib 2021-03-21 at the Wayback Machine (az.)

[13] "V. Q. Əhmədovun Azərbaycan Respublikası Baş nazirinin birinci müavini vəzifəsindən azad edilməsi haqqında" Azərbaycan Respublikası Prezidentinin 9 dekabr 1993-cü il tarixli 56 nömrəli Fərmanı. e-qanun.az ^{[ölü keçid]} (az.)

[14] "V. Q. Əhmədovun Azərbaycan Respublikası Baş nazirinin birinci müavini vəzifəsindən azad olunmasına razılıq verilməsi haqqında" Azərbaycan Respublikası Milli Məclisinin 6 yanvar 1994-cü il tarixli 774 nömrəli Qərarı. e-qanun.az Arxivləşdirilib 2021-03-21 at the Wayback Machine (az.)

[15] "Azərbaycan Respublikası Ali Soveti Milli Şurasının təşkil edilməsi haqqında" Azərbaycan Respublikası Ali Sovetinin 26 noyabr 1991-ci il tarixli, 276-XP nömrəli Qərarı. e-qanun.az Arxivləşdirilib 2022-04-01 at the Wayback Machine (az.)

[16] "Azərbaycan Respublikası Milli Məclisinin daimi komissiyaları haqqında" Azərbaycan Respublikası Milli Məclisinin 30 iyun 1992-ci il tarixli 188 nömrəli Qərarı. e-qanun.az Arxivləşdirilib 2021-10-22 at the Wayback Machine (az.)

[17] "Arxivlənmiş surət". 2022-05-04 tarixində arxivləşdirilib. İstifadə tarixi: 2022-05-04.

[18] "Azərbaycan Respublikası Milli Məclisinin İqtisadi siyasət daimi komissiyası üzvlərinin seçilməsi haqqında" Azərbaycan Respublikası Milli Məclisinin 13 dekabr 2005-ci il tarixli, 11-IIIQR nömrəli Qərarı. e-qanun.az Arxivləşdirilib 2023-05-30 at the Wayback Machine (az.)

[19] "Azərbaycan Respublikası Milli Məclisi komitələrinin tərkibi haqqında" Azərbaycan Respublikası Milli Məclisinin 14 aprel 2009-cu il tarixli, 787-IIIQR nömrəli Qərarı. e-qanun.az Arxivləşdirilib 2023-04-04 at the Wayback Machine (az.)

[20] "Azərbaycan Respublikası Milli Məclisinin parlamentlərarası əlaqələr üzrə işçi qruplarının yaradılması haqqında" Azərbaycan Respublikası Milli Məclisinin 13 dekabr 2005-ci il tarixli, 21-IIIQR nömrəli Qərarı. e-qanun.az Arxivləşdirilib 2022-05-20 at the Wayback Machine (az.)

[21] "Azərbaycan Respublikası Milli Məclisinin parlamentlərarası əlaqələr üzrə işçi qruplarının tərkibinə əlavələr edilməsi haqqında" Azərbaycan Respublikası Milli Məclisinin 27 fevral 2007-ci il tarixli, 249-IIIQR nömrəli Qərarı. e-qanun.az ^{[ölü keçid]} (az.)

[22] "Azərbaycan Respublikası Milli Məclisinin İqtisadi siyasət komitəsi üzvlərinin seçilməsi haqqında" Azərbaycan Respublikası Milli Məclisinin 7 dekabr 2010-cu il tarixli, 11-IVQR nömrəli Qərarı. e-qanun.az Arxivləşdirilib 2022-05-20 at the Wayback Machine (az.)

[23] "Deputat Vahid Əhmədovun video-blogerlə müsahibəsi parlamentdə tənqid olunub". 2023-04-26 tarixində arxivləşdirilib. İstifadə tarixi: 2023-04-26.

[24] Azərbaycan Respublikası İqtisadi İnkişaf Nazirliyinin İqtisadi İslahatlar Elmi-Tədqiqat İnstitutunun Elmi-texniki kitabxanasındakı kitabların 2000–2003-cü illər üzrə siyahısı. Səh. 3. ier.az ^{[ölü keçid]}

[25] "V.Q.Əhmədovun "Şöhrət" ordeni ilə təltif edilməsi haqqında Azərbaycan Respublikası Prezidentinin Sərəncamı". 2021-05-11 tarixində arxivləşdirilib. İstifadə tarixi: 2017-04-02.

[26] Nizaməddin Şəmsizadə. Kitab mədəniyyətimizin fədakar tədqiqatçısı. "525-ci qəzet", 8 aprel 2010. 525.az ^{[ölü keçid]} (az.)

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

[16]

[17]

[18]

[19]

[20]

[21]

[22]

[23]

[24]

[25]

[26]