Mehman Hüseynov

Vikipediya, açıq ensiklopediya
Jump to navigation Jump to search
Mehman Hüseynov
Mehman Rafiq oğlu Hüseynov
Mehman Hüseynov.jpg
Doğum tarixi 24 noyabr 1992 (1992-11-24) (26 yaş)
Doğum yeri Bakı, Azərbaycan
Atası Rafiq Hüseynov
Anası Firəngiz Hüseynova[1]
Vətəndaşlıq Flag of Azerbaijan.svg Azərbaycan
Peşəsi bloqqer

Mehman Hüseynov (tam adı: Mehman Rafiq oğlu Hüseynov; 24 noyabr 1992, Bakı) — Azərbaycan foto və video bloqqeri, siyasi fəalı, vicdan məhbusu, "Sancaq" səhifəsinin sahibi[2].

Həyatı[redaktə | əsas redaktə]

Mehman Hüseynov 24 noyabr 1992-ci ildə Bakı şəhərində anadan olub. Azərbaycan Dövlət İqtisad Universitetində (UNEC) bakalavr təhsili alıb.

Fəaliyyəti[redaktə | əsas redaktə]

Həbs edilməsi[redaktə | əsas redaktə]

Mehman Hüseynov həbs olunmamışdan əvvəl onun başına torba keçirilib polislər tərəfindən qaçırılmışdı. O deyirdi ki, artıq nəfəs ala bilmirdim. 2017-ci il martın 3-də Suraxanı rayon Məhkəməsində, Nəsimi rayon Polis İdarəsinin rəisi Musa Musayevin Mehman Hüseynovu Azərbaycan Respublikası Cinayət Məcəlləsinin 147.2-ci (ağır və ya xüsusilə ağır cinayətdə ittiham etməklə böhtan atma) maddəsi ilə ittiham iddiası üzrə məhkəmə prossesi baş tutdu. Hakim Ceyhun Qədimovun sədrliyi ilə keçirilən proses qısa sürdü və Mehman Hüseynov 2 il müddətində azadlıqdan məhrum edildi[3]. Prosesdən sonra Mehman Hüseynovun vəkili Elçin Sadıqov jurnalistlərə bunları dedi:

" Mehman Hüseynov qanunsuz olaraq 2 il müddətinə azadlığdan məhrum etmə cəzası aldı. Cinayət Məcəlləsinin 147.2-ci maddəsi ilə təqsirli bilindi və məhkəmə prossesi, özü qanunsuz keçirildi. Çəkişmə prinsipi pozuldu, müdafiə hüququ pozuldu, bizə hazırlaşmaq üçün kifayət qədər vaxt verilmədi və məhkəmə tələsik hökmü elan etdi. Bizim qaldırdığımız vəsadətlər təmin edilmədi. Biz bu hökmlə razı deyilik və apellasiya şikayəti verəcəyik. Bu bir mənalı olaraq Azərbaycanda söz azadlığının pozulmasıdır.
Elçin Sadıqov (Mehman Hüseynovun vəkili)
"

Mehman Hüseynov isə prossesdən sonra bu sözləri dedi:

" Bu iddia mənim fəaliyyətimlə bağlıdır. Onu da deyim ki, məni heç nə fəaliyyətimdən çəkindirə bilməz. Yəni ittihamla razı deyiləm, amma qorxmuram da. Çıxarılan qərar da vecimə deyil. Gördülər ki, onları ifşa eləyirəm, məni bu cür cəzalandırdılar. Yuxarıdan nə göstəriş verilibsə, o da olacaq. Mən cinayət törətməmişəm. Məhkəmə də normal keçirilmədi. Bu da sifarişi göstərir. Bu, birbaşa söz azadlığını boğmağa yönəlib.
Mehman Hüseynov
"

Mehman Hüseynova dekabrın 26-da 14 saylı cəzaçəkmə müəssisəsində rejim-nəzarət şöbəsinin böyük inspektoru, ədliyyə leytenantı Abdalov Əli Ələddin oğlunun qanuni tələblərinə tabe olmayaraq ona qarşı zor tətbiq edib, fiziki müqavimət göstərərək ona bədən xəsarəti yetirməsi iddiası ilə yenidən Cinayət Məcəlləsinin 315.2-ci maddəsi (hakimiyyət nümayəndəsinə xidməti vəzifələrini yerinə yetirərkən həyat və sağlamlıq üçün təhlükəli olan zor tətbiq etməklə müqavimət göstərmə) ilə cinayət işi başlanılıb[4].


2019-cu ilin yanvarın 19-da Demokratik Qüvvələrin Milli Şurası mitinq keçirib. Mitinqin keçirilmə məqsədi bloger Mehman Hüseynov və beynəlxalq təşkilatların siyasi məhbus kimi tanıdığı digər insanlara azadlıq tələbidir.

Aksiya iştirakçıları “Siyasi məhbuslara azadlıq”, “Mehman Hüseynova azadlıq”, “Bu vətən bizimdir”, “Biz qalib gələcəyik” və başqa şüarlar səsləndiriblər.[5].

İstinadlar[redaktə | əsas redaktə]

  1. Emin və Mehman Hüseynov qardaşlarının anası vəfat edib [Emin Hüseynovla müsahibə]. amerikaninsesi.org]
  2. "Mehman Hüseynov kimdir?"(azərb.)). www.bbc.com. 2019-01-07. Arxivləşdirilib: [1] saytından 2019-01-07 tarixində. https://www.bbc.com/azeri/azerbaijan-39150079/https://www.bbc.com. İstifadə tarixi: 07-01-2019.
  3. "Mehman Huseynov Sentenced". Frontline Defenders. Frontline Defenders.
  4. "Mehman Hüseynov barəsində yeni cinayət işi açılıb"(azərb.)). rakurs.tv. 2019-01-07. Arxivləşdirilib: [2] saytından 2019-01-07 tarixində. https://rakurs.tv/mehman-huseynov-barsind-yeni-cinayt-isi-acilib.html/http://rakurs.tv. İstifadə tarixi: 07-01-2019.
  5. "”Mehman Hüseynova azadlıq!” mitinqi baş tutdu"(azərb.)). az24saat.org. 2019-01-19. Arxivləşdirilib: [3] saytından 2019-01-19 tarixində. https://www.az24saat.org/mehman-huseynova-azadliq-mitinqi-bas-tutdu-video-160287.html/http://az24saat.org. İstifadə tarixi: 19-01-2019.