Azərbaycan Texniki Universiteti

Vikipediya, açıq ensiklopediya
(Azərbaycan Politexnik İnstitutu səhifəsindən istiqamətləndirilmişdir)
Keçid et: naviqasiya, axtar

Azərbaycan Texniki Universiteti

Aztu.png
Universitetin emblemi
Yaranma tarixi 1950
Rektor Xalıq Yahudov( rektor əvəzi)
Tələbə sayı 10.000
Şəhər Bakı
Ölkə Azərbaycan
Vebsayt www.aztu.edu.az

Azərbaycan Texniki Universiteti və ya qısaca AzTUAzərbaycan Respublikası Təhsil Nazirliyinin tabeliyində olan ali təhsil müəssisəsi[1].

Yaranma tarixi və fəaliyyəti[redaktə | əsas redaktə]

Azərbaycan Respublikasının texniki təhsil sahəsində aparıcı universitetlərindən biri olan Azərbaycan Texniki Universiteti (AzTU) 1950-ci ildə ölkəmizin paytaxtı Bakı şəhərində tərkibində 4 fakültə olmaqla Azərbaycan Politexnik İnstitutu adı altında yaradılmışdır. Azərbaycanın aparıcı ali təhsil ocaqlarından biri kimi müasir tələblərə uyğun bakalavr və magistr hazırlığı üçün güclü professor-müəllim heyətinə və müvafiq maddi-texniki bazaya malikdir. Hazırda universitetdə elm və texnikanın müxtəlif sahələrini əhatə edən 26 istiqamətdə 70 ixtisas üzrə yüksək səviyəli mütəxəssis və elmi kadrlar hazırlanır.

Universitetdə texniki elmlərin müxtəlif istiqamətləri üzrə alimlik dərəcəsi verən ixtisaslaşdırılmış elmi şuralar fəaliyyət göstərir. Universitetin elmi nailiyyətləri "Elmi əsərlər" adlı jurnalda çap olunur. 700 mindən artıq kitab fonduna malik olan universitet kitabxanası və internetlə təchiz olunmuş oxu zalları tələbələrə və əməkdaşlara xidmət göstərir.

Boloniya prosesinə qoşulması və çoxpilləli təhsil sisteminə keçilməsi ilə əlaqədar universitet ABŞ-ın, Hollandiyanın, Almaniyanın, Türkiyənin, Rusiyanın və başqa ölkələrin qabaqcıl universitetləri və elmi mərkəzləri ilə sıx əlaqələr qurmuşdur. Ümumavropa təhsil layihələrində (TEMPUS, TAJİS və s.) universitetin əməkdaşları fəal iştirak edirlər.

Universitetin kafedraları kompyuter avadanlığı və ixtisaslaşmış laboratoriyalarla təchiz olunmuşdur. Texnikanın müasir sahələri üzrə tələbələrin hazırlanması və ixtisasların artırılması məqsədilə xüsusi tədris mərkəzləri yaradılmışdır. Universitetdə müasir idman sarayı, tələbə şəhərciyi və tələbə-istirahət düşərgəsi fəaliyyət göstərir.

Əsası 1920-ci ildə qoyulmuş Azərbaycan Texniki Universiteti yalnız Azərbaycanda deyil, beynəlxalq sferada da nüfuz qazanmış ali məktəblərdən biridir. Universitetin 9 fakültəsinin 54 kafedrasında 1000-ə yaxın müəllim, o cümlədən müxtəlif elmlər akademiyalarının 13 həqiqi və müxbir üzvü, 100-ə qədər elmlər doktoru, professor, 600 elmlər namizədi, dosent çalışır. Hazırda universitetdə 6500-dən çox tələbə təhsil alır. Tələbələr tədrislə yanaşı, həm də kafedraların, elmi–tədqiqat laboratoriyalarının araşdırmalarında iştirak edirlər.

Tədrisin təkmilləşdirilməsi, onun elm və istehsalatla əlaqələrinin möhkəmləndirilməsi prosesi daim diqqət mərkəzində saxlanılır. Universitetdə müəllim, aspirant və tələbələrin səmərəli çalışmaları ücün şərait durmadan yaxşılaşdırılır. Azərbaycan, rus və xarici dillərdə 700 mindən çox kitabla təmin olunmuş əsaslı kitabxana, kifayət qədər müasir kompyuterlərlə təchiz olunmuş hesablama mərkəzi, müasir idman kompleksi, poliklinika, yeməkxana və Nabranda istirahət zonası onların tələblərinin ödənilməsinə xidmət edir.

1998-ci ilin oktyabrından universitetdə Avropa Şurasının TACIS proqramı çevçivəsində yaradılmış Azərbaycan Telekommunikasiya Tədris Mərkəzi (AzTTM) fəaliyyətə başlamışdır. İndiyədək universitetdə 40-dan artıq xarici ölkənin vətəndaşı təhsil almış və hazırda 150–dək xarici tələbə oxuyur. Qəbul edilən xarici vətəndaşların tədris və dil hazırlığını təmin etmək məqsədi ilə hazırlıq şöbəsi fəaliyyətdədir.

Universitetin ABŞ, Rusiya, Kanada, Çin Xalq Respublikası, Almaniya, İngiltərə, Fransa, Türkiyə, İran İslam Respublikası, Malayziya, Avstriya, Polşa, Gürcüstan, Türkmənistan və s. ölkələrin universitetləri və elmi müəssisələri ilə daimi əlaqələri vardır. Universitetdə bakalavr (mühəndis) hazırlığı üçün 4 il (xarici vətəndaşlar əlavə 9 ay hazırlıq şöbəsində oxumalıdırlar), magistr hazırlığı üçün 2 il, elmlər namizədi və elmlər doktoru hazırlığı üçün 3–4 il vaxt norması nəzərdə tutulmuşdur.

Universitetdə yüksək ixtisaslı elmi işçilərin hazırlanmasına xidmət edən aspirantura və doktorantura fəaliyyət göstərir.

Universitetin tərkibində 2,5 milyondan çox kitab fondu olan elmi kitabxana, Yaponiyada istehsal olunmuş müasir tipli rizoqraf və digər çap avadanlıqları olan nəşriyyat, 6 muzey, informasiya və tərcümə mərkəzi, idman–sağlamlıq kompleksi, hərbi kafedra, poliklinika fəaliyyət göstərir.

Universitetdə Müşfiq Borçalının Baş redaktorluğu ilə rəngli "Ziya" qəzeti çap olunur.

AzTU-nun "Avtomatika və Kompyuter texnikası" fakültəsinin aparıcı kafedralarından biri olan "Kompyuter sistemləri və şəbəkələri" kafedrası 2006-cı ildə informatika və kompyuter texnikası kafedrası bazasında yaradılmışdır.

Kafedra bilavasitə kompyuter sistemləri və şəbəkələri sahəsində milli kadrların hazırlanması zərurətindən yaradılmışdır. TM180000 "İnformatika və hesablama texnikası" istiqaməti üzrə yüksək ixtisaslı mütəxəs­sislərin hazırlanmasına 2 professor, 8 elmlər namizədi-dosent, 6 baş müəllim, 1 assistent, 5 tədris-köməkçi heyəti xidmət edir. Tələbələrə hesablama texnikası və informasiya texnologiyaları istiqaməti üzrə əsaslı bilik vermək, hazırlamaq kafedranın əsas amalıdır. Bu isə kafedranın məzunlarına hesablama vasitələri və avadanlıqlarının layihələndirilməsi, istismarı və istifadəsi üzrə geniş miqyaslı istiqamətlərdə peşəkar kimi yer tutmağa imkan verir.

Fakültələr[redaktə | əsas redaktə]

Avtomatika və kompüter texnikası[redaktə | əsas redaktə]

Dekanlar:[redaktə | əsas redaktə]

Radiotexnika və rabitə[redaktə | əsas redaktə]

  • Dekan: Texnika elmləri doktoru, professor İbrahimov Bayram Qənimət oğlu

Elektrotexnika və energetika[redaktə | əsas redaktə]

  • Dekan: Texnika elmləri doktoru, professor Bəşirov Mahir Məcnun oğlu

Nəqliyyat[redaktə | əsas redaktə]

  • Dekan: Fizika-riyaziyyat elmləri namizədi, dosent Həsənov Fazil Abduləzim oğlu

Maşınqayırma[redaktə | əsas redaktə]

  • Dekan: Texnika elmləri namizədi, dosent Məmmədov Ərəstun Salman oğlu

Metallurgiya[redaktə | əsas redaktə]

  • Dekan: Texnika elmləri namizədi, dosent Babayev Aqil İsa oğlu

Texnoloji maşınlar[redaktə | əsas redaktə]

  • Dekan: Texnika elmləri namizədi, dosent Əmirov Fariz Qaçay oğlu

Mühəndis biznesi və menecment[redaktə | əsas redaktə]

  • Dekan: İqtisad elmləri namizədi, dosent Aslanzadə İlham Alıcı oğlu

Xarici tələbələr üzrə dekanlıq[redaktə | əsas redaktə]

  • Dekan: Fizika-riyaziyyat elmləri namizədi, dosent Mustafayev Elçin Ramiz oğlu

Xüsusi Texnika və Texnologiya[redaktə | əsas redaktə]

  • Dekan: Texnika elmləri namizədi, dosent Hüseynov Ramiz Əhməd oğlu

Ümumi Universitet kafedraları[redaktə | əsas redaktə]

Bu fakültələrdə əyani və qiyabi formada 6000-dək tələbə təhsil alır. Onlardan 300 nəfərə qədəri xarici vətəndaşlardır. Universitetin 45 kafedrasında 600 nəfərədək professor-müəllim heyəti, o cümlədən 70 nəfərədək elmlər doktoru, professor, 400-dək elmlər namizədi, dosent çalışır.

Xarici tələbələr üzrə dekanlıq universitetdə xarici ölkələr üçün yüksək ixtisaslı mütəxəssislər hazırlanmasını təmin etmək məqsədi ilə xarici tələbələrin qəbulu, təhsili və məişətinin təşkili ilə bağlı məsələləri həll etmək üçün fəaliyyət göstərir.

İxtisaslar[redaktə | əsas redaktə]

Bakalavr təhsili[redaktə | əsas redaktə]

Azərbaycan Texniki Universitetində bakalavr pilləsində bu ixtisaslar üzrə mütəxəssislər hazırlanır:

AVTOMATİKA VƏ KOMPÜTER TEXNİKASI fakültəsi[redaktə | əsas redaktə]

  • 1 050632 İnformasiya texnologiyaları və sistemləri mühəndisliyi
  • 2 050628 Proseslərin avtomatlaşdırılması mühəndisliyi
  • 3 050631 Kompüter mühəndisliyi
  • 4 050509 Kompüter elmləri

ELEKTRONİKA VƏ ENERGETİKA fakültəsi[redaktə | əsas redaktə]

  • 1 050608 Elektroenergetika mühəndisliyi
  • 2 050609 İstilik energetikası mühəndisliyi
  • 3 050626 Elektrik mühəndisliyi
  • 4 050610 Enerji maşıngayırması mühəndisliyi

RADİOTEXNİKA VƏ RABİTƏ fakültəsi[redaktə | əsas redaktə]

  • 1 050627 Elektronika, radiotexnika və telekommunikasiya mühəndisliyi

METALLURGİYA fakültəsi[redaktə | əsas redaktə]

  • 1 050611 Metallurgiya mühəndisliyi
  • 2 050601 Materialşünaslıq mühəndisliyi
  • 3 050649 Ekologiya mühəndisliyi
  • 4 050648 Fövqəladə hallar və həyat fəayyətinin tahlukasizliyi mühəndisliyi

MAŞINQAYIRMA fakültəsi[redaktə | əsas redaktə]

  • 1 050612 Maşın mühəndisliyi
  • 2 050646 Təkrar emal və bərpa mütexnologiyaları həndisliyi
  • 3 050630 Mexanika mühəndisliyi

NƏQLİYYAT fakültəsi[redaktə | əsas redaktə]

  • 1 050622 Yerüstü nəqliyyat vasitələrinin mühəndisliyi
  • 2 050623 Nəqliyyatda daşımaların və idarəetmənin təşkili mühəndisliyi
  • 3 050621 Dəmir yol nəqliyyatı və təsərrüfatı mühəndisliyi
  • 4 050811 Nəqliyyatd servisi (avtomobil nəqliyyatı üzrə)

TEXNOLOJİ MAŞINLAR fakültəsi[redaktə | əsas redaktə]

  • 1 050625 Texnologi maşın və avadanlıqlar mühəndisliyi
  • 2 050624 Cihazqayırma mühəndisliyi
  • 3 050647 Metrologiya, Standartlaşdırma və sertifikasiya mühəndisliyi
  • 4 050645 Poligrafiya mühəndisliyi
  • 5 050648 Biotibbi texnologiya mühəndisliyi

MÜHƏNDİS BİZNESİ VƏ MENECMENT fakültəsi[redaktə | əsas redaktə]

  • 1 050405 Sənayənin təşkili və idarə edilməsi
  • 2 050407 Menecment
  • 3 050409 Marketinq
  • 4 050411 Biznesin təşkili və idarə edilməsi

Magistratura[redaktə | əsas redaktə]

Magistratura mərhələsində bu ixtisaslar üzrə mütəxəssislər hazırlanır:

NƏQLİYYAT fakültəsi[redaktə | əsas redaktə]

  • 1 TM 100001 Avtomobillər;
  • 2 TM 100005 Nəqliyyatda daşımaların və idarəetmənin təşkili (Avtonəqliyyat sahəsi üzrə);
  • 3 TM 100005 Nəqliyyatda daşımaların və idarəetmənin təşkili (Dəmiryolu sahəsi üzrə);
  • 4 TM 100006 Yol hərəkətinin təşkili;
  • 5 TM 090001 Dəmiryolu və təsərrufatı, onun istismarı;
  • 6 TM 090002 Lokomotivlər və lokomotiv təsərrüfatı;
  • 7 TM 090004 Vaqon və vaqon təsərrüfatı;
  • 8 TM 290007 Nəqliyyat vasitələrinin təmiri və servis xidməti (avtomovil nəqliyyatı üzrə);

ELEKTROTEXNİKA VƏ ENERGETİKA fakültəsi[redaktə | əsas redaktə]

  • 1 TM 030004 Elektrik təchizatı (Dəmiryol nəqliyyatı üzrə);
  • 2 TM 030005 Elektroenergetika;
  • 3 TM 040005 Daxiliyanma mühərrikləri;
  • 4 TM 040009 Enerji çevrilmələrində gedən proseslərin istilik fizikası;
  • 5 TM 040012 Kompressor maşınları və qurğuları;
  • 6 TM 120003 Elektrik izolyasiyasının texnikası və fizikası;
  • 7 TM 120004 Kabel və keçiricilərin texnikası və fizikası;
  • 8 TM 120017 Avtomobil və traktorların elektrik avadanlıqları;
  • 9 TM 120023 Avtonom obyektlərin elektromexaniki sistemləri;
  • 10 İİM 020024 Enerji menecmenti (elektroenergetika sahəsi üzrə, TEMPUS layihəsi );

RADİOTEXNİKA VƏ RABİTƏ fakültəsi[redaktə | əsas redaktə]

  • 1 TM 150001 Siqnalların qəbulu, emalı və ötürülmə sistem və qurğuları;
  • 2 TM 150002 Nəzəri radiotexnika;
  • 3 TM 150004 Radiorabitə qurğuları və kompleksləri;
  • 4 TM 150007 Xüsusiləşmiş radiorabitə sistemləri;
  • 5 TM 160001 Rabitə qovşaqları və kommutasiya sistemləri;
  • 6 TM 160002 Elektron poçt rabitəsi;
  • 7 TM 160003 Çoxkanallı telekommunikasiya sistemləri;
  • 8 TM 160004 Rabitə sistemləri və informasiyanın paylanması;
  • 9 TM 290001 Məişət radioelektron aparatlarında servis xidməti;
  • 10 TM 290002 Məişət maşın və cihazlarının layihələndirilməsi və servis xidməti;
  • 11 TM 290003 Biotexniki və tibbi apparat və sistemlərin quraşdırılması, texniki istismarı və servis xidməti;
  • 12 TM 350002 Radioelektronika vasitələrinin konstruksiya edilməsi və texnologiyası;
  • 13 TEM 330028 Optik rabitə fizikası və texnikası;

METALLURGİYA fakültəsi[redaktə | əsas redaktə]

  • 1 TTM 090001 Materialşünaslıq və materialların texnologiyası;
  • 2 TM 050002 Əlvan və nadir metalların metallurgiyası;
  • 3 TM 050004 Əlvan metal filizlərinin zənginləşdirilməsi;
  • 4 TM 050005 Qara və əlvan metalların və ərintilərin tökmə istehsalı;
  • 5 TM 050006 Metalşunaslıq və metalların termiki emalı;
  • 6 TM 050007 Qaynaq istehsalının metallurgiyası, texnologiyası və avadanlığı;
  • 7 TM 050008 Kompozisiya və ovuntu materialları, örtüklər;
  • 8 ETM 010001 Ekologiya (metallurgiya sahəsi üzrə);

MAŞINQAYIRMA fakültəsi[redaktə | əsas redaktə]

  • 1 TM 060001 Maşınqayırma texnologiyası (ümumi maşınqayırma);
  • 2 TM 060002 Metalkəsən dəzgahlar və alətlər;
  • 3 TM 060003 Tökmə istehsalının texnologiyası və maşınları;
  • 4 TM 060009 Maşın və apparat hissələrinin bərpası və möhkəmliyinin artırılması texnologiyası və avadanlığı;
  • 5 TM 060010 Texnoloji komplekslərin layihələndirilməsi;
  • 6 TM 060011 Hidravlik maşınlar, hidrointiqallar və hidropnevmoavtomatika;
  • 7 TTM 120001 Maddi istehsal vasitələrinin renovasiyası (maşınqayırma sahəsi üzrə);

AVTOMATİKA VƏ KOMPÜTER TEXNİKASI fakültəsi[redaktə | əsas redaktə]

  • 1 TM 090006 Dəmiryol nəqliyyatında avtomatika, telemexanika və rabitənin ümumi problemləri;
  • 2 TM 140002 Yarımkeçirici sistemlərin və çihazların fizikası;
  • 3 TM 140003 Elektron qurğuları;
  • 4 TM 140005 Sənaye elektronikası;
  • 5 TM 140009 Fiziki qurğuların elektronikası və avtomatikası;
  • 6 TM 170001 Texniki sistemlərdə idarəetmə və informatika;
  • 7 TM 170002 Texnoloji proseslərin və istehsalatların avtomatlaşdırılması (maşınqayırma sahəsi üzrə);
  • 8 TM 180001 Dinamiki arxitekturlu multiprosessorlu sistem və şəbəkələr;
  • 9 TM 180005 İnformasiya emalının və idarəetmənin avtomatlaşdırılmış sistemləri;
  • 10 TM 180006 Avtomatlaşdırılmış sistemlərin və hesablama texnikası-nın proqram tə’minatı;
  • 11 TM 180010 Məlumatların mühafizəsinin texnologiyası və təşkili;
  • 12 TM 180020 Proseslərin avtomatlaşdırılması;
  • 13 TM 350001 Elektron hesablayıcı vasitələrinin konstuksiya edilməsi və texnologiyası;

TEXNOLOJİ MAŞINLAR fakültəsi[redaktə | əsas redaktə]

  • 1 TM 110001 Texnoloji maşınlar və avadanlıqlar (plastik kütlə və rezin emalı maşınları);
  • 2 TM 110001 Texnoloji maşınlar və avadanlıqlar (yüngül sənaye maşınları);
  • 3 TM 110001 Texnoloji maşınlar və avadanlıqlar (yeyinti istehsalı maşınları);
  • 4 TM 110002 Poliqrafiya maşınları və avtomatlaşdırılmış komplekslər;
  • 5 TM 110003 Yükqaldıran nəqledici maşınlar;
  • 6 TM 130001 Cihazqayırma texnologiyası (ümumi jıhazqayırma);
  • 7 TM 130006 Metrologiya və metroloji təminat (maşınqayırma sahəsi üzrə);
  • 8 TM 310001 Standartlaşdırma və sertifikasiya (maşınqayırma üzrə);
  • 9 TM 360002 Bioloji və tibbi praktikada mühəndis işi;

MÜHƏNDİS BİZNESİ VƏ MENECMENT fakültəsi[redaktə | əsas redaktə]

  • 1 İİM 020001 İstehsalat və xidmət sahələrinin iqtisadiyyatı və idarə edilməsi (Maşınqayırma üzrə);
  • 2 İİM 020001 İstehsalat və xidmət sahələrinin iqtisadiyyatı və idarə edilməsi (Rabitə üzrə);
  • 3 İİM 020001 İstehsalat və xidmət sahələrinin iqtisadiyyatı və idarə edilməsi (Nəqliyyat üzrə);
  • 4 İİM 020002 Biznesin təşkili və idarə edilməsi;
  • 5 İİM 020012 Strateji idarəetmə;
  • 6 İİM 010007 İqtisadiyyatın tənzimlənməsi;

AzTU–da magistr hazırlığı 19 elmi istiqamətdə birləşmiş 82 ixtisas üzrə aparılır.

Azərbaycan Texniki Universitetinin xarici tələbələrlə 30 illik iş təcrübəsi vardır. Bu dövr ərzində 40-dan çox ölkənin, o cümlədən Türkiyə, İran İslam Respublikası, Bolqarıstan, Misir Ərəb Respublikası, Birləşmiş Ərəb Əmirlikləri, Yəmən, İraq, Suriya, İordaniya, Əlcəzair, Liviya, Anqola, Mali, Madaqaskar, Mərakeş, Konqo, Zair, Peru, Ekvador, Kuba, Banqladeş, Hindistan, Əfqanıstan, Çin, Vyetnam, Koreya, Kamboca və başqa ölkələrin nümayəndələri təhsil almış və alır. İndiyə kimi universiteti 1000 nəfərədək xarici tələbə bitirmişdir. Universitetdə hərbi kafedra fəaliyyət göstərir. Kafedra ehtiyat zabitlər proqramı üzrə hərbi hazırlıq dərsləri keçir.

Universitetin strukturu[redaktə | əsas redaktə]

Rektor əvəzi: İqtisad elmləri namizədi, dosent Xalıq Yahudov

Prorektorlar:

  • Elm və texnika üzrə prorektor - Texnika elmləri doktoru, professor İlham Pirməmmədov
  • İnzibati təsərrüfat işləri üzrə prorektor - Texnika elmləri namizədi, dosent Abuzər Mirzəliyev
  • Tərbiyə işləri uzrə prorektor - Texnika elmləri namizədi, dosent İsa Xəlilov
  • Tədris hissəsi müdiri - Texnika elmləri namizədi, dosent Zəkay Şayev
  • Həmkarlar İttifaqı komitəsi - Texnika elmləri namizədi, dosent Akif Cahangirov

Xarici əlaqələri[redaktə | əsas redaktə]

Qafqaz Universitetlər Birliyinin üzvüdür.[2]

İstinadlar[redaktə | əsas redaktə]

Mənbə[redaktə | əsas redaktə]

Həmçinin bax[redaktə | əsas redaktə]