Aqiyə Naxçıvanlı

Vikipediya, açıq ensiklopediya
Jump to navigation Jump to search
Aqiyə Naxçıvanlı
azərb. Aqiyə Həbib qızı Naxçıvanlı
Aqiyə Naxçıvanlı.jpg
Doğum tarixi 11 mart 1950 (1950-03-11) (69 yaş)
Doğum yeri Oğuz, Azərbaycan SSR, SSRİ
Vətəndaşlıq Flag of the Soviet Union.svg SSRİFlag of Azerbaijan.svg Azərbaycan
İş yeri Azərbaycan Respublikası Milli Məclisi[1]
Elmi dərəcəsi siyasi elmlər doktoru
Elmi adı
professor
Təhsili M.F.Axundov adına Azərbaycan Dövlət Pedaqoji İnstitutu
Mükafatları Əməkdar müəllim
"Şöhrət" ordeni (Azərbaycan)"Şöhrət" ordeni

Aqiyə Naxçıvanlı (tam adı: Aqiyə Həbib qızı Naxçıvanlı; d. 11 mart 1950, Oğuz, Azərbaycan SSR, SSRİ) — Azərbaycan Respublikası Milli Məclisinin IV və V çağırış deputatı, Azərbaycan Müəllimlər İnstitutunun keçmiş rektoru. Milli Məclisin Ailə,Qadın və Uşaq Məsələləri komitəsinin sədri[2].

Həyatı[redaktə | əsas redaktə]

Aqiyə Naxçıvanlı 11 mart 1950-ci ildə Oğuz şəhərində anadan olub. 1957-1960-cı illərdə Oğuz (Vatraşen) şəhər 1 N-li orta məktəbin şagirdi olub. 1967-1972-ci illərdə M.F.Axundov adına Azərbaycan Pedaqoji Dillər İnstitutunun tələbəsi olub. 2015-ci ildə Azərbaycan Respublikasının Parlament seçkisində Milli Məclisin deputatı və Milli Məclisin Ailə, qadın və uşaq məsələləri komitəsinin sədri seçilib.

Fəaliyyəti[redaktə | əsas redaktə]

1972-ci ildə təyinatla Oğuz rayon 2 N-li orta məktəbinə rus dili müəllimi göndərilib. Həmin illərdə məktəb – müəllim komsomol təşkilatının sədri seçilib. 1973-cü ildə Oğuz rayonunun Komsomol Komitəsinin məktəbli gənclərlə iş üzrə katibi seçilib. 1974-1977-ci illərdə Oğuz rayonu Komsomol Komitəsinin birinci katibi təyin edilib. 1975-1977-ci illərdə Rayon Partiya Komitəsinin büro üzvü, Rayon Xalq Deputatları Sovetinin deputatı seçilib.

Ailəsi[redaktə | əsas redaktə]

Ailəlidir, 2 övladı var.

  • 1977-ci ildə Azərbaycan LKGİ (Lenin Kommunist Gənclər Ittifaqının) Mərkəzi Komitəsinin məktəbli-gənclər şöbəsinin müdiri təyin edilib, Komsomolun Mərkəzi komitəsinin plenum üzvü seçilib.
  • 1978-1980-ci illərdə Bakı Ali Partiya məktəbinin müdavimi olub.
  • 1980-1983-cü illərdə Naxçıvan Vilayət Partiya Komitəsinin ümumi şöbəsində təlimatçı vəzifəsində işləyib.
  • 1983-cü ildən 26 Bakı komissarı adına Rayon Partiya Komitəsinin təşkilat şöbəsində təlimatçı vəzifəsində işləyib.
  • 1986-1995-ci illərdə Bakı Ali Partiya məktəbinin “Rus dili və ədəbiyyatı” kafedrasında baş müəllim vəzifəsində işləyib.
  • 1995-ci ildə Bakı Sosial İdarəetmə və Politologiya İnstitutunun “Azərbaycan və rus dili” kafedrasının müdiri vəzifəsində çalışıb.
  • 1996-cı ildə Azərbaycan Respublikası Prezidenti yanında Ali Attestasiya Komissiyasının qərarı ilə fəlsəfə elmləri namizədi alimlik dərəcəsi verilmişdir.
  • 1996-1999-cu illərdə Bakı Sosial İdarəetmə və Politologiya İnstitutunun elmi katibi, Aspirantura şöbəsinin müdiri vəzifəsində çalışıb, eyni zamanda “Fəlsəfə” kafedrasının dosenti olub.
  • 1999-2004-cü illərdə Azərbaycan Respublikası Prezidenti yanında Dövlət İdarəçilik Akademiyasının “Siyasi idarəetmə” fakültəsinin dekanı vəzifəsində çalışıb.
  • 2002-ci ildə elmi pedaqoji fəaliyyətinin 30 illiyi münasibəti ilə rektorluq tərəfindən təşəkkür elan edilmişdir.
  • 2003-cü ildə Azərbaycan Respublikasının Prezidenti yanında Ali Attestasiya Komissiyasının qərarı ilə “Fəlsəfə və Sosial psixologiya” kafedrasının dosenti elmi adı almışdır.
  • 2004-cü ildə Azərbaycan Respublikasının Prezidenti yanında Ali Attestasiya Komissiyasının qərarı Siyasi elmlər doktoru alimlik dərəcəsi verilmişdir.
  • 2000-2005-ci illərdə Səbail rayon YAP qadınlar şurasının sədr müavini seçilmişdir.
  • 2005-ci ildə Azərbaycan Respublikası Prezidentinin 28 mart, 713 saylı Sərəncamı ilə Azərbaycan Müəllimlər İnstitutunun rektoru vəzifəsinə təyin olunmuşdur.
  • 2007-ci ildə Azərbaycan Respublikasının Prezidenti yanında Ali Attestasiya Komissiyasının qərarı ilə professor elmi adı verilmişdir.
  • 2007-ci ildə Beynəlxalq Kadr Akademiyasının rəyasət heyətinin qərarı ilə “Fəxri akademik” adına layiq görülmüşdür.
  • 2008-ci ildə Nərimanov rayon YAP siyasi şurasının üzvü seçilib.
  • 2010-cu ildə Azərbaycan Respublikasının Parlament seçkisində Milli Məclisin deputatı seçilib. Ehtiyatda olan tibb bacısıdır.
  • 2015-ci ildə Azərbaycan Respublikasının Parlament seçkisində Milli Məclisin deputatı seçilib, Milli Məclisin Ailə, Qadın və Uşaq Məsələləri komitəsinin sədri[2].

Mükafatları[redaktə | əsas redaktə]

  • 1976-cı ildə “Əməkdar fərqlənməyə görə” medalı ilə təltif edilib.
  • 2008-ci ildə Azərbaycan Respublikası Prezidentinin 25 sentyabr 3062 nömrəli Sərəncamı ilə Azərbaycan Respublikasının “Əməkdar müəllimi” fəxri adı verilmişdir.
  • 2009-cu ildə Azərbaycan YAP Qadınlar Şurasının İdarə heyətinin üzvü seçilib. Azərbaycan Respublikası Prezidentinin 7 oktyabr 2009-cu il tarixli, 612 nömrəli Sərəncamı ilə “Şöhrət Ordeni” ilə təltif olunub.
  • 2009-cu ildə İctimai təltifatlar üzrə Birləşmiş Millətlər Şurası Beynəlxalq Təltifat İttifaqının “Avropa şərəfi” ordeni ilə təltif olunmuşdur.
  • 2018-ci ildə Azərbaycan Polisinin yaranmasının 100 illiyi ilə əlaqədar Azərbaycan Respublikasının daxili İşlər Nazirliyi tərəfindən “Azərbaycan Polisi-100” medalı ilə, Azərbaycan Ordusunun yaranmasının 100 illiyi ilə əlaqədar

“Azərbaycan Ordusu-100 il” medalı ilə, Azərbaycan Parlamentinin yaranmasının 100 illiyi ilə əlaqədar “Milli Məclis-100” medalı ilə təltif olunmuşdur.

  • 2019-cu ildə Azərbaycan Respublikasının Prezidenti İlham Əliyev tərəfindən" Azərbaycan Xalq Cumhuriyyətinin 100 illiyi (1918-2018)" yubiley medalı ilə təltif olunub[2].

İstinadlar[redaktə | əsas redaktə]

Xarici keçidlər[redaktə | əsas redaktə]