Zeynəb Xanlarova

Zeynəb Xanlarova
Ümumi məlumatları
Tam adı	Zeynəb Yəhya qızı Xanlarova
Ləqəbi	"Dünyanın Zeynəbi"
Doğum tarixi	28 dekabr 1936 (1936-12-28) SSRİ, Azərbaycan SSR, Bakı
Mənşə	Azərbaycanlı
Peşəsi	Müğənni
Fəaliyyət illəri	1961-bu günə kimi
Mükafatları
Veb saytı	ZeynabXanlarova.com

Xanlarova Zeynəb Yəhya qızı (d. 28 dekabr 1936, Bakı, Azərbaycan SSR, SSRİ) — müğənni, Azərbaycan SSR xalq artisti (1975), Ermənistan SSR xalq artisti (1978), Özbəkistan SSR xalq artisti, SSRİ xalq artisti (1980), Azərbaycan SSR Dövlət mükafatı laureatı (1985), "Heydər Əliyev" ordeni laureatı (2016).

Həyatı

Zeynəb Yəhya qızı Xanlarova 28 dekabr 1936-cı ildə Bakı şəhərində anadan olmuşdur. O, 1956-cı ildə M.Ə.Sabir adına Bakı Pedaqoji məktəbini və 1961-ci ildə A.Zeynallı adına Bakı Musiqi Texnikumunu bitirib. Xalq artisti 1961-ci ildən Opera və Balet Teatrının solisti kimi fəaliyyətə başlayıb. Ü.Hacıbəyovun “Leyli və Məcnun”, “Əsli və Kərəm” operalarında Leyli və Əsli obrazlarını yaradıb. Xalq artistinin repertuarında muğamlar, təsnif və Azərbaycan xalq mahnıları, bəstəkar mahnıları, şərq xalqlarının mahnıları geniş yer tutur.

Z.Xanlarova Azərbaycanın qadın xanəndələri arasında “Çahargah” muğamının ilk ifaçılarından biridir. Haqqında “Salam, Zeynəb!” adlı sənədli televiziya filmi çəkilib.

Zeynəb Xanlarova həm də uzun illərdir Azərbaycan Respublikası Milli Məclisinin deputatıdır. “Şöhrət” ordeni ilə təltif edilib. 1975-ci ildən Azərbaycanın xalq artisti, 1980-ci ildən SSRİ xalq artisti, 1985-ci ildən Azərbaycan SSR Dövlət mükafatı laureatıdır.

Təhsili

1956-cı ildə M.Ə.Sabir adına Bakı Pedaqoji məktəbi, 1961-ci ildə isə A.Zeynallı adına Bakı Musiqi Texnikumunu bitirmişdir.

Karyerası

1961-ci ildən Opera və Balet teatrının solistidir. Üzeyir Hacıbəyovun "Leyli və Məcnun", "Əsli və Kərəm" operalarında müvafiq olaraq Leyli və Əsli obrazlarını yaratmışdır. Repertuarında muğam (Şahnaz, Mahur, Qatar, Bayatı-Şiraz və s.), təsnif və Azərbaycan xalq mahnıları, Azərbaycan bəstəkarlarının (Qara Qarayev, Fikrət Əmirov, Tofiq Quliyev, Cahangir Cahangirov, Arif Məlikov, Emin Sabitoğlu, Ələkbər Tağıyev və b.) və şərq xalqlarının mahnıları geniş yer tutur. Azərbaycanın qadın xanəndələri arasında "Çahargah" muğamının ilk ifaçılarındandır. O, həmçinin bir sıra mahnıların da müəllifidir.

Dünyanın əksər ölkələrində konsertlər vermişdir.

Azərbaycan SSR Ali Sovetinin (XI-XII çağırış) və Azərbaycan Respublikası Milli Məclisinin (I-IV çağırış) deputatı olmuşdur.

Mükafatları

• Azərbaycan SSRİ xalq artisti — 1975
• SSR xalq artisti
• Ermənistan SSRİ xalq artisti
• Özbəkistan SSR xalq artisti
• Azərbaycan SSR Dövlət mükafatı laureatı
• Şərəf nişanı
• Xalqlar dostluğu
• Qızıl val mükafatı(Melodiya firması)
• "Şöhrət" ordeni
• "Şərəf" ordeni
• "İstiqlal" ordeni
• "Heydər Əliyev" ordeni

• Başın və Başarı ödülü (Türk Basın Birliyi)
• İlin Sənətçisi (Ankara Jurnalistlər Birliyi)

Filmoqrafiya

1. Abşeron ritmləri (film, 1970)(tammetrajlı musiqili-bədii televiziya filmi)-filmdə iştirak edən
2. Toyda görüş (film, 1970)
3. Konsert proqramı (film, 1971) (II)
4. Qəribə adam (film, 1979)
5. Nəğməkar torpaq (film, 1981)
6. Üzeyir ömrü (film, 1981)
7. Salam, Zeynəb! (film, 1982)
8. Şərt (film, 1984)
9. Hacı Arif (film, 1995)
10. Şeirin xəzrisi (film, 2000)
11. Əliyevin əli (film, 2000)
12. Uğur formulu (film, 2007)
13. Yorulmamışam. Rövşən Behcət (film, 2007)
14. Xilaskar. III Film (film)

Həmçinin bax

• Aktrisa, Əməkdar Artist Mehriban Xanlarovanın bibisidir.

Xarici keçidlər

• Şəxsi saytı: zeynabxanlarova.com  (azərb.)  (ing.)
• İfasında mahnılar (video)
• Xalq artisti Zeynəb Xanlarovanın doğum günüdür