Ramiz Mehdiyev

Vikipediya, azad ensiklopediya
Jump to navigation Jump to search
Ramiz Mehdiyev
Ramiz Ənvər oğlu Mehdiyev
Академик Рамиз Мехтиев.jpg Ramiz Ənvər oğlu Mehdiyev
bayraqAzərbaycan Milli Elmlər Akademiyasının prezidentibayraq
23 oktyabr 2019 — indiyə kimi
Sələfi Akif Əlizadə
bayraqAzərbaycan Respublikası Prezidentinin Administrasiyasının rəhbəribayraq
7 fevral 1995 — 23 oktyabr 2019
Xələfi Samir Nuriyev
bayraqAzərbaycan Respublikası Prezidentinin İcra Aparatının 1-ci dərəcə dövlət müşaviribayraq
10 avqust 2004 — indiyə kimi
bayraqPrezidentin İcra Aparatının şöbə müdiribayraq
1994 — 1995
Xələfi Mail Rəhimov
Şəxsi məlumatlar
Partiya Emblem of New Azerbaijan Party.png Yeni Azərbaycan Partiyası
Təhsili Bakı Dövlət Universiteti
İxtisası ali, fəlsəfə elmləri doktoru, akademik
Fəaliyyəti Azərbaycanın siyasi xadimi
Doğum tarixi 17 aprel 1938(1938-04-17) (81 yaş)
Doğum yeri Bakı, Azərbaycan SSR
Elmi fəaliyyəti
Elmi dərəcəsi ali, fəlsəfə elmləri doktoru, akademik

Mükafatları AZ Heydar Aliyev Order ribbon.png "İstiqlal" ordeni "Şərəf" ordeni "Şöhrət" ordeni (Azərbaycan) "Qırmızı Əmək Bayrağı" ordeni
Commons-logo.svg Vikianbarda əlaqəli mediafayllar

Ramiz Ənvər oğlu Mehdiyev (17 aprel 1938(1938-04-17), Bakı) — Azərbaycanın siyasi xadimi, Azərbaycan Milli Elmlər Akademiyasının prezidenti (2019-cu ildən), Azərbaycan Respublikası Prezidentinin Administrasiyasının rəhbəri (1995–2019), Azərbaycan Fəlsəfə və Sosial-Siyasi Elmlər Assosiasiyasının prezidenti, AMEA-nın həqiqi üzvü; Azərbaycan Respublikasının Həqiqi Dövlət müşaviri.[1][2][3]

Həyatı[redaktə | əsas redaktə]

Ramiz Mehdiyev 1938-ci il aprelin 17-də Bakı şəhərində anadan olub.

Təhsili[redaktə | əsas redaktə]

1957-ci ildə Bakı Dənizçilik Məktəbini bitirmişdir. Buradakı təhsilini başa vurduqdan sonra 1961-ci ildə S.M.Kirov adına Azərbaycan Dövlət Universitetinin (hal-hazırki Bakı Dövlət Universiteti) tarix fakültəsinə daxil olmuşdur. 1968-ci ildə M.V.Lomonosov adına Moskva Dövlət Universitetinin fəlsəfə fakültəsinin aspiranturasına daxil olub.

1972-ci ilin mayında Moskva Dövlət Universitetinin Müdafiə Şurasının iclasında fəlsəfə elmləri namizədi alimlik dərəcəsini almaq üçün dissertasiyasını müdafiə edib.

Fəaliyyəti[redaktə | əsas redaktə]

Əmək fəaliyyəti[redaktə | əsas redaktə]

1957-ci ildə Bakı Dənizçilik Məktəbini bitirdikdən sonra “Xəzərdənizneftqazsənaye” Ümumittifaq İstehsalat Birliyinin “Xəzərneftdonanma” İdarəsində işləyib. 1965-ci ildə V kurs tələbəsi ikən Azərbaycan LKGİ MK-nın tələbə gənclər şöbəsində təlimatçı vəzifəsinə təyin edilib, 1967-68-ci illərdə Azərbaycan LKGİ Naxçıvan Vilayət Komsomol Komitəsinin ikinci katibi vəzifəsində çalışıb.[3]

1972-ci ildən Azərbaycan Dövlət Universitetinin Elmi kommunizm kafedrasında əvvəl müəllim, sonra isə baş müəllim vəzifəsində çalışıb.

Siyasi fəaliyyəti[redaktə | əsas redaktə]

1974-cü ilin mayında Azərbaycanda KP MK aparatında Təbliğat və təşviqat şöbəsində mühazirəçi vəzifəsinə irəli çəkilib. 1976-cı ilin iyununda Azərbaycan KP MK Elm və tədris müəssisələri şöbəsinin müdir müavini vəzifəsinə təsdiq olunub. 1978-ci ilin oktyabrında Azərbaycan KP 26 Bakı komissarı adına Rayon Komitəsinin birinci katibi seçilib.[3]

1980-ci ilin iyununda Azərbaycan KP MK-nin Elm və təhsil müəssisələri şöbəsinin müdiri, 1981-ci ilin yanvarında isə Azərbaycan KP MK-nin Təşkilat-partiya işi şöbəsinin müdiri təyin edilib.[3]

1982-ci ilin dekabrında Azərbaycan KP MK-nin katibi seçilib. 1988-ci ilin mayında MK-nin plenumunda respublika rəhbərliyinin dəyişməsi ilə əlaqədar Azərbaycan KP MK katibi vəzifəsindən azad olunmuş və 1988-ci ilin iyununda Azərbaycan Elmlər Akademiyasının İctimai-Siyasi Tədqiqatlar və İnformasiya İnstitutunun şöbə müdiri təyin olunmuşdur.

1980-1990-cı illərdə iki çağırış Azərbaycan Ali Sovetinin deputatı, 1995-ci ildə isə Azərbaycan Milli Məclisinin üzvü seçilib. 4 fevral 1994-cü ildən 7 fevral 1995-ci ilədək Azərbaycan Respublikası Prezidentinin İcra Aparatının ümumi şöbəsinin müdiri vəzifəsində işləyib. 7 fevral 1995-ci ildən – 23 oktyabr 2019-cu ilədək Azərbaycan Respublikası Prezidentinin Administrasiyasının rəhbəri olmuşdur. Həmin vəzifə 2009-cu ildə Azərbaycan Respublikası Konstitusiyasına edilmiş dəyişikliklərlə əlaqədar qəbul edilmiş Referendum Aktına qədər Azərbaycan Respublikası Prezidentinin İcra Aparatının rəhbəri adlanırdı.

Yeni Azərbaycan Partiyasının üzvüdür.

Elmi fəaliyyəti[redaktə | əsas redaktə]

"V.İ.Lenin millətçiliyin və opportunizmin qarşılıqlı əlaqəsi haqqında" mövzusunda namizədlik dissertasiyasını müdafiə etmişdir. Doktorluq dissertasiyasının mövzusu isə "Millətlərarası münasibətlər: nəzəriyyə və siyasət problemləri" olmuşdur. Həm namizədlik, həm də doktorluq mövzuları sosial fəlsəfə sahəsinə aiddir.[4]

Müxtəlif vəzifələrdə işlədiyi müddətdə elmi fəaliyyətini də davam etdirən Ramiz Mehdiyev 1993-cü ildə fəlsəfə elmləri doktoru alimlik dərəcəsi almaq üçün dissertasiya müdafiə edib. 2001-ci ildə Nyu-York Elmlər Akademiyasının üzvü seçilən Ramiz Mehdiyev 2007-ci ildə Azərbaycan Milli Elmlər Akademiyasının həqiqi üzvü seçilib. 23 oktyabr 2019-cu ildə — Azərbaycan Milli Elmlər Akademiyasının prezidenti təyin olunmuşdur.[5]

Ramiz Mehdiyev həmçinin, Azərbaycan Fəlsəfə və Sosial-Siyasi Elmlər Assosiasiyası tərəfindən nəşr edilən "Fəlsəfə, Sosial və Siyasi Elmlər" jurnalının redaksiya heyətinin sədridir.[4][6].

Elmi dərəcəsi fəlsəfə elmləri doktoru, elmi rütbəsi professor olan Ramiz Mehdiyev postsovet Azərbaycanının inkişafına fokuslanan 250-dən çox elmi məqalənin müəllifidir.[7] Onun məqalələrinin əsas mövzusu sosial fenomen, iqtisadi inkişaf, fəlsəfədialektikadır. O, həmçinin 26 kitabın müəllifidir. Kitablarından 7-i müxtəlif xarici dillərə tərcümə olunmuşdur. 7 kitab, 81 məqaləsi həmçinin, xaricdə nəşr edilmişdir.[7] Beynəlxalq bazalarda referatlaşdırılan və indeksləşdirilən jurnallarda çap olunan məqalələrinin sayı isə 39-dur.[7]

Əsərləri[redaktə | əsas redaktə]

Mükafatları[redaktə | əsas redaktə]

Ailəsi[redaktə | əsas redaktə]

Ramiz Mehdiyev Teymur Mehdiyevin atasıdır.

İstinadlar[redaktə | əsas redaktə]

  1. "Azərbaycan Respublikası Prezidentinin İcra Aparatında inzibati vəzifələr tutan dövlət qulluqçularına ixtisas dərəcələrinin verilməsi haqqında" Azərbaycan Respublikası Prezidentinin 10 avqust 2004-cü il tarixli, 349 nömrəli Sərəncamı  (azərb.)
  2. "Ramiz Mehdiyev". modern.az.
  3. 1 2 3 4 "http://anl.az/el/emb/R.Mehdiyev/alim.html". anl.az.
  4. 1 2 "Fəlsəfə və sosial-siyasi elmlər - jurnalı beynəlxalq status almışdır". www.anl.az (azərb.). İstifadə tarixi: 2018-04-20.
  5. R.Ə.Mehdiyevin Azərbaycan Milli Elmlər Akademiyasının prezidenti vəzifəsinə təsdiq edilməsi haqqında Azərbaycan Respublikası Prezidentinin Sərəncamı
  6. "Fəlsəfə dünyası". felsefedunyasi.org (azərb.). İstifadə tarixi: 2018-04-20.
  7. 1 2 3 "Mehdiyev Ramiz Ənvər oğlu". www.science.gov.az.
  8. RAMİZ MEHDİYEVƏ POLŞA MİLLİ TƏHLÜKƏSİZLİK BÜROSUNUN XATİRƏ MEDALI VERİLDİ
  9. Azərbaycan Respublikasının Prezidenti İlham Əliyev aprelin 16-da Azərbaycan Respublikası Prezidenti Administrasiyasının rəhbəri Ramiz Mehdiyevi yubileyi münasibətilə təbrik edib, onu Azərbaycan Respublikasında dövlətçiliyin möhkəmləndirilməsində səmərəli fəaliyyətinə və elmin inkişafında böyük xidmətlərinə görə “Şöhrət” ordeni ilə təltif edib.
  10. R.Ə.Mehdiyevin “Heydər Əliyev” ordeni ilə təltif edilməsi haqqında Azərbaycan Respublikası Prezidentinin Sərəncamı

Xarici keçidlər[redaktə | əsas redaktə]

Vikianbarda Ramiz Mehdiyev ilə əlaqəli mediafayllar var.

Vikisitatda Ramiz Mehdiyev ilə əlaqəli məlumatlar var.