Teymur Mehdiyev

Teymur Mehdiyev
Teymur Mehdiyev
Azərbaycan Respublikası fövqəladə hallar nazirinin müavini
	5 may 2014 – 24 noyabr 2025
Nazir	Kəmaləddin Heydərov
Azərbaycan Respublikası Dövlət Miqrasiya Xidməti rəisinin birinci müavini
	3 mart 2011 – 5 may 2014
Rəis	Arzu Rəhimov; Firudin Nəbiyev
Azərbaycan Respublikası mədəniyyət və turizm nazirinin müavini
	7 fevral 2006 – 3 mart 2011
Nazir	Əbülfəs Qarayev
Azərbaycan Respublikası gənclər, idman və turizm nazirinin müavini
	20 fevral 2004 – 7 fevral 2006
Nazir	Əbülfəs Qarayev
Şəxsi məlumatlar
Doğum tarixi	25 iyun 1975 (51 yaş)
Doğum yeri	Suxumi, Abxaziya MSSR, Gürcüstan SSR, SSRİ;
Təhsili	Bakı Dövlət Universitetinin Hüquq fakültəsi
Atası	Ramiz Mehdiyev
Anası	Qalina Mehdiyeva
Rütbəsi	; General-mayor; ; III dərəcəli dövlət miqrasiya xidməti müşaviri
Təltifləri

Teymur Ramiz oğlu Mehdiyev — Azərbaycan Respublikası Fövqəladə Hallar nazirinin müavini (2014–2025), general-mayor (2014).^[1]

Ramiz Mehdiyevin oğludur.^[2]

Həyatı

Teymur Ramiz oğlu Mehdiyev 25 iyun 1975-ci ildə Gürcüstan Sovet Sosialist Respublikasının Abxaziya MSSR-nın Suxumi şəhərində anadan olub. 1982-ci ildən 1992-ci ilə qədər Bakı şəhərində 134 № li orta məktəbdə təhsil almışdır. 1992-ci ildə Bakı Dövlət Universitetinin Hüquq fakültəsinə daxil olmuş və 1997-ci ildə həmin Universiteti bitirmişdir. 1997–1999-cu illərdə Azərbaycan Respublikası Milli Təhlükəsizlik Nazirliyində çalışmışdır. 1999–2001-ci illərdə Azərbaycan Respublikası Daxili İşlər Nazirliyində işləmişdir. 2001–2004-cü illərdə Azərbaycan Respublikası Xarici İşlər Nazirliyində çalışmışdır.^[3]

2004–2006-cı illərdə Azərbaycan Respublikası gənclər, idman və turizm nazirinin müavini, 2006–2011-ci illərdə isə Azərbaycan Respublikası mədəniyyət və turizm nazirinin müavini, 2011–2014-cü illərdə isə Azərbaycan Respublikası Dövlət Miqrasiya Xidməti rəisinin birinci müavini vəzifələrində çalışmışdır. 2011-ci ildə ona III dərəcəli dövlət miqrasiya xidməti müşaviri ali xüsusi rütbəsi verilmişdir.^[3]

Azərbaycan Respublikası Prezidentinin 5 may 2014-cü il tarixli Sərəncamı ilə Azərbaycan Respublikası fövqəladə hallar nazirinin müavini təyin edilmiş və ona general-mayor ali hərbi rütbəsi verilmişdir.^[3] Azərbaycan Respublikası Prezidentinin 24 noyabr 2025-ci il tarixli müvafiq sərəncamları ilə fövqəladə hallar nazirinin müavini vəzifəsindən azad edilmiş^[4] və həqiqi hərbi xidmətdən ehtiyata buraxılmışdır.^[5]

Azərbaycan Respublikası Prezidentinin 14 dekabr 2018-ci il tarixli Sərəncamı ilə 3-cü dərəcəli "Vətənə xidmətə görə" ordeni ilə təltif edilmişdir.^[3]

İstinadlar

↑ "Rəhbərlik haqqında məlumat / Nazirlik - Azərbaycan Respublikasının Fövqəladə Hallar Nazirliyi". fhn.gov.az (az.). 5 oktyabr 2024 tarixində arxivləşdirilib. İstifadə tarixi: 29 noyabr 2025.
↑ "Ramiz Mehdiyevin general oğlu yola salınır?". Oxu.az (az.). 9 dekabr 2024 tarixində arxivləşdirilib. İstifadə tarixi: 26 oktyabr 2024.
1 2 3 4 https://konkret.az/gezmediyi-nazirlik-qalmayib-ramiz-mehdiyev-oglunu-hakimiyyete-hazirlayirdi/
↑ T. R. Mehdiyevin Azərbaycan Respublikası fövqəladə hallar nazirinin müavini vəzifəsindən azad edilməsi haqqında Azərbaycan Respublikası Prezidentinin Sərəncamı // Azərbaycan Respublikasının Qanunvericilik Toplusu. № 11. Bakı. 2025. S. 4117.
↑ T. R. Mehdiyevin həqiqi hərbi xidmətdən ehtiyata buraxılması haqqında Azərbaycan Respublikası Prezidentinin Sərəncamı // Azərbaycan Respublikasının Qanunvericilik Toplusu. № 11. Bakı. 2025. S. 4117.

[1] "Rəhbərlik haqqında məlumat / Nazirlik - Azərbaycan Respublikasının Fövqəladə Hallar Nazirliyi". fhn.gov.az (az.). 5 oktyabr 2024 tarixində arxivləşdirilib. İstifadə tarixi: 29 noyabr 2025.

[2] "Ramiz Mehdiyevin general oğlu yola salınır?". Oxu.az (az.). 9 dekabr 2024 tarixində arxivləşdirilib. İstifadə tarixi: 26 oktyabr 2024.

[karyera-3] 1 2 3 4 https://konkret.az/gezmediyi-nazirlik-qalmayib-ramiz-mehdiyev-oglunu-hakimiyyete-hazirlayirdi/

[4] T. R. Mehdiyevin Azərbaycan Respublikası fövqəladə hallar nazirinin müavini vəzifəsindən azad edilməsi haqqında Azərbaycan Respublikası Prezidentinin Sərəncamı // Azərbaycan Respublikasının Qanunvericilik Toplusu. № 11. Bakı. 2025. S. 4117.

[5] T. R. Mehdiyevin həqiqi hərbi xidmətdən ehtiyata buraxılması haqqında Azərbaycan Respublikası Prezidentinin Sərəncamı // Azərbaycan Respublikasının Qanunvericilik Toplusu. № 11. Bakı. 2025. S. 4117.

[1]

[2]

[3]

[4]

[5]