Rüstəm İsmayılov

Rüstəm İsmayılov
Rüstəm Hacıəli oğlu İsmayılov
Doğum tarixi	1 iyul 1909(1909-07-01)
Doğum yeri	Bakı qəzası, Bakı quberniyası, Rusiya İmperiyası
Vəfat tarixi	1 iyun 1972 (62 yaşında)
Vəfat yeri	Bakı, Azərbaycan SSR, SSRİ
Dəfn yeri	Fəxri Xiyaban
Elmi dərəcəsi	Doctor in Engineering[d]
Mükafatları

İsmayılov Rüstəm Hacıəli oğlu (1 iyul 1909 – 1 iyun 1972) — Azərbaycan SSR EA-nın prezidenti (1967-1970), Azərbaycan SSR əməkdar elm xadimi.

Həyatı

Rüstəm İsmayılov 1 iyul 1909-cu ildə Bakı şəhərində dünyaya gəlmişdir. 1961-ci ildə texnika elmləri doktoru, 1962-ci ildə EA-nın akademiki olmuşdur. 1 iyun 1972-ci ildə Bakı şəhərində vəfat etmişdir.

Əsas elmi nailiyyətləri

Əsas elmi işləri neft kimyasına və neft emalı texnologiyasına aiddir. Azərbaycanın neftayırma sənayesində termik krekinq texnologiyasının əsaslı surətdə təkmilləşdirilməsində böyük xidmətləri olmuşdur. Azərbaycanda neft-kimyəvi sintez proseslərinin, o cümlədən Sumqayıt sənaye rayonunda böyük kimyanın inkişafının təşəbbüsçülərindəndir. Onun rəhbərliyi altında Bakı termiki krekinq qurğularının rekonstruksiyası, aşağı oktan ədədli benzin-liqroin fraksiyalarının katalitik aromatikləşdirilməsi üzrə tədqiqatlar, neft xammalının pirolizi texnologiyasının təkmilləşməsi üzrə mühüm işlər aparılmışdır. Azərbaycanın neft-kimya sahəsinin inkişafı üçün karbohidrogen xammalı bazasının yaradılması onun adı ilə bağlıdır.

120 elmi əsərin, o cümlədən 7 monoqrafiyanın müəllifidir.

Mükafat və adları

• Sosialist Əməyi Qəhrəmanı (1948);
• Beş Lenin ordeni, Şərəf Nişanı ordeni, həmçinin medallar;
• Stalin mükafatı laureatı (1948);
• Azərbaycan SSR Əməkdar elm xadimi (1964).