Eldar Salayev

Vikipediya, azad ensiklopediya
Jump to navigation Jump to search
Eldar Salayev
Eldar Yunis oğlu Salayev
Eldar Salayev.jpg
Eldar Salayev
Doğum tarixi 31 dekabr 1933 (1933-12-31) (85 yaş)
Doğum yeri Naxçıvan, Naxçıvan MSSR, Azərbaycan SSR, SSRİ
Vətəndaşlığı
Elmi dərəcəsi fizika-riyaziyyat elmləri doktoru
Elmi adı akademik
İş yeri
Təhsili
Üzvlüyü Azərbaycan Milli Elmlər Akademiyası

Salayev Eldar Yunis oğlu (31 dekabr 1933, Naxçıvan MR, Naxçıvan şəhəri) — Azərbaycan Dövlət mükafatı laureatı, fizika-riyaziyyat elmləri doktoru, professor, akademik, 1983-1997-ci illərdə Azərbaycan EA-nın prezidenti.

Həyatı[redaktə | əsas redaktə]

Eldar Salayev 1933-cü ildə dekabrın 31-də Naxçıvan şəhərində dünyaya gəlmişdir. 1970-1973-cü illərdə Azərbaycan EA Fizika İnstitutunda elmi işlər üzrə direktor müavini. 1972-ci ildə Azərbaycan Dövlət mükafatı laureatı adını, 1975-ci ildə fizika-riyaziyyat elmləri doktoru alimlik dərəcəsini almışdır. 1979-cı ildən professordur. 1980-cı ildə EA-nın müxbir üzvü, 1983-cü ildə isə həqiqi üzvü seçilib. 1983-1997-ci illərdə Azərbaycan EA-nın Prezidenti seçilmişdir. Akademik S.İ.Vavilov adına, H.Z.Tağıyev adına, N.Nərimanov adına mükafatların laureatıdır. İslam Akademiyasının üzvüdür.

Elmi fəaliyyəti[redaktə | əsas redaktə]

Eldar Salayev bərk cisim fizikası, kvant elektronikasıfotoelektronika sahəsində görkəmli[Mənbə göstərin] alimdir. Əsas işləri yarımkeçiricilərin tədqiqinə müxtəlif halların enerji spekterlərinin öyrənilməsinə aiddir. Salayev sürətli elktronlar dəstəsi vasitəsilə ilk dəfə[Mənbə göstərin] laylı kristallarda induksiyalanmış şüalanmanı aşkara çıxarmış və bu sinif yarımkeçiri-cilərdə qeyri-xətti optik xassələri öyrənmişdir. Həmin tədqiqatlar lazer şüaları çevricilərinin yaranmasına imkan vermişdir. Salayevin rəhbərliyi ilə yarımkeçiricilər əsasında deflektor, deşifrator, fotoqəbuledicilər, elektron mikrosoyuducuları, metroloji tətdqiqatlar üçün qurğular yaradılmışdır. Yüksəkixtisaslı kadrların hazırlanmasında xidməti vardır.

Ölkədə və xaricdə[Mənbə göstərin] çap olunmuş onlarla elmi əsər və monoqrafiyanın müəllifidir.

Elmi əsərləri[redaktə | əsas redaktə]

1. The induced ratiation in Gase. Dokl. AN SSSR, T.161, №5, 1965.

2. Gase-a new effektive material for non-linear optic, Pisma v JETF, v. 16, №3, 1972.

3. The defjrmation phenomena in cristals, UFN, t.155, №1. 1988.

4. Quantum oscillations under lazer pulses aktion in the e-Gase laycrcd crystal. v. JETF, v. 51, №3, 1990.

5. Phase-matched second harmonic generation at 789,5 HM in a Gase cristal. Appl.Phys.Lett., v. 69(6), 1996.

6. Effective Nonlinear GaSe Crystal.Optical Properties and Applications. Lazer Physics, 19, № 5, pp. 1092-1104, 2009.

Həbsi[redaktə | əsas redaktə]

Eldar Salayev 2005-ci il oktyabrın 17-də Milli Məclisin mühacirətdə olan eks-spikeri Rəsul Quliyevin Bakıya dönməsilə bağlı planlaşdırıldığı iddia olunan dövlət çevrilişinin təşkilində ittiham olunan keçmiş maliyyə naziri Fikrət Yusifovun izahatları əsasında saxlanılmışdı. Fikrət Yusifov istintaqa verdiyi ifadəsində dövlət çevrilişinə cəhdin maliyyələşdirilməsi üçün müxtəlif məmurlardan yığdığı pulları Eldar Salayevə verdiyini bildirirdi. Amma həmin il noyabrın 16-da Nəsimi Rayon Məhkəməsi qərarı ilə akademik Eldar Salayev həbsdən azad edilib.

Mükafatları[redaktə | əsas redaktə]

  • "Şöhrət" ordeni — 31.01.1997[1].

Həmçinin bax[redaktə | əsas redaktə]

İstinadlar[redaktə | əsas redaktə]