Hacıbala Abutalıbov
| Hacıbala Abutalıbov Hacıbala İbrahim oğlu Abutalıbov |
||||
 |
||||
|
||||
|---|---|---|---|---|
| 30 yanvar 2001 | ||||
| Sələfi: | Rəfael Allahverdiyev | |||
|
||||
| 17 yanvar 2000 — 30 yanvar 2001 | ||||
|
||||
| 16 fevral 1995 — 17 yanvar 2000 | ||||
| Doğum tarixi: | 13 may 1944 | |||
| Doğum yeri: | Krasnovodsk, Türkmənistan | |||
| Təltifləri: |
 |
|||
Hacıbala İbrahim oğlu Abutalıbov — Bakı şəhər İcra Hakimiyyətinin başçısı.
Mündəricat
Həyatı[redaktə | əsas redaktə]
Abutalıbov Hacıbala İbrahim oğlu 1944-cü il mayın 13-də Türkmənistanın Krasnovodsk şəhərində anadan olmuşdur. 1965-ci ildə Azərbaycan Dövlət Universitetinin fizika-riyaziyyat fakültəsini bitirmişdir.
1968-ci ildə keçmiş SSRİ-nin Leninqrad şəhərində (hazırki Rusiyanın Sankt-Peterburq şəhəri) A.F.İoffe adına Fizika-Texnika İnstitutunda aspiranturaya daxil olmuş, SSRİ Elmlər Akademiyasının müxbir üzvü, Lenin mükafatı laureatı Yevgeni Fyodoroviç Qrossun və Marina Lazaryevna Bellenin rəhbərliyi altında 1976-cı ildə namizədlik dissertasiyasını müdafiə etmiş, 1987-ci ildə isə Lenin mükafatı laureatı akademik Aleksandr Aleksandroviç Kaplyanskinin rəhbərliyi ilə həmin institutda fizika-riyaziyyat elmləri doktoru yüksək elmi dərəcəsi adını almışdır. Fizika-riyaziyyat elmləri doktoru, professordur. Amerika, İngiltərə, Fransa, Almaniya, Rusiya və sair dövlətlərin qabaqcıl elmi jurnallarında çap olunmuş 200-dən çox elmi əsərin və monoqrafiyanın, 30-dan çox elmi ixtiranın müəllifidir.
H.Abutalıbovun rəhbərliyi altında 10-dan çox elmlər doktoru və elmlər namizədi yetişmişdir. 1988-ci ildən Azərbaycan Milli Elmlər Akademiyasının Fizika İnstitutunda "Yarımkeçiricilərin kvant elektronikası" laboratoriyasının müdiridir.
1995-ci ilin fevral ayından 2000-ci ilin yanvar ayınadək Azərbaycan Respublikası Prezidentinin Fərmanı ilə Suraxanı Rayon İcra Hakimiyyətinin başçısı olmuşdur.
1999-cu ilin iyul ayında Azərbaycan Respublikası Prezidenti "Suraxanı Rayon İcra Hakimiyyətinin müsbət iş təcrübəsinin yayılması haqqında" Sərəncam imzalamışdır[1].
2000-ci ilin yanvar ayından 2001-ci ilin yanvar ayına qədər Azərbaycan Respublikası Baş nazirinin müavini vəzifəsində çalışmışdır.
2001-ci ilin yanvar ayından Azərbaycan Respublikası Prezidentinin Fərmanı ilə Bakı Şəhər İcra Hakimiyyətinin başçısı təyin edilmişdir.
Yeni Azərbaycan Partiyası İdarə heyyətinin üzvüdür, ailəlidir, iki oğlu var.
Mükafatları[redaktə | əsas redaktə]
- 13.05.2014 —
"Şərəf" ordeni[2].
İstinadlar[redaktə | əsas redaktə]
- ↑ "Suraxanı Rayon İcra Hakimiyyətinin müsbət iş təcrübəsinin yayılması haqqında" Azərbaycan Respublikası Prezidentinin 20 iyul 1999-cu il tarixli, 191 nömrəli Sərəncamı
- ↑ "H.İ.Abutalıbovun “Şərəf” ordeni ilə təltif edilməsi haqqında" Azərbaycan Respublikası Prezidentinin 13 may 2014-cü il tarixli Sərəncamı. president.gov.az (azərb.)
Xarici keçidlər[redaktə | əsas redaktə]
| Azərbaycanda ilin adamı | |
|---|---|
| 2001: Hacıbala Abutalıbov | 2002: Heydər Əliyev | 2003: Heydər Əliyev | 2004: Toşiyuki Fucivara | 2005: Mehriban Əliyeva | 2006: Hacı Allahşükür Paşazadə | 2007: İlham Əliyev | 2008: Tahir Salahov | 2009: Polad Bülbüloğlu | 2010: Mübariz İbrahimov| 2011: Eldar Qasımov və Nigar Camal | 2012: | 2013: İlham Əliyev | 2014: | 2015: Mehriban Əliyeva | |
