Yuri Şedrin
| Yuri Şedrin | |
|---|---|
 .svg){kind=small} | |
| 13 may 1986 – 30 iyul 1987 | |
| Əvvəlki | Şakir Kərimov |
| Sonrakı | Fuad Rüstəmov |
| 1987 – 1991 | |
| Əvvəlki | Violeta Tretyakova |
| Sonrakı | vəzifə ləğv edilib |
| Şəxsi məlumatlar | |
| Doğum tarixi | 21 fevral 1950 (74 yaş) |
| Doğum yeri | |
| Partiya | |
| Təhsili |
|
Yuri Yevgenyeviç Şedrin (rus. Юрий Евгеньевич Щедрин; 21 fevral 1950, Bakı) — Azərbaycan ictimai-siyasi xadimi, Azərbaycan SSR avtomobil nəqliyyatı naziri (1986–1987), Azərbaycan Kommunist Partiyası Orconikidze (Suraxanı) Rayon Komitəsinin birinci katibi (1987–1991), Rusiya Federasiyasının Azərbaycan Respublikasında ilk ticarət nümayəndəsi (2006-cı ildən).
Həyatı[redaktə | mənbəni redaktə et]
Yuri Yevgenyeviç Şedrin 21 fevral 1950-ci ildə Bakı şəhərində anadan olmuşdur.[1] Əmək fəaliyyətinə "Qaradağneft"in neft-qazçıxarma idarəsində fəhlə kimi başlamış, müxtəlif illərdə mexanik, kortej rəisi, Azərbaycan KP Qaradağ Rayon Komitəsinin təlimatçısı vəzifələrində işləmişdir. Paralel olaraq Azərbaycan Politexnik İnstitutunun axşam şöbəsində təhsil almışdır.[2] 1978-ci ildə buranı avtomobil və avtomobil sənayesi ixtisası üzrə bitirmişdir.[1]
Yuri Şedrin 1979–1982-ci illərdə əvvəlcə Azərbaycan KP Bakı Şəhər Komitəsinin sənaye və nəqliyyat şöbəsinin, sonra isə Azərbaycan KP Mərkəzi Komitəsinin nəqliyyat və rabitə şöbəsinin təlimatçısı vəzifəsinə irəli çəkilmişdir. 1986-cı ildə Azərbaycan SSR avtomobil nəqliyyatı naziri təyin edilmiş, sonra isə Azərbaycan KP MK-nın şöbə müdiri, Azərbaycan KP Orconikidze (Suraxanı) Rayon Komitəsinin birinci katibi vəzifələrində çalışmışdır.[1]
Yuri Şedrin Azərbaycan Ali Sovetinin deputatı seçilmiş, 1991-ci ildən Ali Sovetin Nəqliyyat, rabitə və informatika məsələləri daimi komissiyasının sədri olmuşdur. 1992–1993-cü illərdə "Azərbaycan–Rusiya" Cəmiyyətinin idarə heyəti sədrinin müavini, daha sonra Azərbaycan Respublikası Milli Məclisinin Qaçqınlar və xaricdə yaşayan soydaşlarla əlaqə komissiyasının üzvü olmuşdur.[1] 1995-ci ilin mart ayından Rusiya Federasiyası Federal Məclisinin Federasiya Şurasının MDB işləri üzrə komitəsində mütəxəssis-ekspert, məsləhətçi, müşavir, 2005-ci ilin iyul ayından isə komitənin aparat rəhbərinin müavini vəzifələrində çalışmışdır. Rusiya Federasiyası hökumət başçısınin 4 oktyabr 2006-cı il tarixli Sərəncamı ilə Rusiya Federasiyasının Azərbaycan Respublikasındakı ticarət nümayəndəsi təyin edilmişdir.[2]
İstinadlar[redaktə | mənbəni redaktə et]
- ↑ 1 2 3 4 Олег Харитонов. "Юрий Евгеньевич Щедрин". azcongress.ru (rus). 2006-11-15. 2023-06-27 tarixində arxivləşdirilib. İstifadə tarixi: 2023-06-27.
- ↑ 1 2 Георгий Заплетин; Гюльнара Ширин-заде. Русские в истории Азербайджана (rus). Баку: Ганун. 2008. səh. 230.
 | |||||||||
|---|---|---|---|---|---|---|---|---|---|
Azərbaycan Xalq Cümhuriyyəti (1918–1920) |
| ||||||||
Azərbaycan SSR (1920–1991) |
| ||||||||
Azərbaycan Respublikası (1991-ci ildən) |
| ||||||||
Bakı şəhəri Suraxanı rayonunun rəhbərləri | |||||
|---|---|---|---|---|---|
| Azərbaycan SSR |
| ||||
| Azərbaycan Respublikası |
| ||||
Qeyd 1: Suraxanı rayonu may 1920 tarixində Serqo Orconikidzenin şərəfinə Orconikidze rayonu adı ilə təşkil olunmuşdur. 26 sentyabr 1955-ci ildə Kaqanoviç rayonu ləğv edilərək Orconokidze rayonuna birləşdirilmişdir. 18 aprel 1990-cı ildə Orconikidze rayonunun adı Suraxanı rayonu olaraq dəyişdirilmişdir. Qeyd 2: Xalq Deputatları Soveti 1977-ci ilədək Zəhmətkeş Deputatları Soveti adlanmışdır. | |||||
- 21 fevralda doğulanlar
- 1950-ci ildə doğulanlar
- Yaşayan insanlar
- Bakıda doğulanlar
- Sovet İttifaqı Kommunist Partiyasının üzvləri
- Azərbaycan Texniki Universitetinin məzunları
- Əlifba sırasına görə vəzifəli şəxslər
- Azərbaycan Ali Sovetinin XII çağırış deputatları
- Azərbaycan Kommunist Partiyası Suraxanı Rayon Komitəsinin birinci katibləri
- Azərbaycan SSR avtomobil nəqliyyatı nazirləri