Ziya Məmmədov

Ziya Məmmədov
Ziya Məmmədov
Azərbaycan Respublikasının; I nəqliyyat naziri
	8 avqust 2002 – 13 fevral 2017
Əvvəlki	Vəzifə təsis edilib
Sonrakı	Vəzifə ləğv edilib
Azərbaycan Dövlət Dəmiryol İdarəsinin rəisi
	31 iyul 1996 – avqust 2002
Sonrakı	Asif Əsgərov
Azərbaycan Dövlət Dəmiryolu İdarəsinin rəisinin lokomotiv və vaqon təsərrüfatı üzrə müavini
	1993 – 1996
Sədr	Vahid Nadirli
Şəxsi məlumatlar
Doğum tarixi	28 aprel 1952 (73 yaş)
Doğum yeri	Qazıqumlaq, Ucar rayonu, Azərbaycan SSR, SSRİ;
Təhsili	Rostov Dövlət Nəqliyyat Universiteti[d];
Fəaliyyəti	siyasətçi
Təltifləri	;
	Vikianbarda əlaqəli mediafayllar

Ziya Ərzuman oğlu Məmmədov (28 aprel 1952, Qazıqumlaq, Ucar rayonu) — Azərbaycan Respublikasının sabiq nəqliyyat naziri.

Həyatı

Ziya Məmmədov 28 aprel 1952-ci ildə Ucar rayonunun Qazıqumlaq kəndində anadan olub. Ali təhsillidir. Qırmızı Əmək Bayrağı Ordenli Rostov Dəmir Yolu Nəqliyyatı Mühəndisləri İnstitutunu bitirmişdir.

Əmək fəaliyyətinə 1971-ci ildən Azərbaycan Dövlət Dəmir Yolunun Biləcəri Lokomotiv deposunda maşinist köməkçisi kimi başlamışdır. 1972–1974-cü illərdə hərbi xidmətdə olmuşdur.

1974–1980-ci illərdə Azərbaycan Dövlət Dəmir Yolunun Biləcəri Lokomotiv deposunda maşinist köməkçisi, maşinist vəzifəsində daha sonra 1980–1983-cü illərdə Biləcəri Lokomotiv deposu istismar sexinin partiya təşkilatının katibi və Biləcəri Lokomotiv deposu həmkarlar komitəsinin sədri vəzifəsində çalışmışdır.

1983–1984-cü illərdə Azərbaycan Dəmir Yolu hərəkət xidmətinin Lokomotiv dispetçeri, 1984–1987-ci illərdə Biləcəri Lokomotiv deposu rəisinin kadr və məişət işləri üzrə müavini vəzifəsinə təyin olunmuşdur. 1987–1989-cu il illərdə Biləcəri Lokomotiv deposu Dəvəçi əvəzedici məntəqəsinin rəisi, 1989–1991-ci il illərdə Gəncə Lokomotiv deposunun rəisi vəzifəsində işləmişdir. 1991–1993-cü illərdə Azərbaycan Dəmir Yolu Lokomotiv təsərrüfatı xidmətinin rəisi vəzifəsində işləmişdirX

Ailəsi

Ailəlidir, 2 övladı var. Ucar Rayon İcra Hakimiyyətinin başçısı Mənsur Məmmədovun dayısı və Azərbaycan Respublikasının Milli Məclisinin sabiq deputatı Elton Məmmədovun qardaşıdır.^[1]

İctimai-siyasi fəaliyyəti

1993–1996-cı illərdə Azərbaycan Dövlət Dəmir Yolu İdarəsi rəisinin lokomotiv və vaqon təsərrüfatı üzrə müavini işləyib.

Azərbaycan Respublikası Prezidentinin 31 iyul 1996-cı il tarixli 379 nömrəli Sərəncamı ilə Azərbaycan Dövlət Dəmir Yolunun rəisi vəzifəsinə təyin edilib və 2002-ci ilin avqust ayına kimi bu vəzifədə çalışıb.

Azərbaycan Respublikası Prezidentinin 8 avqust 2002-ci il tarixli 750 nömrəli Fərmanı ilə Azərbaycan Respublikasının Nəqliyyat naziri vəzifəsinə təyin edilib.

Fəxri Dəmiryolçudur. Beynəlxalq Nəqliyyat Akademiyasının Həqiqi üzvüdür. Rusiya Federasiyası Dərbənd şəhərinin fəxri vətəndaşıdır.

Mükafatları

27.04.2012 — "Şöhrət" ordeni^[2].

İstinadlar

↑ "Azərbaycandakı vəzifəli şəxslərin vəzifəli qohumları - SİYAHI". 2023-04-01 tarixində arxivləşdirilib. İstifadə tarixi: 2023-04-01.
↑ "Z. Ə. Məmmədovun "Şöhrət" ordeni ilə təltif edilməsi haqqında Azərbaycan Respublikası Prezidentinin Sərəncamı" Azərbaycan Respublikası Prezidentinin 27 aprel 2012-ci il tarixli Sərəncamı. e-qanun.az Arxivləşdirilib 2017-10-14 at the Wayback Machine (az.)

[1] "Azərbaycandakı vəzifəli şəxslərin vəzifəli qohumları - SİYAHI". 2023-04-01 tarixində arxivləşdirilib. İstifadə tarixi: 2023-04-01.

[2] "Z. Ə. Məmmədovun "Şöhrət" ordeni ilə təltif edilməsi haqqında Azərbaycan Respublikası Prezidentinin Sərəncamı" Azərbaycan Respublikası Prezidentinin 27 aprel 2012-ci il tarixli Sərəncamı. e-qanun.az Arxivləşdirilib 2017-10-14 at the Wayback Machine (az.)

[1]

[2]