Vladimir Rasskazov

Vikipediya, azad ensiklopediya
Jump to navigation Jump to search
Vladimir Rasskazov
rus. Владимир Григорьевич Рассказов
Vladimir Rasskazov.jpg
bayraqAzərbaycan SSR avtomobil nəqliyyatı naziribayraq
25 yanvar 1963 — 24 sentyabr 1969
Sələfi Tofiq Bağırov
Xələfi Mürsəl Babayev
Şəxsi məlumatlar
Doğum tarixi 7 fevral 1927(1927-02-07)
Doğum yeri
Vəfat tarixi 24 sentyabr 1969(1969-09-24) (42 yaşında)
Vəfat yeri
Dəfn yeri
Partiya

Təltifləri "Qırmızı əmək bayrağı" ordeni

Vladimir Qriqoryeviç Rasskazov (rus. Владимир Григорьевич Рассказов; 7 fevral 1927, Malaxovka[d], Saratov quberniyası[d]24 sentyabr 1969, Bakı) — Azərbaycan-sovet dövlət xadimi, Azərbaycan SSR avtomobil nəqliyyatı naziri (1963–1969).

Həyatı[redaktə | mənbəni redaktə et]

Vladimir Rasskazov 1927-ci ildə hazırkı Saratov vilayətinin Malaxovka kəndində anadan olmuşdur. Orta məktəbi bitirdikdən sonra 1944-cü ildə Odessa Dənizçilik Məktəbinə, bir il sonra isə Odessa Ali Dənizçilik Məktəbinə daxil olmuşdur. Məktəbi bitirdikdən sonra o, mühəndis-elektromexanik diplomu ilə 1951-ci ildə Bakıya gəlmiş və "General Həzi Aslanov" dizel-elektroxodunda elektromexanik vəzifəsində işləməyə başlamışdır. Onun əmək fəaliyyətinin sonrakı mərhələsi Vano Sturua adına gəmi təmiri-gəmiqayırma zavodu ilə bağlı olmuşdur. Burada o, texniki şöbənin mühəndis-elektrotexniki vəzifəsində çalışmışdır. O, 10 ildən artıq partiya işində olmuşdur.[1]

Sonrakı illərdə Vladimir Rasskazov Xəzər Gəmiçilik İdarəsi siyasi şöbəsinin təlimatçısı, 1953-cü ildən Azərbaycan Kommunist Partiyası Mərkəzi Komitəsi aparatında təlimatçı, daha sonra isə sənaye və nəqliyyat şöbəsi müdirinin müavini vəzifələrində çalışmışdır. 1963-cü ildə Azərbaycan SSR avtomobil nəqliyyatı naziri təyin edilmişdir.[2]

Vladimir Rasskazov 1964-cü ildən Azərbaycan KP MK üzvlüyünə namizəd olmuşdur.[3] Azərbaycan SSR Ali Sovetinin 7-ci çağırış deputatı seçilmiş, "Qırmızı əmək bayrağı" ordeni ilə təltif olunmuşdur. O, 1969-cu ildə Bakıda vəfat etmiş, Fəxri Xiyabanda dəfn olunmuşdur.[4]

İstinadlar[redaktə | mənbəni redaktə et]

  1. В. Г. Рассказов // Коммунист. 25 сентјабр 1969-ҹу ил. С. 3.
  2. Рассказов Владимир Григорјевич // Азәрбајҹан ССР Али Советинин депутатлары. Једдинҹи чағырыш. Бакы: Азәрбајҹан ССР Али Советинин нәшри. 1968. С. 286.
  3. Rasskazov, Vladimir Grigorevich // Prominent personalities in the USSR (ingilis). Metuchen, New Jersey: Scarecrow Press. 1968. səh. 515.
  4. Rasskazov Vladimir Qriqoryeviç // Fəxri Xiyaban. Bakı: Heydər Əliyev Fondu. 2007. səh. 175.

Xarici keçidlər[redaktə | mənbəni redaktə et]