Abbas Bağırov (dövlət xadimi)

Abbas Bağırov
Azərbaycan Dəmiryol İdarəsi rəisi
1967 – 1979
1953 – 1953
Şəxsi məlumatlar
Doğum tarixi	1913(1913)
Doğum yeri	Aldərə, Zəngəzur qəzası, Yelizavetpol quberniyası, Rusiya imperiyası
Vəfat tarixi	1980(1980) (66–67 yaşında)
Vəfat yeri	Bakı, Azərbaycan SSR, SSRİ
Dəfn yeri	II Fəxri Xiyaban
Partiya	Sovet İttifaqı Kommunist Partiyası
Fəaliyyəti	mühəndis
Təltifləri

Abbas Məmməd oğlu Bağırov (1913, Aldərə, Zəngəzur qəzası, Yelizavetpol quberniyası, Rusiya imperiyası – 1980, Bakı) — Azərbaycan Dəmiryol idarəsi rəisi.

Həyatı

Abbas Məmməd oğlu Bağırov 1913-cü ildə Meğri rayonunun Aldərə kəndində anadan olmuşdur. Əmək fəaliyyətinə Azərbaycan Dəmir Yolunda başlamışdır. İxtisasca hərəkət və yük işləri mühəndisi idi. 1939-cu ildə dəmir yolu Gəncə hissəsinin rəisi, 1953-cü ildə Azərbaycan Dəmir Yolunun rəisi, 1953–1955-ci illərdə Zaqafqaziya Dəmir Yolunun rəisinin müavini vəzifələrində işləmişdi. 1963–1967-ci illərdə Zaqafqaziya dəmir yolu Bakı hissəsinin rəisi, 1967–1979-cu illərdə isə Azərbaycan Dəmir Yolunun rəisi olmuşdur.

O, dəfələrlə SSRİ Ali Sovetinə deputat, Azərbaycan KP MK-ya üzv seçilmişdir.