Rəşid bəy Axundzadə

Rəşid bəy Axundzadə
Rəşid bəy şeyxülislam Axund Əbdüssalam oğlu Axundzadə
Bakı qubernatoru 5 fevral 1919 — 25 avqust 1919
Sələfi	Müseyib bəy Əxicanov
Xələfi	Əmir bəy Nərimanbəyov
Şəxsi məlumatlar
Təhsili	Kiyev Müqəddəs Vladimir Universiteti
Doğum tarixi	1880
Doğum yeri	Salyan, Cavad qəzası, Bakı quberniyası, Qafqaz canişinliyi, Rusiya imperiyası
Vəfat tarixi	1940
Vəfat yeri	sürgün yeri
Vəfat səbəbi	sürgünə göndərilmişdi
Atası	Əbdüssəlam Axundzadə

Rəşid bəy Axundzadə (azərb. Rəşid bəy şeyxülislam Axund Əbdüssəlam oğlu Axundzadə‎; d.1880, Salyan -ö. 1940) — Bakı qubernatoru.

Həyatı

Rəşid bəy Axundzadə 1880-ci il martın 28-də Salyanda nüfuzlu ruhani, sonralar (1894-cü ildən) Qafqaz Müsəlmanları İdarəsinin rəisi – şeyxülislam olmuş Əbdüssalam Axundzadənin ailəsində doğulmuşdu. Rəşid bəy Axundzadə 1912-ci ildə Kiyev Universitetinin hüquq fakultəsini bitirmişdi.

Fəaliyyəti

Axundzadə Rəşid bəy Azərbaycan milli azadlıq hərəkatının iştirakçılarından biri, Azərbaycan Xalq Cümhuriyyəti Parlamentinin üzvü olmuşdur. Azərbaycan Milli Şurasının "Azərbaycan Məclisi-Məbusanının təsisi haqqında qanun"una əsasən Salyandan Cümhuriyyət Parlamentinin tərkibinə daxil edilmişdir. Axundzadə 1919-cu il yanvarın 1-dən fevralın 5-dək Azərbaycan Xalq Cümhuriyyəti Hökumətinin işlər idarəsinin müdiri olmuş, Hökumətin 1919-cu il 5 fevral tarixli qərarı ilə Bakı qubernatoru təyin edilmiş və 1919-cu il avqustun 25-dək bu vəzifədə işləmişdir.

Ölümü

1920-ci il aprelin 28-də Aprel işğalından sonra keçmişinə görə təqiblərə məruz qalan Rəşid bəy repressiyanın qurbanlarından biri olmuş, 1937-ci ildə həbs edilərək sürgünə göndərilmişdi. Rəşid bəy Axundzadə 1940-cı ildə sürgün yerində həlak olmuşdur.