Məmmədbağır Şeyxzamanlı

Məmmədbağır Şeyxzamanlı
Əks-inqilab ilə mübarizə təşkilatının rəisi
11 iyun 1919 – avqust 1919
Əvvəlki	vəzifə təsis edilib
Sonrakı	Nağı bəy Şeyxzamanlı
Şəxsi məlumatlar
Doğum tarixi	1880(1880)
Doğum yeri	Yelizavetpol, Yelizavetpol quberniyası, Rusiya imperiyası
Vəfat tarixi	may 1920(1920-05) (39–40 yaşında)
Vəfat yeri	Bakı, Bakı qəzası, Azərbaycan SSR
Vəfat səbəbi	güllələnmə[d]
Partiya	Müsavat (Müsəlman Demokrat Partiyası), Türk Ədəmi-Mərkəziyyət Firqəsi
Fəaliyyəti	siyasətçi
Vikianbarda əlaqəli mediafayllar

Məmmədbağır Şeyxzamanlı (1880, Yelizavetpol – may 1920, Bakı) — Azərbaycan Xalq Cümhuriyyətinin milli hökuməti tərəfindən təsis edilən Əks-inqilab ilə Mübarizə Təşkilatının rəisi.

Həyatı

Məmmədbağır Şeyxzamanlı 1880-ci ildə Gəncə şəhərində anadan olmuşdur. 1919-cu ilin iyun ayında Azərbaycan Demokratik Respublikasının milli hökuməti tərəfindən təsis edilən "Əksinqilab ilə mübarizə təşkilatı"nın (Azərbaycanın ilk Milli Təhlükəsizlik orqanı) rəisi təyin olunmuşdur. M. Şeyxzamanlı bir müddət bu vəzifədə işlədikdən sonra, Azərbaycan Demokratik Respublikasının ilk parlamentində Müsavat fraksiyasının üzvü kimi siyasi fəaliyyəti ilə əlaqədar, 1919-cu ilin avqust ayında öz ərizəsi ilə tutduğu vəzifədən azad edilmişdir.

M. Şeyxzamanlı millət vəkili kimi bir sıra mühüm dövlət məsələlərinin həllində, o cümlədən qanun layihələri və qərarların müzakirəsində yaxından iştirak etmişdir. Müstəqillik uğrunda ardıcıl mübarizə apardığına və barışmaz siyasi mövqeyinə görə, M. Şeyxzamanlı Azərbaycanın Rusiya tərəfindən işğalından sonra, bolşeviklər tərəfindən həbs edilmiş və 1920-ci ilin may ayında güllələnmişdir.

Qızı Ruqiyyə Şeyxzamanlı Xudadat bəy Rəfibəylinin oğlu Kamil Rəfibəyli(Aran) ilə evlənmişdir.

Məhəmməd Əmin Rəsulzadə 1923-cü ildə yazdığı "Azərbaycan Cümhuriyyəti keyfiyyəti-təşəkkülü və indiki vəziyyəti" kitabında Məmmədbağır Şeyxzamanlını Azərbaycanın istiqlal şəhidi adlandırıb.

Mənbə

• Milli Təhlükəsizlik Nazirliyi Arxivləşdirilib 2019-03-12 at the Wayback Machine