Abdulla Tahirzadə
| Abdulla Tahirzadə | |
|---|---|
 | |
| Doğum tarixi | 19 yanvar 1896 |
| Doğum yeri | Oğuz, Azərbaycan |
| Vəfat tarixi | 2 noyabr 1978 (82 yaşında) |
| Vəfat yeri | Bakı, Azərbaycan SSR |
Tahirzadə Abdulla Mahmud oğlu (1896, Xaçmaz kəndi, Oğuz - 2 noyabr 1978, Bakı) — Azərbaycan Xalq Cümhuriyyəti Parlamentinin xüsusi qərarına əsasən, dövlət hesabına ali təhsil almaq üçün xaricə göndərilmiş tələbələrdən biri.
Həyatı[redaktə | əsas redaktə]
Abdulla Tahirzadə ilk təhsilini Ağdaşda, orta təhsilini İstanbulda xeyriyyə məktəbində almışdır. Parlamentin 1919-cu il 1 sentyabr tarixli qərarına əsasən, təhsilini davam etdirmək üçün İstanbul Universitetinə (Türkiyə) göndərilmişdir. İstanbulda Ali İqtisad Məktəbində və İstanbul Universitetinin riyaziyyat fakültəsində oxumuşdur. 1923-cü ildə vətənə dönmüş, Azərbaycanın orta ixtisas və ali məktəblərində müəllim işləmişdir. 1949-cu ildə repressiyaya məruz qalmış, 5 il müddətinə islah-əmək düşərgəsinə göndərilmişdir. 1953-cü ildə azad edilmiş, 2 il Canbulda (Qazaxıstan) müəllim işləmişdir. 1955-ci ildə bəraət almışdır. Həmin ildən Azərbaycan Neft və Kimya İnstitutunda (indiki Neft Akademiyası) dərs demişdir.
.jpg)
