İskəndər Vəliyev

Vikipediya, azad ensiklopediya
Jump to navigation Jump to search
İskəndər Vəliyev
İskəndər Vəliyev.jpg
bayraqAzərbaycan SSR Ali Sovetinin IV çağırış deputatıbayraq
1951 — 1954
Seçki dairəsi 1951 — Kirovabad-Sabir
Şəxsi məlumatlar
Doğum tarixi 1897
Doğum yeri
Partiya

Təltifləri "Qırmızı əmək bayrağı" ordeni "Şərəf nişanı" ordeni "Şərəf nişanı" ordeni
"Stalin" mükafatı

İskəndər Mahmud oğlu Vəliyev (1897, Bakı) — Azərbaycan SSR Ali Sovetinin IV çağırış deputatı, Azərbaycan Xalq Cümhuriyyəti Parlamentinin xüsusi qərarına əsasən dövlət hesabına ali təhsil almaq üçün xaricə göndərilmiş tələbələrdən biri.

Həyatı[redaktə | mənbəni redaktə et]

İskəndər Vəliyev 1897-ci ildə Bakı şəhərində dəmirçi-işçi ailəsində anadan olmuşdur. O, əvvəlcə şəhər məktəbində, sonra isə Bakı orta inşaat-texniki məktəbində təhsil almış və 1916-cı ildə oradan məzun olmuşdur. Təhsilini bitirdikdən sonra Bakı Şəhər İdarəsində çalışmışdır. Daha sonra Culfa-Bakı dəmir yolu tikintisində Ələt stansiyasında tikinti texniki olmuşdur.

Azərbaycan Xalq Cümhuriyyəti Parlamentinin 1919-cu il sentyabr tarixli qərarına əsasən, təhsilini kənd təsərrüfatı sahəsində davam etdirmək üçün İtaliyanın Peruça Universitetinə göndərilmişdir. Aprel işğalından sonra ona Azərbaycan SSR Xalq Maarifi Komissarlığı tərəfindən maliyyə yardımı almışdır.

Elmi fəaliyyəti[redaktə | mənbəni redaktə et]

1923-cü ildə Azərbaycana dönən İskəndər Vəliyev Gəncə Kənd Təsərrüfatı Texnikumuna müəllim təyin olunur. 1925-ci ildə isə yeni yaradılan Pambıqçılıq Elmi-Tədqiqat İnstitutunda işləməyə başlamışdır. 1926-ci il tarixində isə o, Nuxa Kənd Təsərrüfatı Texnikumuna direktor və müəllim təyin olunmuşdur. 1931-ci il tarixində isə o, öz istəyi ilə yenidən Pambıqçılıq Elmi-Tədqiqat İnstitutundakı işinə bərpa olunmuşdur. İskəndər Vəliyev orada əvvəlcə seleksiyaçı alim olaraq çalışmış, 1948-ci ildən isə pambıqçılıq seleksiyası şöbəsinin müdiri olmuşdur.

Siyasi fəaliyyəti[redaktə | mənbəni redaktə et]

İskəndər Vəliyev 1954-cü ildə Sovet İttifaqı Kommunist Partiyası sıralarına daxil olmuşdur.

Bir çağırış Kirovabad Zəhmətkeş Deputatlar Sovetinin deputatı seçilmişdir.

İskəndər Vəliyev Kirovabad-Sabir seçki dairəsindən Azərbaycan SSR Ali Soveti IV çağırış deputatı seçilmişdir.

Mükafatları[redaktə | mənbəni redaktə et]

İskəndər Vəliyev 1949-cu il tarixində yeni pambıq növü yaratdığı səbəbi ilə "Stalin" mükafatı ilə təltif olunmuşdur. Həmçinin, o, "Qırmızı əmək bayrağı" ordeni və iki dəfə "Şərəf nişanı" ordeni ilə təltif edilmişdir.

Mənbə[redaktə | mənbəni redaktə et]

  • Искәндәр Маһмуд оғлу Вәлиев // Альбом биографий депутатов Верховного Совета Азербайджанской ССР. 1955. Бакы. 1956. С. 101.

İstinadlar[redaktə | mənbəni redaktə et]