Əhməd Rəcəbli

Vikipediya, azad ensiklopediya
Jump to navigation Jump to search
Əhməd Rəcəbli
Əhməd Rəcəbli.jpg
Doğum tarixi 1898
Doğum yeri
Vəfat tarixi 1963
Vəfat yeri
Vəfat səbəbi ürək tutması
Vətəndaşlığı
Elm sahəsi biologiya
İş yeri

Rəcəbli Əhməd Cabbar oğlu (1898, İrəvan1963, Moskva) — tanınmış azərbaycanlı seleksiyaçı genetik alim, professor, aqronom, Ümiumittifaq Kənd Təsərrüfatı Akademiyasının (VASXNİL) akademiki.[1]

Həyatı[redaktə | əsas redaktə]

Əhməd Məşədi Cabbar oğlu Rəcəbli 1898-ci il avqustun 28-də  İrəvanda anadan olmuşdur. Atası Məşədi Cabbar Məşədi Cəfər oğlu, anası Kübra xanım Hacı Xəlil qızıdır. 1907-ci il sentyabrın 15-də İrəvan kişi gimnaziyasına daxil olmuş və 1916-cı il iyunun 1-də tam səkkizillik kursu bitirmişdir. 1916-cı il yanvarın 1-də İrəvan kişi gimnaziyasının pedaqoji şurasının qərarı ilə nümunəvi davranışı və təhsildə qazandığı uğurları ilə əlaqədar Əhməd Məşədi Cabbar oğlu Rəcəbliyə gümüş medal verilib.[2]

1923-cü ildə Cümhuriyyət tələbəsi Əhməd Rəcəbli 1923-cü ildə İtaliyanın Peruçi şəhərində Ali Kral Eksperimental Aqrar İnstitutunu bitirib.

1918 - "Azərbaycan füqərası" qəzetinin redaksiyasında korrektor işləyib.

1919 - Azərbaycan Demokratik Respublikası İtaliyaya oxumağa göndərib.

1923 - İtaliyanın Peruçi şəhərində Ali Kral Eksperimental Aqrar İnstitutunu bitirərək Bakıya qayıdıb.

1924 - Zaqatala mahalına aqronom təyin olunur, həmin il Zaqatala Kənd Təsərrüfatı Texnikumunu təşkil edir və 1937- ci ilə qədər ora rəhbərlik edir, eyni zamanda Zaqatala fındıqtəmizləmə zavodunda məsləhətçi kimi işləyir. Onun təşəbbüsü və iştirakı ilə Zaqatala-Car tütünçüləri yoldaşlıq kooperativi yaradılır.

1926 - Təşəbbüsü ilə Zaqatalada təcrübə-sınaq stansiyası yaradılır və 1937-ci ilin iyuluna kimi stansiyaya rəhbərlik edir.

1930-1936 - Azərbaycan Kənd Təsərrüfatı İnstitutunda kafedra müdiri vəzifəsində çalışır.

1931-1934 - Kənd Təsərrüfatı İnstitutunun Cənub-Texniki Bitkilər kafedrasının müdiri və Respublika Torpaq Komissarlığında dövlət müşaviri vəzifələrində işləyir.

1935 - elmi-praktiki fəaliyyətində görkəmli xidmətlərinə görə Ali Attestasiya Komissiyasının qərarı ilə professor elmi adını alır. 1937-ci ilədək Ümumittifaq Kənd Təsərrüfatı Elmləri Akademiyası Subtroprik Bitkilər Bölməsinin üzvü olub.

1937 - avqust ayının 15-də Azərbaycan SSR Daxili İşlər Komissarlığı tərəfindən (SSRİ Xalq Daxili İşlər Komissarlığının 1937-ci il 30 iyul tarixli 0044 N-li qərarına müvafiq olaraq - T.Q.) həbs edilir.

1939 - "İnqilab əleyhinə" fəaliyyətinə görə səkkiz il müddətinə məhkum olunur və Maqadana sürgün edilir.

1945 - sürgündən qayıtdıqdan sonra Azərbaycan Elmi- Tədqiqat Çoxillik Bitkilər İnstitutuna elmi işçi, sonra şöbə müdiri təyin edilir.

1950 - yenidən həbs edilərək Cambula (Qazaxıstan) sürgün edilir.

1954 - sürgündən qayıtdıqdan sonra Azərbaycan Elmi-Tədqiqat Çoxillik Bitkilər İnstitutunun meyvəçilik şöbəsinin rəhbəri təyin olunur.

1955 - bəraət alır.

1958-1962 - Azərbaycan Kənd Təsərrüfatı Elmləri Akademiyasının akademiki, bitkiçilik bölməsinin akademik katibi olub.

1965 - dekabr ayının 15-də vəfat edir.[2]

İstinadlar[redaktə | əsas redaktə]

  1. Ermənistan Azərbaycanlılarının tarixi coğrafiyası // Tərtib edəni: S.Əsədov; Elmi red. B.Budaqov, Q.Qeybullayev. Bakı: "Gənclik", 1995. ISBN 5-8020-0852-0
  2. 1 2 Cümhuriyyət tələbələri III fəsil. Tale sorağında

Xarici keçidlər[redaktə | əsas redaktə]