Mir Sadıq Sadıqov

Mir Sadıq Sadıqov
Doğum tarixi	4 yanvar 1897(1897-01-04)
Doğum yeri	Bakı, Bakı quberniyası, Rusiya imperiyası
Vəfat tarixi	bilinmir
Təhsili	Darmştadt Texniki Universiteti (1920), Frayberq Texniki Universiteti (1920–1925)

Sadıqov Mir Sadıx Seyid Kamil oğlu (4 yanvar 1897, Bakı – bilinmir) — Azərbaycan Xalq Cümhuriyyəti Parlamentinin xüsusi qərarına əsasən, dövlət hesabına ali təhsil almaq üçün xaricə göndərilmiş tələbələrdən biri.

Həyatı

Mir Sadıq Sadıqov 4 yanvar 1897-ci ildə Bakıda anadan olmuşdur. 7 yaşında ilk dəfə olaraq xalq məktəbinə getmiş, 1906-cı ildə təhsilini orta məktəbdə davam etdirmişdir. 1916-cı ildə Bakı orta texniki məktəbinin mexanika Şöbəsini bitirmişdir. Orta məktəbi bitirdikdən sonra o Moskva Ticarət Ali Məktəbinin texnika bölümünə daxil olur. Moskvada 1 il oxuduqdan sonra Mir Sadıx Rusiyada baş verən inqilaba görə təhsilini yarımçıq qoyaraq Bakıya dönür. Azərbaycan Xalq Cümhuriyyəti Əmək Nazirliyində idarəçi kimi çalışır.

1920-ci ildə Azərbaycan Xalq Cümhuriyyətinin Avropaya ali təhsil almaq üçün dövlət təqaüdü ilə göndərdiyi 100 nəfərin daxilində Mir Sadıq Almaniyaya gedir. 1920-ci ildə ilk təhsilinə Darmstadta başalayan Mir Sadıq orada yalnız 1 semestr oxuyur. Sonra Frayberq Dağ-Mədən Akademiyasına qəbul olunur (20 aprel 1920). 1925-ci ilin yay semestrində o Frayberqdə ali təhsilini başa vurur. 27 noyabr 1925-ci ildə Dağ mühəndisi üzrə diplom alır.

Mənbə

Ədəbiyyat

• Jafarli, Mammad. Politischer terror und das Schicksal der Aserbaidscnanischen deutschen (alman). Ştutqart. 2012. səh. 323. ISBN 978-3-00-037560-6.