Məzmuna keç

Balağa Ağayev

Keçid əlavə et
Vikipediya, azad ensiklopediya
Balağa Ağayev
Doğum tarixi 17 oktyabr 1899(1899-10-17)
Doğum yeri
Vəfat tarixi XX əsr
Vəfat yeri
Təhsili
Fəaliyyəti həkim
Vikianbarın loqosu Vikianbarda əlaqəli mediafayllar

Balağa Ağayev (17 oktyabr 1899, Fatmayı, Bakı quberniyası – XX əsr, bilinmir[d]) — azərbaycanlı həkim, Cümhuriyyət tələbəsi.

Bakı Real Məktəbində və Bakı Kommersiya Məktəbində orta təhsil alıb. 1917-ci ildə Bakıda keçirilmiş Qafqaz müsəlman şagirdlərinin I qurultayında iştirak edib. Azərbaycan Cümhuriyyəti Parlamentinin xüsusi qərarına əsasən, 1920-ci ildə dövlət hesabına ali təhsil almaq üçün xaricə göndərilib. Sorbon Universitetində ali təhsil alıb.

Təhsilini bitirdikdən sonra geri qayıtmayıb və Fransada qalıb. Sonrakı həyatı haqda məlumat yoxdur.

Həyatı

[redaktə | vikimətni redaktə et]
Balağa Ağayev, İskəndər Rzazadə, Miri bəy Vəzirov, ortada əyləşən Mustafa bəy Vəkilov, Paris, 1920-ci il.

Ağayev Balağa Məmməd Hənifə oğlu 1899-cu ildə Fatmayı kəndində anadan olub.[1][2] Əvvəlcə Bakı Real Məktəbində 1915–1919-cu illərdə isə Bakı Kommersiya Məktəbində təhsil alıb.[1] 1917-ci ildə Bakıda keçirilmiş Qafqaz müsəlman şagirdlərinin I qurultayında iştirak edib.[3]

1918-ci il mayın 28-də Azərbaycan Cümhuriyyəti elan olunub.[4][5] 1919-cu il oktyabrın 20-də Azərbaycan Cümhuriyyəti xalq maarif naziri Rəşid xan Qaplanovun 456 saylı əmri ilə Balaağa Ağayev Bakı Kommersiya Məktəbinə Türk dili müəllimi təyin olunub.[2][3]

1919-cu il sentyabrın 1-də Azərbaycan Cümhuriyyəti Parlamenti 1919–1920-ci tədris ilində ali təhsilli mütəxəssislərin hazırlanması məqsədilə 100 nəfər azərbaycanlı gəncin dövlət hesabına xarici ali məktəblərə göndərilməsi barədə qərar qəbul edib.[6][7][8] Qərarın icrası üçün 7 milyon manat vəsait ayrılıb.[9] Avropa ali məktəblərinə göndərilən hər bir tələbə üçün aylıq 400 frank təqaüd və 1000 frank məbləğində yol xərci müəyyən edilib.[10][11][12]

1919-cu il noyabrın 24-də Balağa Ağayev Müsəlman tələbələri bürosuna yazdığı ərizədə dövlət hesabına Paris şəhərində tibb təhsili almaq istədiyini bildirib.[3]

Balağa Ağayev də ali təhsil almaq üçün xaricə göndərilən tələbələrdən biri olub.[3][13] Xaricə göndərilən tələbələrin bir hissəsi 1920-ci il yanvarın 14-də Parlament və Hökumət üzvlərinin, tanınmış xeyriyyəçilərin, din xadimlərinin, ictimaiyyət nümayəndələrinin və valideynlərin iştirakı ilə Bakı Dəmiryolu Vağzalından yola salınıb.[14] Fevralın 11-də Parisə çatan tələbələri Paris Sülh Konfransında iştirak edən Əlimərdan bəy Topçubaşının rəhbərlik etdiyi nümayəndə heyəti qarşılayıb.[15][16][17] Əlimərdan bəy tələbələr qarşısında çıxış edərək onlara nəsihətlər verib və uğurlar arzulayıb.[16]

Bir müddət Parisdə qaldıqdan sonra tələbələr təhsil almaq üçün Avropanın müxtəlif şəhərlərinə göndəriliblər. Balağa Ağayev Parisdə Sorbon Universitetində tibb təhsil alıb.[2][18]

Təhsilini bitirdikdən sonra SSRİ-yə qayıtmayıb və Fransada yaşayıb.[19] 1974-cü ildə Balaağa Ağayev Qrönobl şəhərində yaşayıb. Həmin illərdə Parisdə işləyən diplomat Ramiz Abutalıbov onunla görüşmək istəsə də Balaağa Ağayev onunla görüşməyə razılıq verməyib.[19]

Balaağa Ağayevin sonrakı həyatı haqda məlumat yoxdur.[19]

Ailəsi

[redaktə | vikimətni redaktə et]

Balağa Ağayev Fatmayı kəndinin sakinləri Məhəmmədhənifə Kərbəlayı Hacıağa oğlunun və Bibixanım Kərbəlayı Zərbəli qızının ailəsində anadan olub.[1]

Həmçinin bax

[redaktə | vikimətni redaktə et]

Mənbə

[redaktə | vikimətni redaktə et]

İstinadlar

[redaktə | vikimətni redaktə et]
  1. 1 2 3 Tahirzadə,Tahirli, 2016. səh. 345
  2. 1 2 3 "Azərbaycan Xalq Cümhuriyyəti dövründə altı tələbə tibbi təhsil almaq üçün Almaniya və Fransaya göndərilib". azertag.az (az.). 24 may 2018. İstifadə tarixi: 23 aprel 2026.
  3. 1 2 3 4 Tahirzadə,Tahirli, 2016. səh. 346
  4. ↑ Azərbaycan Milli Ensiklopediyası, 2010. səh. 519
  5. ↑ Azərbaycan Xalq Cümhuriyyəti Ensiklopediyası I, 2014. səh. 11
  6. ↑ AC Stenoqrafik hesabatlar, 1998. səh. 32
  7. ↑ AC təhsil siyasəti, 2018. səh. 20
  8. ↑ Azərbaycan Xalq Cümhuriyyəti: 100 sual, 100 cavab, 2018. səh. 86
  9. ↑ Nəzərli, 2008. səh. 177
  10. ↑ Azərbaycan Xalq Cümhuriyyəti Ensiklopediyası I, 2014. səh. 81
  11. ↑ AC təhsil siyasəti, 2018. səh. 399
  12. ↑ Azərbaycan Xalq Cümhuriyyəti: 100 sual, 100 cavab, 2018. səh. 87
  13. ↑ Azərbaycan Xalq Cümhuriyyəti Ensiklopediyası I, 2014. səh. 113
  14. ↑ Tələbələrin yola salınması (South Azerbaijani). 13. Bakı: Azərbaycan qəzeti. 16 yanvar 1920. səh. 3.
  15. ↑ Tahirzadə,Tahirli, 2016. səh. 87
  16. 1 2 Qəhrəmanlı, 2010. səh. 74
  17. ↑ Dünyaminqızı, Qərənfil. "99-dan biri: Avropada təhsil - Əməkdar jurnalist yazır..." www.tehsil.biz. 31 iyul 2023. 11 avqust 2023 tarixində arxivləşdirilib. İstifadə tarixi: 8 aprel 2026.
  18. ↑ Həsənov, 2015. səh. 381
  19. 1 2 3 Tahirzadə,Tahirli, 2016. səh. 347

Ədəbiyyat

[redaktə | vikimətni redaktə et]
Mənbə — "https://az.wikipedia.org/w/index.php?title=Balağa_Ağayev&oldid=8875963"