İskəndər Əliyev

Vikipediya, açıq ensiklopediya
Keçid et: naviqasiya, axtar
İskəndər Əliyev
İskəndər Əliyev
Bayraq
SSRİ Dövlət Pambıq Satışı İdarəsinin Azərbaycan şöbəsinin müdiri
Bayraq
1932 — 1937
Bayraq
Azərbaycan SSR Yüngül sənaye üzrə xalq komissarı
Bayraq
1956 — 1961
Xələfi: Möhbalı Əmiraslanov
Bayraq
SSRİ Ali Sovetinin I çağırış deputatı
Bayraq
1937 — 1938
Bayraq
Sürgün həyatı.
Qazaxstan, Qaraqanda həbs düşərgəsi (KARLAQ)
Bayraq
1942 — 1955
Bayraq
Azərbaycan SSR Meyvə-Tərəvəz Təsərrüfatı Komitəsinin sədri
Bayraq
1956 — 1959
Bayraq
Azərbaycan SSR Zərgərlik Malları Ticarəti Komitəsinin sədri
Bayraq
1959 — 1964
 
Partiya: Pin of the Flag of CPSU.png Sovet İttifaqı Kommunist Partiyası (1927-1972)
Təhsili: SSRİ yüngül sənaye nazirliyinin rəhbər işçilərinin ixtisasartırma kursları
Doğum tarixi: 1906(1906-İfadə xətası: "{" punktuasiyasının tanınmayan simvolu.-{{{3}}}), Romanov Flag.svg Rusiya imperiyası, Şuşa şəhəri
Vəfat tarixi: 1972(1972-Şablondakı doğum və ya ölüm tarixində texniki yanlışlıq var!-00), Flag of the Azerbaijan Soviet Socialist Republic.svg Azərbaycan SSR, Bakı
Həyat yoldaşı: Pəri
Uşaqları: Rəna, Fuad, Arif

İskəndər Əli oğlu Əliyev (1906-1972) — Azərbaycan dövlət xadimi, siyasi repressiyaya uğramış şəxs, SSRİ I çağırış Ali Sovetinin deputatı.

Həyatı[redaktə | əsas redaktə]

İskəndər Əli oğlu Əliyev 1906-cı ildə Şuşa şəhərində, Mamayı məhəlləsində anadan olmuşdur. O anadan olan il əvvəl atası vəfat edir, az keçmədən isə anası da dünyasını dəyişir.

Babası Zeynal Mamayı məhəlləsində məscid və pir tikdirdiyinə görə Şuşada tanınan və sayılan insanlardan olub. 1918-ci ildə ermənilər Qarabağda qətliamlar törədən zaman qardaşlarını və yaxın qohumlarını itirir və buna görə Goranboyda bir varlı torpaq sahibinin yanında muzdur kimi işləməli olur. Yalnız 1925-ci ildə 18 yaşında qardaşlarını və yaxın qohumlarını tapıb onlara qovuşa bilir.

1926-cıildə Gəncə stansiyasının deposunda çilingər kimi işləməyə başlayır. Burada özünü fəal ictimaiyyətçi kimi göstərir. 1928-ci ildə Gəncə deposunun həmkarlar ittifaqı komitəsinə məsul katibi seçilir. 1930-cu ildə Bakıya köçür, Ali Xalq Təsərrüfatı Sovetində təlimatçı, əmək ixtiraçılığı mərkəzi bürosunun sədri, istehsalat texniki təbliğat sektorunun rəisi vəzifələrində çalışır.

1930-cu illərdə İskəndər Əliyev Azərbaycan Sənaye İnstitutunda mühəndis ixtisası üzrə ali təhsil alır. 1933-cü ildə Ümümittifaq Dövlət Pambıq Satışı İdarəsinin Azərbaycan şöbəsinin müdiri təyin olunur. 1933-34-cü illərdə Moskvada yüngül sənaye nazirliyinin rəhbər işçilərinin ixtisasartırma kurslarını bitirir.

1931-ci ildə Pəri Əliyeva ilə ailə həyatı qurur.

İskəndər Əliyev 1937-cı ildə SSRI I çağırış Ali Sovetinin deputatı seçilir[1]. 1937-ci ildə əvvəl Azərbaycan SSR Yüngül Sənaye üzrə Xalq Komissarının müavini vəzifəsinə, daha sonra Yüngül Sənaye üzrə Xalq Komissarı vəzifəsinə təyin olunur. Yüksək dövlət vəzifəsinə təyin olunmuş ilk azərbaycanlılardan biri idi.

SSRİ Ali Sovetinin I çağırış deputatları (Millətlər palatası). Azərbaycanlı deputat İskəndər Əliyev 3-cü cərgədə soldan birincidir. Birinci cərgədə Sovet İttifaqının başçılarıdır: Beriya, Mikoyan, Andreev, Molotov, Kalinin, Voroşilov, Stalin, Kaqanoviç, Yejov, Şvernik. Moskva, 1938-ci il

İskəndər Əliyev 1938-ci ilin əvvəlində əksinqlabçılar və milliyətçilərlə əməkdaşlıqda ittiham edilib həbs olunur[2]Moskvanın Butırka həbsxanasında saxlanılır. 1939-cu ilin aprelində Moskvadan Bakıya gətirilir, 1941-ci ildə mühakimə olunur, 1942-ci ilin mayında isə Şimali Qazaxstana sürgün olunur. 1955-ci ilə qədər orada Qaraganda vilayətinin Yegindi-Bulak qəsəbəsinin Koyandin Maşın-Traktor Stansiyasında sürgün həyatı yaşayır. Orada həm də aqronom vəzifəsində işləmişdir. 1955-ci ildə dövlət tərəfindən tam bəraət alır və 1955-ci ilin noyabrında 18 illik sürgün həyatından sonra Bakıya dönür.

İskəndər Əliyev 1956-cı ildə Azərbaycan SSR Meyvə-Tərəvəz Təsərrüfatı Komitəsiinin sədri vəzifəsinə təyin olunur. 1959-cu ildən təqaüdə çıxana qədər Azərbaycan SSR Zərgərlik Malları Ticarəti Komitəsinin sədri vəzifəsində çalışır. O, 1964-cü ildə təqaüdə çıxır.

Ümumittifaq dərəcəli fəxri təqaüdçü idi.

İskəndər Əliyev 1972-ci ildə Bakı şəhərində vəfat edib.

Mənbə[redaktə | əsas redaktə]

İstinadlar[redaktə | əsas redaktə]