Nurulla Ağayev

Nurulla Ağayev
Nurulla Ağayev
Azərbaycan SSR tikinti naziri
	6 iyun 1957 – 26 mart 1959
Əvvəlki	vəzifə təsis edilib
Sonrakı	Yaqub İsmayılov
Azərbaycan SSR ərzaq malları sənayesi naziri
	12 noyabr 1953 – 6 iyun 1957
Əvvəlki	özü (yüngül və yeyinti sənayesi naziri kimi)
Sonrakı	vəzifə ləğv edilib
Azərbaycan SSR yüngül və yeyinti sənayesi naziri
	18 aprel 1953 – 24 oktyabr 1953
Əvvəlki	Nadir Axundov (yüngül sənaye naziri kimi)
Sonrakı	Sadıq Rəhimov (çoxişlənən sənaye malları naziri kimi);; özü (ərzaq malları sənayesi naziri kimi)
Azərbaycan SSR ət və süd sənayesi naziri
	9 oktyabr 1951 – 18 aprel 1953
Əvvəlki	Həbib Məmmədov
Sonrakı	vəzifə ləğv edilib
Azərbaycan SSR Dövlət Plan Komissiyası sədrinin birinci müavini
	yanvar 1949 – oktyabr 1951
Sədr	Musa Əliyev; Əli İbrahimov
Azərbaycan SSR yüngül sənaye naziri
	24 mart 1947 – yanvar 1949
Əvvəlki	Nadir Axundov
Sonrakı	Sadıq Rəhimov
Azərbaycan SSR xalq kommunal təsərrüfatı komissarı
	noyabr 1942 – may 1944
Əvvəlki	Yusif Nəzirov
Sonrakı	İslam Qədimov
Şəxsi məlumatlar
Doğum tarixi	1913
Doğum yeri	Bülbülə, Bakı qəzası, Bakı quberniyası, Rusiya imperiyası;
Vəfat tarixi	23 aprel 1990 (76–77 yaşında)
Dəfn yeri	Bülbülə;
Partiya	Sovet İttifaqı Kommunist Partiyası;
Təltifləri

Nurulla Qurbanəli oğlu Ağayev (1913, Bülbülə, Bakı qəzası – 23 aprel 1990) — Azərbaycan-sovet dövlət xadimi və iqtisadçı alim. Azərbaycan SSR-də yüngül və yeyinti sənayesi, eləcə də tikinti sənayesində ixtisaslaşmış nazirliklərə başçılıq etmişdir.

Həyatı

Nurulla Qurbanəli oğlu Ağayev 1913-cü ildə Bakı qəzasının Bülbülə kəndində anadan olmuşdur. 5 yaşında ikən, 1918-ci ildə atası Kərbəlayı Qurbanəli daşnaklarla savaşda qətlə yetirilmiş, böyük qardaşının himayəsində böyümüşdür.^[1]

Nurulla Ağayev 1938-ci ilədək Zabratda Andreyev adına zavodda çalışmış, daha sonra rəhbər vəzifələrə keçirilmişdir. 13 mart 1942-ci ildə Azərbaycan K(b)P Bakı Şəhər Komitəsinin tikinti işləri üzrə katibi təsdiq edilmiş, Həmin ilin noyabrında isə Azərbaycan SSR xalq kommunal təsərrüfatı komissarı vəzifəsinə irəli çəkilmişdir. 1944-cü ilin may ayından ÜİK(b)P Mərkəzi Komitəsinin və SSRİ Nazirlər Sovetinin qərarı ilə İranda diplomatik işə göndərilmiş, SSRİ Ticarət Nümayəndəliyinin sədr müavini işləmişdir.

1949-cu ildə Azərbaycan SSR Dövlət Plan Komissiyası sədrinin birinci müavini təyin edilmiş, 1951-ci ilin oktyabr ayından 1953-cü ilin aprel ayınadək Azərbaycan SSR ət və süd sənayesi naziri, ardınca yüngül və yeyinti sənayesi naziri, sonrakı illərdə isə tikinti naziri və tikinti nazirinin müavini vəzifələrdə çalışmışdır.^[1]

Sonrakı illərdə Nurulla Ağayev elmi-pedaqoji fəaliyyətlə məşğul olmuş, 1972-ci ilədək Azərbaycan Neft və Kimya İnstitutunda çalışmışdır. 1969-cu ildə texnika elmləri namizədi elmi dərəcəsini almış, bir sıra elmi məqalələrin, o cümlədən "2000-ci ilin iqtisadiyyatı" adlı irihəcmli elmin işin müəllifi olmuşdur.^[1]

Nurulla Ağayev 2-ci və 3-cü çağırış Azərbaycan SSR Ali Sovetinin deputatı seçilmiş, Azərbaycan Kommunist Partiyası Mərkəzi Komitəsinin üzvü olmuşdur. "Qırmızı əmək bayrağı" və "Şərəf nişanı" ordenləri ilə təltif edilmişdir.^[1]

Nurulla Ağayev 1990-cı il aprelin 23-də vəfat etmiş, Bülbülə qəbiristanlığında dəfn olunmuşdur.^[1]

İstinadlar

1 2 3 4 5 Teyyub Qurban. Düşmənlərindən güclü şəxsiyyət. Bakı. 2015. səh. 5–9. ISBN 978-9952-494-55-6.

[dgş-1] 1 2 3 4 5 Teyyub Qurban. Düşmənlərindən güclü şəxsiyyət. Bakı. 2015. səh. 5–9. ISBN 978-9952-494-55-6.

[1]