Sabunçu rayonu

Vikipediya, açıq ensiklopediya
Keçid et: naviqasiya, axtar
Sabunçu rayonu
A-Baki.PNG
Ərazi 244.3 [1] km²
Əhali 230.000 (2012) nəfər
Telefon kodu +994 12
İcra başçısı Adil Vəliyev
İnternet saytı sabunchu-ih.gov.az

Sabunçu rayonuBakıda rayon.

Tarixi[redaktə | əsas redaktə]

Rayon 1992-ci ilə qədər Lenin rayonu adlandırılmışdır[2]. 29 aprel 1992-ci ildən Lenin rayonunun adı dəyişdirilərək Sabunçu rayonu adlandırılmışdır.Həmçinin Sabunçu rayonunun mərkəzi olan Bakıxanov qəsəbəsi 1936-cı ildə qəsəbə statusu almış, “Stepan Razin qəsəbəsi” adı verilmiş və 1992-ci ildə Azərbaycan Respublikası Ali Sovetinin Milli Şurasının qərarı ilə Bakı şəhəri Sabunçu rayonu Bakıxanov qəsəbəsi adlandırılmışdır.

Mədəniyyəti[redaktə | əsas redaktə]

Sabunçu rayonu 10 qəsəbədən ibarətdir. Rayonda 5016 ailə olmaqla 20859 nəfər məcburi köçkün və 1635 ailə olmaqla 8318 nəfər qaçqın məskunlaşmışdır.

Rayonda 46 məktəb, 3 internat və 25 səhiyyə müəssisələri fəaliyyət göstərir. Sabunçu rayonu ərazisində müxtəlif mülkiyyət hüququna məxsus 75 sənaye, 53 tikinti, 9 nəqliyyat, 2 kənd təsərrüfatı və 370 ticarət obyekti və sair fəaliyyət göstərir.

Əhalisi[redaktə | əsas redaktə]

AzStat-ın 1 yanvar 2013-cü il tarixinə olan rəsmi məlumata əsasən rayonda 231.271 nəfər əhali yaşayır.[3][4]

Etnik tərkib[redaktə | əsas redaktə]

Etnik
qrup
13-22 aprel, 2009-cu il sa.[5]
Sayı  %
cəmi 220 496 100%
azərbaycanlı 203 430 92.26%
rus 9 987 4.53%
tatar 2 611 1.18%
ləzgi 2 377 1.08%
ukraynalı 1 139 0.52%
yəhudi 276 0.13%
digər 676 0.31%

İqtisadiyyatı[redaktə | əsas redaktə]

Məşğul əhalinin əsas hissəsi mədənçıxartma sənayesindən, rayonda fəaliyyət göstərən neft avadanlıqlarının istehsalı müəssisəsindən, çörək, fındıq və digər istehsal, ticarət, ictimai iaşə xidmət sahələrində çalışır.Hazırda rayon üzrə məşğul əhalinin sayı 30273 nəfər, o cümlədən sənayedə çalışanların sayı 8777 nəfər, tikintidə 1378 nəfər, büdcə təşkilatlarında 1210 nəfər, təhsildə 4860 nəfər, səhiyyədə 4296 nəfər, digər sahələrdə 9752 nəfərdir.

İstinadlar[redaktə | əsas redaktə]

  1. http://www.mct.gov.az/?/az/cities/view/323/&PHPSESSID=22a5dea028bcb6301420123d8904deef
  2. Azərbaycan Respublikası Bakı şəhərinin bəzi rayon və qəsəbələrinə, Ağdaş, Bərdə, Qobustan, İmişli, İsmayıllı, Yevlax, Gədəbəy, Goranboy, Lənkəran, Salyan, Füzuli, Xaçmaz, Cəlilabad rayonlarının bir sıra yaşayış məntəqələrinə yeni adlar verilməsi və inzibati ərazi bölgüsündə qismən dəyişiklik edilməsi haqqında Azərbaycan Respublikası Ali Sovetinin Milli Şurasının qərarı. Bakı şəhəri, 29 aprel 1992-ci il. № 112.
  3. Bakı Şəhər Statistika İdarəsi: Statistikanın bölmələri: Demoqrafik göstəricilər: Bakı şəhərinin rayonları və qəsəbələri üzrə əhalinin sayı
  4. Azərbaycan Respublikasının Dövlət Statistika Komitəsi: 2013-cü ilin əvvəlinə iqtisadi və inzibati rayonlar, eləcə də şəhər yaşayış məntəqələri üzrə əhalinin cins bölgüsündə sayı (min nəfər)
  5. Sabunçu rayon İcra Hakimiyyəti: Rayon haqqında - Əhalisi, yoxlanılıb: 9 may 2014-cü il.

Xarici keçidlər[redaktə | əsas redaktə]

Vikianbarda Sabunçu rayonu ilə əlaqəli mediafayllar var.