Eldar Mahmudov

Vikipediya, azad ensiklopediya
Jump to navigation Jump to search
Eldar Mahmudov
Eldar Mahmudov.jpeg
bayraqAzərbaycan Respublikasının Milli Təhlükəsizlik naziribayraq
23 iyul 2004 — 17 oktyabr 2015
Sələfi Namiq Abbasov
Xələfi Vəzifə ləğv edilib
Şəxsi məlumatlar
Doğum tarixi 28 noyabr 1956(1956-11-28) (65 yaş)
Doğum yeri
Təhsili
Atası Əhməd Mahmudov
Uşağı 3
Hərbi xidmət
Rütbəsi Azərbaycan Silahlı Qüvvələrinin Quru Qoşunlarının general-polkovniki.png General-polkovnik

Təltifləri "Azərbaycan Bayrağı" ordeni
Vikianbarın loqosu Vikianbarda əlaqəli mediafayllar

Eldar Əhməd oğlu Mahmudov (28 noyabr 1956, Bakı) — Azərbaycan Respublikasının Milli Təhlükəsizlik naziriAzərbaycan Respublikası Əsir və İtkin düşmüş, girov götürülmüş vətəndaşlarla əlaqədar Dövlət Komissiyasının sədri (2004–2015), general-polkovnik, Bakı 2017 IV İslam Həmrəyliyi Oyunları Təşkilat Komitəsinin keçmiş üzvü[1], Azərbaycan Respublikasının Prezidenti yanında Dövlət Sirrinin Mühafizəsi üzrə İdarələrarası Komissiyanın üzvü[2], Bakı 2015 I Avropa Oyunları Təşkilat Komitəsinin üzvü[3], Asiya İnkişaf Bankı Rəhbərlər Şurasının 48-ci illik toplantısının Bakı şəhərində keçirilməsi ilə bağlı yaranmış Təşkilat Komitəsinin üzvü[4]. Adı MTN sistemində yaratdığı genişmiqyaslı cinayət və korrupsiya əməllərində hallandırılmışdır[5][6]. Bunun nəticəsində Eldar Mahmudov Azərbaycan Respublikası Prezidentinin 17 oktyabr 2015-ci il tarixli Sərəncamı ilə milli təhlükəsizlik naziri vəzifəsindən azad edilmişdir[7].

Həyatı[redaktə | mənbəni redaktə et]

Eldar Mahmudov 1956-cı ildə Bakı şəhərində alim ailəsində anadan olmuşdur. Ata nəsli əslən Naxçıvan Muxtar Respublikasının Kəngərli rayonunun Şahtaxtı kəndindəndir.[8] 1978-ci ildə Dadaş Bünyadzadə adına Xalq Təsərrüfatı İnstitutunun maliyyə-kredit, 1993-cü ildə isə Bakı Dövlət Universitetinin hüquq fakültəsini bitirmişdir. SSRİ Silahlı Qüvvələrinin sıralarında müddətli həqiqi hərbi xidmət keçmişdir.

1980–2004-cü illərdə daxili işlər orqanlarında xidmət etmişdir. Bu dövrdə mütəşəkkil cinayətkarlıqla mübarizə, cinayət-axtarış strukturlarında çalışmışdır.

1993-cü ildə Azərbaycan Respublikası Daxili İşlər Nazirliyinin Narkotiklərlə Mübarizə İdarəsində şöbə rəisi vəzifəsinə təyin edilmiş, bir müddətdən sonra həmin idarənin rəis müavini vəzifəsinə irəli çəkilmişdir.

1993–2003-cü illərdə Sovet dönəminin ən korrupsiyalaşmış orqanlardan biri hesab olunan "OBXSS"-in[9][10][11] varisi olan İqtisadi Cinayətkarlıqla Mübarizə İdarəsinin və İqtisadi sahədə Əməliyyat-Əlaqələndirmə Bürosunun rəisi vəzifələrində işləmişdir. 2004-cü ilin əvvəlindən isə Narkotiklərlə Mübarizə Baş İdarəsinin rəisi vəzifəsinə təyin edilmişdir.

Mötəbər beynəlxalq qurumların işində, o cümlədən dünyanın bir çox ölkələrində korrupsiyaya, terrorizmə, insan alverinə, narkotiklərin qanunsuz dövriyyəsinə qarşı mübarizə məsələlərinə həsr olunmuş konfranslarda, seminarlarda Azərbaycan Respublikasını təmsil etmişdir. Çoxsaylı beynəlxalq hüquqi sənədlərin, o cümlədən Korrupsiya ilə mübarizə haqqında BMT Konvensiyasının hazırlanmasında bilavasitə iştirak etmişdir.

Azərbaycan Respublikası Prezidenti İlham Əliyevin 23 iyul 2004-cü il tarixli 320 nömrəli sərəncamı ilə Azərbaycan Respublikasının Milli Təhlükəsizlik naziri təyin olunmuş və general-mayor hərbi rütbəsi verilmişdir. Bir çox ekspert və mətbuat mənbələri qeyd edir ki, təhlükəsizlik orqanlarında fəaliyyət təcrübəsi olmayan Eldar Mahmudov Milli Təhlükəsizlik nazirliyini faktiki olaraq İqtisadi Cinayətkarlıqla Mübarizə İdarəsinə çevirmişdir[12][13][14] .

Azərbaycan Respublikası Prezidentinin 16 mart 2005-ci il tarixli sərəncamı ilə general-leytenant[15], 27 mart 2014-cü il tarixli sərəncamı ilə isə general-polkovnik ali hərbi rütbəsi verilmişdir.[16]

Azərbaycan Respublikası Prezidentinin 17 oktyabr 2015-ci il tarixli sərəncamı ilə Azərbaycan Respublikasının milli təhlükəsizlik naziri vəzifəsindən azad edilmişdir.[17]

MTN işi və korrupsiya ittihamları[redaktə | mənbəni redaktə et]

Eldar Mahmudov vəzifəsindən çıxarılmasnda dərhal sonra MTN-nin aparıcı Baş İdarə rəisləri olmaqla Nazirliyin bir qrup generalları və zabitləri cinayət məsuliyyətinə cəlb edilmişdirlər[18]. Eldar Mahmudovun bilavasitə rəhbərliyi altında işləmiş bu yüksək rütbəli zabitlər 2016–2019-cu illərdə keçirilən "MTN işi" kimi tanınan məhkəmə prosesi nəticəsində Azərbaycan Respublikasının Cinayət Məcəlləsinin bir sıra maddələri üzrə ittiham olunaraq 3 ildən 14 il müddətinə qədər azadlıqdan məhrum edilmişdirlər[19][20][21][22][23].

Zərərçəkənlərin və ittiham olunanların ifadələri, həmçinin sözügedən MTN generallarının qanusuz əməlləri ilə bağlı məhkəmədə üzə çıxan çoxsaylı faktlar[24][25][26] MTN-də çoxşahəli korrupsiya sisteminin birbaşa Eldar Mahmudov tərəfindən yaradılması və bu sistem vasitəsilə onun külli miqdarda qeyri qanuni sərvət əldə etdiyinə işarə edir[27][28][29]. Belə ki, sahibkarlıqla məşqul olan Bakı şəhər sakini Tufan Aydın oğlu İbadovun sözlərinə görə "2004-cü ildən 2015-ci ilə kimi onun təşkil etdiyi kriminal qrup mənim 500 min manata qədər pulumu reketlik yolu ilə əlimdən alıb. Bu qrupa rəhbərlik edən MTN-in yüksək çinli məmurları, şəxsən Eldar Mahmudov olub".

Geniş şəkildə mətbuatda işıqlandırılan məhkəmə zamanı, MTN əməkdaşları tərəfindən sistemli şəkildə reket, şantaj və qanunsuz həbslər yolu ilə sahibkarlardan külli miqdarda maliyyə vəsaitləri, əmlaklar və biznes obyektləri mənimsənilməsi ilə bağlı çoxsaylı faktlar aşkar olunmuşdur[30][31][32][33][34].

Eldar Mahmudovun tapşırığı əsasında Sədərək və Binə Ticarət Mərkəzində ticarətlə məşğul olan 6 şəxs qanunsuz həbs edilmişdir, hər birindən 50–100 min manat məbləğində pul alındıqdan sonra onlar azadlığa buraxılıblar.[31] Həmin ticarət mərkəzində payı olmuş və dəyəri 20 milyon manata yaxın olan "Karvansara" MMC-nin sahibi Elşən Kərəm oğlunun ifadəsində qeyd olunur ki 2012-ci ilin əvvəllərində MTN generalı Nizaməddin Həmidov MMC-yə məxsus dükanları Eldar Mahmudov üçün tələb etmişdir. "Başımıza açmadıqları oyun qalmadı. Yalançı borc yaratdılar" — deyən Elşən Kərəm oğlu nəticədə 40 mağazanın Eldar Mahmudovun adamlarının adına rəsmiləşdirərək təhvil verməyə məcbur edildiyini qeyd etmişdir.

Bir çox hallarda MTN-nin sahibkarlara göstərdiyi təzyiq və repressiyalar nəticəsində sahibkarlar külli miqdarda rüşvəti birabaşa Eldar Mahmudovun köməkçisi və eyni zamanda, onun əmisi oğlu Vüqar Mahmudov vasitəsilə çatdırıdılar[35][36].

Qeyri-qanuni yollarla əldə edilən "çirkli pulların" yuyulması məqsədilə Eldar Mahmudovun himayəsilə Bakıda yaradılan lombardlar şəbəkəsi vasitəsilə 4 mindən artıq vətəndaşın əmlakı Eldar Mahmudovun biznes şəbəkəsi tərəfindən mənimsənilmişdir[37].

MTN işində işgəncə halları[redaktə | mənbəni redaktə et]

Məhkəmə-istintaq materiallarından məlum olmuşdur ki, MTN-də girov saxlanılan sahibkarlar amansız işgəncələrə məruz qalaraq təkcə külli miqdarda vəsaitlərin verilməsilə yox, eyni zamanda qurduğu bizneslərinin MTN rəhbərliyinin təyin etdiyi adamların adına keçirilməsi məcburiyyətində qalırdılar[38][39][40]. MTN-də vətəndaşlara verilən işgəncələr ölümlə nəticələndiyi də qeyd olunur[41].

FETO ilə əlaqələr[redaktə | mənbəni redaktə et]

Təhlükəsizlik məsələləri üzrə ekspert, istefada olan polkovnik-leytenant İlham İsmayıl bildirib ki, keçmiş MTN-in cinayətkar qruplaşması öz biznes şəbəkəsinin gücləndirilməsi məqsədilə FETO ilə əlaqələr qurmuşdur. Ekspertin fikrincə MTN-nin "Hətta radikal islamçılardan tutmuş Suriyaya gedənlərə qədər maddi marağı olub. O dövrdə nurçular, indiki gülənçilərlə bağlı olan adamlar ilə əlaqədar məsələləri biznesə çeviriblər"[42].

Eldar Mahmudovun FETO ilə sıx əlaqələrinin olması Türkiyə mətbuatında da vurğulanmışdır. Türkiyənin "Ak gazete" nəşri Eldar Mahmudovun FETO ilə əməkdaşlığına dair dərc etdiyi məqalədə çoxsaylı faktlara əsaslanaraq FETÖ-nun rüşvət metodu vasitəsilə sabiq naziri ələ alındığı qeyd olunur. Mahmudovun xarici bank hesablarına ildə 1 milyon dollar ödənilməsi müqabilində MTN gülənçilərin Azərbaycanda fəaliyyətinə şərait yaratmış, onları ifşadan qorumuş və ən önəmlisi, bu qrupun düşmənlərini sıradan çıxarmışdır[43].

FETO ilə əməkdaşlığın nümunəsi kimi Gülən hərəkatına məxsus Naxçıvanda fəaliyyət göstərən Şərur Türk Liseyinə Eldar Mahmudovun atası Əhməd Mahmudovun adının verilməsi və bu təhsil ocağının önündə Ə. Mahmudovun büstünun inşa etdirilməsini mətbuatda qeyd edilir. Nəticədə MTN-in sabiq rəhbəri 2006-cı ildən sonra "nurçulara" qarşı geniş mübarizədən dəm vursa da, 10 ilə yaxın bir müddətdə "camaat"a məxsus şirkətlərə və ya nümayəndələrinə qarşı əməliyyat keçirməyib, tam əksinə, onlara maneə olanları "təmizləyib"[44].

Dövlət çevrilişinə cəhd[redaktə | mənbəni redaktə et]

Mediada yayılan məlumatlara əsasən Eldar Mahmudovun qanunsuz yolla böyük pulların əldə edilməsi, eləcə də onun nüfuz dairəsinin genişləndirilməsində son məqsəd Azərbaycanda siyasi hakimiyyətin ələ keçirilməsiydi[45][46][47]. Bununla əlaqədar bir sıra politiloq və siyasətçi E. Mahmudovun göstərişi ilə MTN tərəfindən yüksək səviyyəli dövlət məmurları, siyasi və dini xadimlər, Silahlı qüvvələrin yüksək rütbəli zabitləri haqqında ifşaedici məlumatların toplanmasını, həmçinin MTN başçısı tərəfindən dövlətin mühüm qurumlarına öz adamlarını yerləşdirməsini xüsusi vurğulamışdırlar[48].

Eldar Mahmudov geniş miqyaslı şəbəkəsindən istifadə edərək 2015-ci ilin sonunda İlham Əliyevin xarici səfərindən istifadə edərək dövlət çevrilişini planlayırdı[45][49].

Məhz 2015-ci ildə Eldar Mahmudovun mövqeləri Beynəlxalq bank qalmaqalı ilə əlaqədar zəifləmişdir və onun Beynəlxalq Bankda kütləvi yeyintilərlə bağlılığı aşkarlanmışdır[50][51][52]. Mətbuatda səslənən məlumatlara əsasən məhz Eldar Mahmudovun xüsusi əməliyyat nəticəsində işdən azad edilməsi dövlət çevrilişinə cəhdinin qarşısını almışdır[53][47].

Təhlükəsizlik sisteminə təsiri[redaktə | mənbəni redaktə et]

Eldar Mahmudov işdən azad olmasından dərhal sonra 14 dekabr 2015-ci il tarixində Azərbaycan Respublikası Prezidentinin sərəncamı ilə MTN buraxılmışdı[54]. Ekspertlər bunu Eldar Mahmudovun rəhbərliyi nəticəsində MTN-nin islaholunmaz hala gətirilməsi ilə əsaslandırmışdırlar. Şərq-Qərb Araşdırmalar Mərkəzinin rəhbəri, keçmiş təhlükəsizlik zabiti Ərəstun Oruclunun fikrincə Eldar Mahmudovun əməlləri dövlət təhlükəsizliyini ciddi zərbə altına salırdı. Nazir olduğu müddətdə Eldar Mahmudov və onun əsasən polis orqanlarından gətirilmiş komandası yüzlərlə peşəkar MTN əməkdaşını təhlükəsizlik orqanlarından kənarlaşdırdı, onların yerinə isə polis orqanlarından gətirilmiş, tapşırıqla, xahişlə və digər vasitələrlə işə qəbul olunmuş yeni əməkdaşlar ordusunu yaratdı. Belə praktika milli təhlükəsizlik orqanlarının peşəkarlıq və mənəvi səviyyəsinin sürətlə aşağı düşməsinə gətirib çıxardı[55]. Nəticədə Azərbaycan Respublikasının Prezidenti İlham Əliyevin 14 dekabr 2015-ci il 706 nömrəli fərmanı ilə Azərbaycan Respublikası Milli Təhlükəsizlik Nazirliyinin əsasında Azərbaycan Respublikasının Dövlət Təhlükəsizliyi Xidməti və Azərbaycan Respublikasının Xarici Kəşfiyyat Xidməti yaradıldı[54].

Mükafatları[redaktə | mənbəni redaktə et]

  • 2005: "Azərbaycan bayrağı" ordeni[56]
  • 2009: "Böyük zabit" ordeni[57].
  • 2015: "Dədə Qorqud" Milli Fondu və "Azərbaycan Dünyası" beynəlxalq jurnalı tərəfindən "Vətən Övladı" qızıl ordeni.[58]

Ailəsi[redaktə | mənbəni redaktə et]

Ailəlidir, 3 övladı var. Oğlu Anar Mahmudov Londonda yaşayır. Atasının MTN rəhbəri olduğu dövrdə o sonuncu əldə etdiyi çirkli pulların yuyulması məqsədilə, Londonda, digər Avropa ölkələrində və Azərbaycanda bir sıra şirkətlər təsis etmiş, çoxlu sayda daşınmaz əmlaklar əldə etmişdir. A. Mahmudova məxsus şirkət və əmlaklar sırasında "Altes Plaza" biznes mərkəzinin 20, 21, 22 və 23-cü mərtəbələri, "Caspian Crystal Holding" də birləşən bir qrup şirkət, yüz hektarlarla torpaq sahəsi[59], Londonun bahalı Sent-Ceyms məhəlləsində 30 milyon funt-sterlinqə alınmış 8 otaqlı dəbdəbəli mənzil daxildir[60][61]. Ərəstun Oruclunun araşdırmalarına əsasən Mahmudovlar ailəsi İspaniya və Çexiya daxil olmaqla Avropada ümumilikdə yarım milyard dollarlıq mülklərin sahibidir[62].

A. Mahmudov, Londonda təsis etdiyi "MEA Capital Limited", eləcə də direktor olduğu "Elmaha Investment Limited" ofşor şirkətli vasitəsilə, əsas səhmlərini aldığı "8–10 Dover Street Limited" (və onun törəməsi "Mnky Hse Limited"), "Percy Ho Limited" şirkətləri vasitəsilə atasının kriminal və korrupsiya yolu ilə əldə etdiyi kapitalın leqallaşdırılması ilə məşquldur. Eyni zamanda Türkiyədəki "Deha Gömlek Üretim Sanayi ve Ticaret Limited" və "Sinalco Gayrimenkul ve Danışmanlık Hizmetleri A. Ş", İspaniyadakı "22 Vaquer De Bendinat S. L.", "Son Sana Portals S. L.", "Macent Invest Group SL" və "Majorca Capas Group İnvestment SL", Lüksemburqdakı "Utilicom" və "Konoco. M" şirkətləri də Anar Mahmudovun nəzarətindədir[63].

Eldar Mahmudov tərəfindən sahibkarlardan qanusuz şəkildə alınan iri biznes qurumları və digər əmlaklar da bir çox hallarda Anar Mahmudovun adına keçirilirdi. Belə ki, Eldar Mahmudovun yaxın qohumlarının müşayiəti ilə Bakıdakı notariuslardan birinə gətirilən S. Hümbətova məxsus "CATEL" şirkətini Anar Mahmudovun adına keçirldiyi qeyd edilir. "S. Hümbətova məxsus, 100–150 min manat dəyərində olan iki ədəd "Mercedes"ə də Anar Mahmudovun xeyrinə əl qoyuldu"[64].

Professor Əhməd Mahmudovun oğludur.

İstinadlar[redaktə | mənbəni redaktə et]

  1. "IV İslam Həmrəyliyi Oyunlarının 2017-ci ildə Bakı şəhərində keçirilməsi üzrə Təşkilat Komitəsinin yaradılması haqqında Azərbaycan Respublikası Prezidentinin Sərəncamı". 2021-09-22 tarixində arxivləşdirilib. İstifadə tarixi: 2016-02-10.
  2. ""Azərbaycan Respublikasının Prezidenti yanında Dövlət Sirrinin Mühafizəsi üzrə İdarələrarası Komissiya haqqında Əsasnamənin təsdiq edilməsi və Azərbaycan Respublikasının Prezidenti yanında Dövlət Sirrinin Mühafizəsi üzrə İdarələrarası Komissiyanın tərkibi barədə" Azərbaycan Respublikası Prezidentinin 1999-cu il 9 dekabr tarixli 224 nömrəli Fərmanında dəyişiklik edilməsi haqqında Azərbaycan Respublikası Prezidentinin Fərmanı". 2021-09-22 tarixində arxivləşdirilib. İstifadə tarixi: 2016-02-10.
  3. "I Avropa Oyunlarının 2015-ci ildə Bakı şəhərində keçirilməsi üzrə Təşkilat Komitəsinin yaradılması haqqında Azərbaycan Respublikası Prezidentinin Sərəncamı". 2021-09-22 tarixində arxivləşdirilib. İstifadə tarixi: 2016-02-10.
  4. "Asiya İnkişaf Bankının Rəhbərlər Şurasının 48-ci illik toplantısının Bakı şəhərində keçirilməsi ilə bağlı Təşkilat Komitəsinin yaradılması haqqında Azərbaycan Respublikası Prezidentinin Sərəncamı". 2021-09-22 tarixində arxivləşdirilib. İstifadə tarixi: 2016-02-10.
  5. "Arxivlənmiş surət". 2021-10-17 tarixində arxivləşdirilib. İstifadə tarixi: 2020-09-14.
  6. "Arxivlənmiş surət". 2021-09-23 tarixində arxivləşdirilib. İstifadə tarixi: 2020-09-14.
  7. "Arxivlənmiş surət". 2021-09-22 tarixində arxivləşdirilib. İstifadə tarixi: 2020-09-14.
  8. "Eldar Mahmudov haralıdır: naxçıvanlı, yoxsa qazaxlı ? — Maraqlı açıqlamalar" (az.). qaynar.info. 2015-11-17. 2016-01-30 tarixində arxivləşdirilib. İstifadə tarixi: 2016-01-30.
  9. https://topwar.ru/161193-chego-to-hochetsja-to-li-sevrjuzhiny-s-hrenom-to-li-sssr.html
  10. "Arxivlənmiş surət". 2019-11-27 tarixində arxivləşdirilib. İstifadə tarixi: 2020-03-11.
  11. https://www.bagira.guru/ussr/korruptsiya-v-sssr.html, 95 — https://diletant.media/articles/45271216/
  12. "Arxivlənmiş surət". 2022-07-09 tarixində arxivləşdirilib. İstifadə tarixi: 2020-03-11.
  13. "Arxivlənmiş surət". 2021-11-23 tarixində arxivləşdirilib. İstifadə tarixi: 2020-03-11.
  14. "Arxivlənmiş surət". 2020-06-14 tarixində arxivləşdirilib. İstifadə tarixi: 2020-03-11.
  15. "Eldar Əhməd oğlu Mahmudova general-leytenant hərbi rütbəsinin verilməsi haqqında Azərbaycan Respublikası Prezidentinin 16 mart 2005-ci il tarixli Sərəncamı". 2012-11-09 tarixində orijinalından arxivləşdirilib. İstifadə tarixi: 2012-12-01.
  16. "E.Ə.Mahmudova general-polkovnik ali hərbi rütbəsinin verilməsi haqqında Azərbaycan Respublikası Prezidentinin 27 mart 2014-cü il tarixli Sərəncamı" (az.). president.az. 27 mart 2014, 10:00. 2021-09-22 tarixində arxivləşdirilib. İstifadə tarixi: 2014-03-27.
  17. "E. Ə. Mahmudovun Azərbaycan Respublikasının milli təhlükəsizlik naziri vəzifəsindən azad edilməsi haqqında Azərbaycan Respublikası Prezidentinin Sərəncamı". 2021-09-22 tarixində arxivləşdirilib. İstifadə tarixi: 2016-02-10.
  18. https://sonxeber.az/13861/mtn-isinde-hebs-olunanlarin-tam-siyahisi Arxivləşdirilib 2018-09-02 at the Wayback Machine,
  19. "Keçmiş MTN generallarına hökm oxunub — SİYAHI — YENİLƏNİB-4". 2021-09-21 tarixində arxivləşdirilib. İstifadə tarixi: 2020-09-14.
  20. "MTN generalına hökm oxundu — VİDEO". 2021-09-23 tarixində arxivləşdirilib. İstifadə tarixi: 2020-09-14.
  21. "Çovdarov və keçmiş MTN-çilərə hökm oxundu –Əmlak müsadirə olundu, general rütbəsi də alınacaq + Cəzalar". 2021-04-15 tarixində arxivləşdirilib. İstifadə tarixi: 2020-09-14.
  22. "Ləğv edilmiş MTN-nin generalları ilə bağlı məhkəmə davam etdirilib". 2020-10-22 tarixində arxivləşdirilib. İstifadə tarixi: 2020-09-14.
  23. "Eldar Mahmudovun əmisi oğlu məhkəmə zalından azadlığa buraxıldı". 2021-08-05 tarixində arxivləşdirilib. İstifadə tarixi: 2020-09-14.
  24. Generalın ifadəsi Eldar Mahmudovun həbsi üçün əsasdır
  25. "Sahibkar Eldar Mahmudovun adamlarının gizli planını açdı". 2021-09-19 tarixində arxivləşdirilib. İstifadə tarixi: 2020-09-14.
  26. "Mənim torpağımda Eldar Mahmudova villa tikiblər, 5 milyon ziyandayam". 2021-05-16 tarixində arxivləşdirilib. İstifadə tarixi: 2020-09-14.
  27. [1] [ölü keçid]
  28. "Corruption, censorship and a deep packet inspection vendor". 2021-12-08 tarixində arxivləşdirilib. İstifadə tarixi: 2021-12-08.
  29. "Arxivlənmiş surət". 2021-10-22 tarixində arxivləşdirilib. İstifadə tarixi: 2020-09-14.
  30. Sahibkar Tufan İbadov: "Eldar Mahmudovun dəstəsi oğlumu oğurlamağa cəhd etdi"
  31. 1 2 "Eldar Mahmudov haqqında tükürpədici faktlar". 2021-09-28 tarixində arxivləşdirilib. İstifadə tarixi: 2020-09-14.
  32. "Arxivlənmiş surət". 2017-01-02 tarixində orijinalından arxivləşdirilib. İstifadə tarixi: 2020-03-11.
  33. ""MTN işi": Akif Çovdarov məni MTN-də döydü". 2017-02-02 tarixində arxivləşdirilib. İstifadə tarixi: 2020-09-14.
  34. MTN işi: Bir keçiyə görə 500 min alıb, "cənaba" çatdıran müstəntiqin halı yaxşı deyil
  35. "Eldar Mahmudovun əmisi oğlunun məhkəməsində yenidən uzun fasilə verildi". 2021-12-08 tarixində arxivləşdirilib. İstifadə tarixi: 2020-09-14.
  36. ELDAR MAHMUDOVUN HƏBS EDILƏN ƏMISI OĞLU KIMDIR? [ölü keçid]
  37. "Eldar Mahmudovun lombard biznesinin 4 min girovu". 2021-09-27 tarixində arxivləşdirilib. İstifadə tarixi: 2020-09-14.
  38. ""MTN işi": Akif Çovdarov məni MTN-də döydü". 2017-02-02 tarixində arxivləşdirilib. İstifadə tarixi: 2020-09-14.
  39. "Hilal Əsədovun ifadəsi yayıldı: "Eldar Mahmudov dedi ki…" – FOTOLAR". 2021-09-20 tarixində arxivləşdirilib. İstifadə tarixi: 2020-09-14.
  40. "Eldar Mahmudov intim vidoçəkilişləri nə edirmiş?". 2021-09-25 tarixində arxivləşdirilib. İstifadə tarixi: 2020-09-14.
  41. "Novruzəli Məmmədova MTN-də hansı işgəncələr verilib?". 2021-04-23 tarixində arxivləşdirilib. İstifadə tarixi: 2020-09-14.
  42. "Eldar Mahmudov FETÖ-çülər üzərindən biznes qurub" — İDDİA [ölü keçid]
  43. ""FETÖ Eldar Mahmudova ildə 1 milyon köçürürmüş" — Türkiyə KİV". 2021-09-19 tarixində arxivləşdirilib. İstifadə tarixi: 2020-09-14.
  44. [2] [ölü keçid]
  45. 1 2 "Eldar Mahmudov hərbi çevriliş hazırlayırdı". 2021-09-27 tarixində arxivləşdirilib. İstifadə tarixi: 2020-09-14.
  46. Eldar Mahmudovun çevriliş planı niyə baş tutmadı?
  47. 1 2 Eldar Mahmudovun daha bir xəyanət PLANI — Dövlət çevrilişi hazırlayırmış [ölü keçid]
  48. "Arxivlənmiş surət". 2016-07-17 tarixində orijinalından arxivləşdirilib. İstifadə tarixi: 2020-04-19.
  49. "Azərbaycanda Antiterrorizm Mərkəzinin rəhbəri həbs olundu". 2021-10-28 tarixində arxivləşdirilib. İstifadə tarixi: 2020-09-14.
  50. Mətbuat icmalı: MTN rəhbərinin işdən çıxarılması müzakirə olunur
  51. "Eldar Mahmudovun əməlləri nəticəsində Beynəlxalq Bank bu vəziyyətə gəlib" — ZAHİD ORUC
  52. "Mahmudovun "kölgə kabineti" — Orada kim var?". 2021-09-28 tarixində arxivləşdirilib. İstifadə tarixi: 2020-09-14.
  53. "Eldar Mahmudovla bağlı şok ittiham: "dövlət çevrilişinə cəhd"". 2021-12-08 tarixində arxivləşdirilib. İstifadə tarixi: 2020-09-14.
  54. 1 2 "Azərbaycan Respublikasının Dövlət Təhlükəsizliyi Xidmətinin və Azərbaycan Respublikasının Xarici Kəşfiyyat Xidmətinin yaradılması haqqında". 2022-03-21 tarixində arxivləşdirilib. İstifadə tarixi: 2020-09-14.
  55. "Eldar Mahmudov ölkənin milli təhlükəsizlik sisteminə çox ağır zərbə vurdu"- Ərəsun Oruclu
  56. Azərbaycan Respublikası Milli Təhlükəsizlik Nazirliyinin bir qrup əməkdaşının təltif edilməsi haqqında Azərbaycan Respublikası Prezidentinin Sərəncamı
  57. "Polşa Prezudentinin Azərbaycanın hansı vəzifəli şəxslərini təltif etdiyi dəqiqləşdirildi". 2012-07-13 tarixində orijinalından arxivləşdirilib. İstifadə tarixi: 2009-10-19.
  58. Eldar Mahmudova "Vətən Övladı" qızıl ordeni verildi [ölü keçid]
  59. "Arxivlənmiş surət". 2021-09-21 tarixində arxivləşdirilib. İstifadə tarixi: 2020-03-11.
  60. "Arxivlənmiş surət". 2015-12-11 tarixində arxivləşdirilib. İstifadə tarixi: 2020-03-11.
  61. "Arxivlənmiş surət". 2021-09-23 tarixində arxivləşdirilib. İstifadə tarixi: 2020-03-11.
  62. "Arxivlənmiş surət". 2016-01-16 tarixində arxivləşdirilib. İstifadə tarixi: 2020-03-11.
  63. "Arxivlənmiş surət". 2021-09-28 tarixində arxivləşdirilib. İstifadə tarixi: 2020-03-11.
  64. https://www.interpress.az/3banner/24235-eldar-mahmudov-catel-irktin-nec-sahiblnib-vdeo.html#.XkSdsjFKiM8[ölü keçid]

Xarici keçidlər[redaktə | mənbəni redaktə et]