"Azərbaycan Bayrağı" ordeni

Vikipediya, açıq ensiklopediya
Keçid et: naviqasiya, axtar
"Azərbaycan Bayrağı" ordeni
Azərbaycan Bayrağı ordeni-lent.png Azərbaycan Bayrağı ordeni.png
Ölкə Flag of Azerbaijan.svg Azərbaycan
Tip orden
Kimə verilir
Orden Azərbaycan Respublikasının vətəndaşlarına, əcnəbi vətəndaşlara və vətəndaşlığı olmayan şəxslərə aşağıdakılara görə verilir:

- Azərbaycan Respublikasında milli azadlıq hərəkatında və ictimai-siyasi fəaliyyətdə xüsusi xidmətlərinə görə;
- hərb elminin və hərbi texnikanın inkişafında xüsusi xidmətlərinə görə;
- Azərbaycan Respublikasının müstəqilliyinin və ərazi bütövlüyünün qorunub saxlanmasında xüsusi xidmətlərinə görə;
- respublikada əmin-amanlığın təmin edilməsində, asayişin qorunmasında və hərbi xidmətdə xüsusi xidmətlərinə görə;

- dövlət sərhədinin mühafizəsinin təmin edilməsində xüsusi xidmətlərinə görə.
Status təqdim olunur
Statistiкa
Parametrlər 27 mm x 47,5 mm
Təsis tarixi 6 dekabr 1993
Əvvəlki təltif "Şah İsmayıl" ordeni
Sonrakı təltif "Şöhrət" ordeni

"Azərbaycan Bayrağı" ordeniAzərbaycan Respublikasının ordeni.

Statutu[redaktə | əsas redaktə]

Azərbaycan Respublikasının "Azərbaycan Bayrağı" ordeni Azərbaycan Respublikasının vətəndaşlarına, əcnəbi vətəndaşlara və vətəndaşlığı olmayan şəxslərə aşağıdakılara görə verilir:

- Azərbaycan Respublikasında milli azadlıq hərəkatında və ictimai-siyasi fəaliyyətdə xüsusi xidmətlərinə görə;
- hərb elminin və hərbi texnikanın inkişafında xüsusi xidmətlərinə görə;
- Azərbaycan Respublikasının müstəqilliyinin və ərazi bütövlüyünün qorunub saxlanmasında xüsusi xidmətlərinə görə;
- respublikada əmin-amanlığın təmin edilməsində, asayişin qorunmasında və hərbi xidmətdə xüsusi xidmətlərinə görə;
- dövlət sərhədinin mühafizəsinin təmin edilməsində xüsusi xidmətlərinə görə.

"Azərbaycan Bayrağı" ordeni döşün sol tərəfinə, Azərbaycan Respublikasının digər orden və medalları olduqda "Şah İsmayıl" ordenindən sonra taxılır.

Təsviri[redaktə | əsas redaktə]

"Azərbaycan Bayrağı" ordeni iki, bir-birinin üzərinə qoyulmuş, biri digərinə nisbətən ox ətrafında dönmüş, qabarit ölçüsü 35 mm səkkizguşəli ulduzdan ibarətdir, qızıl suyuna çəkilmiş gümüşdəndir, milli ornamentlə işlənmişdir, altındakı ulduz ağ, üstdəki ulduz isə göy mina ilə örtülmüşdür. Üstündəki ulduzun mərkəzində naxışla haşiyələnmiş sağanağın daxilində Azərbaycan Respublikasının Dövlət bayrağı təsvir olunmuş və öz rənglərinə uyğun mina ilə örtülmüşdür. Arxa tərəfi hamar səthlidir, ortasında "Azərbaycan Bayrağı" sözləri yazılmışdır, ondan aşağıda ordenin nömrəsi həkk olunmuşdur. Orden halqa və ilgək vasitəsilə paltara bərkidilmək üçün elementi olan, Azərbaycan Respublikasının Dövlət bayrağının rənglərinə uyğun zolaqlarla haşiyələnmiş 27 mm x 47,5 mm ölçülü beşguşəli ağ xara lentə birləşdirilir. Ordenə paltara bərkidilmək üçün elementi olan, üzərində alov simvolu təsvir edilən eyni xara lentdən hazırlanmış 27 mm x 9 mm ölçülü qəlibəlavə olunur.

"Azərbaycan Bayrağı" ordeni poçt markası üzərində[redaktə | əsas redaktə]

2011-ci ildə buraxılmış poçt markası

2011-ci ilin sentyabr ayının 5-də Bakı şəhərində Azərbaycan Respublikası Rabitə və İnformasiya Texnologiyaları Nazirliyinin "Azərmarka" şirkəti tərəfindən Azərbaycan ordenlərinə həsr olunmuş yeni poçt markaları təqdim edilmişdir. Qiyməti 60 qəpik, tirajı isə 5000 ədəd olan həmin markalardan biri "Azərbaycan Bayrağı" ordeninə həsr olunmuşdur[1][2].

Təltif edilənlər[redaktə | əsas redaktə]

İstinadlar[redaktə | əsas redaktə]

  1. Yeni markalar çap olunub. ictnews.az  (azərb.)
  2. 05.09.2011. Azərbaycan Respublikasının Ordenləri. azermarka.az  (azərb.)

Mənbə[redaktə | əsas redaktə]

  • "Azərbaycan Respublikasının "Azərbaycan Bayrağı" ordeninin Statutu", Azərbaycan Respublikasının 1993-cü il 6 dekabr tarixli 756 saylı Qanunu
  • "Azərbaycan Respublikasının "Azərbaycan Bayrağı" ordeninin Təsviri", Azərbaycan Respublikasının 1998-ci il 6 fevral tarixli 429-IQD saylı Qanunu

Xarici keçidlər[redaktə | əsas redaktə]

Həmçinin bax[redaktə | əsas redaktə]