Azərbaycan Respublikasının Dövlət Mükafatı

Vikipediya, azad ensiklopediya
Jump to navigation Jump to search
Azərbaycan Respublikasının Dövlət Mükafatı
State Award of the Republic of Azerbaijan.png
Mükafat laureatının döş nişanı

Ölkə Azərbaycan Azərbaycan
Tip mükafat
Təqdim edir Dövlət Mükafatları Komissiyasının təklifinə əsasən Azərbaycan Respublikasının Prezidenti
Status verilir
Statistika
Təsis tarixi 8 fevral 2010
Birinci təltif 26 may 2010
Son təltif 22 may 2020
Ardıcıllıq
Müvafiqdir

Azərbaycan Respublikasının Dövlət MükafatıAzərbaycan Respublikasının ən yüksək dövlət mükafatı.

Haqqında[redaktə | əsas redaktə]

Azərbaycan Respublikasının Dövlət Mükafatı Laureatının fəxri döş nişanı medal və qəlibdən ibarətdir (eskiz əlavə olunur). Qızıldan hazırlanan dairəvi formalı medalın diametri 27 mm, qalınlığı isə 3 mm-dir. Medalın üz tərəfində alov simvolu və dəfnə budağı təsvir olunur. Medalın arxa tərəfinin yuxarı qövsü boyunca "AZƏRBAYCAN RESPUBLİKASININ" sözləri, üzərində "DÖVLƏT MÜKAFATI LAUREATI" sözləri, aşağı hissəsində isə medalın nömrəsi həkk edilir.Təsvirlər və yazılar qabarıq formada olur.Medal kiçik halqa vasitəsilə qəlibə birləşdirilir..[1] Aşağı hissəsi yarımdairə şəklində olan qəlibin eni (mərkəzi hissədə) 15 mm, uzunluğu isə 27 mm-dir. Qəlibin üz tərəfi Azərbaycan Respublikasının Dövlət bayrağına uyğun, üçrəngli xaradan olan lentlə örtülür. Medal qəlibin arxa hissəsindəki xüsusi elementlə geyimə bərkidilir.[1]

Mükafat Azərbaycan Respublikasının vətəndaşı olan müəlliflərə elm, texnika, memarlıq, mədəniyyət və ədəbiyyat üzrə inkişafına mühüm töhfələr təşkil edən əsərlərə, fundamental və tətbiqi elmi araşdırmalara, dövlətçilik, iqtisadi inkişaf və digər sahələrdəki elmi kəşflərə və ixtiralara, qabaqcıl sənaye-texniki təcrübənin tətbiqinə və nəzəri tədqiqatlara, habelə yeni material və mexanizmlərin yaradılmasına görə verilir.Mükafata layiq görülən şəxslərə pul vəsaiti ilə yanaşı, "Azərbaycan Respublikasının Dövlət Mükafatı laureatı"nın diplomu və fəxri döş nişanı təqdim edilir.

Azərbaycan Respublikası Dövlət Mükafatının son laureatları Elm üzrə Ramiz Məmmədov, Elbrus Əlizadə, Məhərrəm Həsənov və Zakir Eminova, ədəbiyyat üzrə Fikrət Qoca.

Azərbaycan Respublikası Dövlət Mükafatının təqdim olunan sahələri

  • Elm sahəsi üzrə
  • Texnika sahəsi üzrə
  • Memarlıq sahəsi üzrə
  • Ədəbiyyat sahəsi üzrə
Azərbaycan Respublikasının Dövlət Mükafatı Laureatının Diplomunun təsvir

İstinadlar[redaktə | əsas redaktə]