Mehriban Ələkbərzadə

Vikipediya, açıq ensiklopediya
Jump to navigation Jump to search
Mehriban Ələkbərzadə
Mehriban Ələkbərzadə.jpg
İlk adı Mehriban Zaur qızı Ələkbərzadə
Doğum tarixi 5 avqust 1965 (1965-08-05) (52 yaş)
Gəncə, Flag of the Azerbaijan Soviet Socialist Republic.svg Azərbaycan SSR
VətəndaşlıqFlag of the Soviet Union.svg SSRİFlag of Azerbaijan.svg Azərbaycan
Peşələrirejissor
ssenari müəllifi
Karyerası1988-ci ildən
MükafatlarıAzərbaycan Respublikasının Əməkdar incəsənət xadimi
IMDb:ID 3062495

Mehriban Zaur qızı Ələkbərzadə — Azərbaycan televiziya, teatr və kino rejissoru,[1] ssenari müəllifi, film direktoru, televiziya aparıcısı, Naxçıvan MR-nın əməkdar incəsənət xadimi (2003), Azərbaycan Respublikasının əməkdar incəsənət xadimi (2013), Azərbaycan Dövlət "Yuğ" Teatrının baş rejissoru (2017-ci ildən).

Həyatı[redaktə | əsas redaktə]

Mehriban Zaur qızı Ələkbərzadə 1965-ci ilin avqust ayının 5-də Gəncə şəhərində doğulub. Uşaq yaşlarından ailəsi Sumqayıt şəhərinə köçüb və o, buradakı 17 saylı orta məktəbi 1982-ci ildə bitirib. Bir il Sumqayıt Dövlət Dram Teatrında rejissor köməkçisi işləyib. 1983-cü ildə Mirzağa Əliyev adına Azərbaycan Dövlət İncəsənət İnstitutunun rejissorluq fakültəsinə daxil olub və 1988-ci ildə oranı bitirmişdir. Təyinatla Lənkəran Dövlət Dram Teatrına göndərilmişdir.

İxtisas təhsilini görkəmli rejissor Mehdi Məmmədovun kursunda alan Mehriban Ələkbərzadə hələ tələbəlik illərində institutun Tədris teatrında Tennessı Uilyamsın "Sökülən yurd", Eduard de Filipponun "Silindr", Dövlət televiziyasında Elçinin "Ömrün son səhəri" pyeslərini tamaşaya hazırlayıb. Elçinin bu əsəri televiziya tamaşası kimi də çəkilib.

1990-cı ildə Lənkərandan Bakıya qayıdandan sonra "Azərbaycanfilm" kinostudiyasında "Güzgü" qısametrajlı bədii filmini çəkmişdir.

1991-ci il yanvar ayının 28-də Akademik Milli Dram Teatrına rejissor köməkçisi ştatına işə götürülmüşdür. 1 aprel 1994-cü ildən isə həmin teatrda quruluşçu rejissordur.

1988-ci il iyunun 11-də Akademik Milli Dram Teatrının Kiçik səhnəsində Jan Pol Sartın "Dəfn edilməmiş ölülər" dramını tamaşaya hazırlayıb. Lənkəran Dövlət Dram Teatrında Şıxəli Qurbanovun "Sənsiz" (2 noyabr 1989), Bəxtiyar Vahabzadənin "Yağışdan sonra" (25 mart 1989), Stanislav Stratiyevin "Avtobus", ("Çarəsiz sərnişinlər". 24 aprel 1990)pyeslərinə quruluş verib. 1990-cı ildə Lənkərandan Bakıya qayıdandan sonra "Azərbaycanfılm" kinostudiyasında "Güzgü" qısametrajlı bədii filmini çəkib. Rejissor Mehriban Ələkbərzadə 1991-ci il yanvar ayının 28-də Akademik Milli Dram Teatrına rejissor köməkçisi ştatına işə götürülüb. 1 aprel 1994-cü ildən isə bu kollektivdə quruluşçu rejissordur. O, Akademik teatrda "Dəfn edilməmiş ölülər", "Min illərin işığı", "Müəmmalı bir gəlin üç versiyası", "Poçt şöbəsində xəyal", "Afət" və başqa tamaşalar hazırlamışdı.

Mehriban Ələkbərzadə Azərbaycan Dövlət Televiziyasında Nahid Hacızadənin "Yaşa, ey haqq!", Jan Koktonun "İnsan səsi", Marşa Normanın "Gecən xeyrə qalsın, ana", Mehriban Vəzirın "İlğım", Afaq Məsudun "Cəza" əsərlərini tamaşaya hazırlayıb.

"Space" televiziyasında özünün həm rejissoru, həm müəllif-aparıcısı olduğu "Dünən, bu gün, sabah, "Telebenefıs", "Fövqəl dünya və mən" bədii kompozisiyaları silsilə proqramlar arasında xüsusi yer tutur. Bu televiziya kanalında dörd seriyalı "Qırmızı Terror və ya Mircəfər Bağırov", "Azərbaycan xanlıqları" bədii-sənədli filmlərin rejissorudur. 2008-ci ilin əvvəllərində mətbuata açıqlamasında rejissor televiziya fəaliyyətinə son qoyduğunu bildirib.

AMEA-nın "Yeni tarix" şöbəsinin elmi işçisidir. 2017-ci ildə Azərbaycan Dövlət "Yuğ" Teatrının baş rejissoru vəzifəsinə təyin edilib.[2]

2003-cü ildə Naxçıvan MR-nın Əməkdar İncəsənət Xadimi fəxri adına layiq görülmüşdür. 25 iyun 2013-cü ildə Azərbaycan Respublikasının əməkdar incəsənət xadimi fəxri adına layiq görülmüşdür. 30 aprel 2014-cü ildə,[3] 6 may 2015-ci ildə[4], 6 may 2016-cı ildə[5], 1 may 2017-ci ildə[6]9 may 2018-ci ildə[7] Prezident Mükafatına layiq görülmüşdür.

Tamaşaya qoyduğu əsərlər[redaktə | əsas redaktə]

Lənkəran Dövlət Dram Teatrı

Akademik Milli Dram Teatrı

Azərbaycan Dövlət Musiqili Teatrı

Filmoqrafiya[redaktə | əsas redaktə]

  1. Dəfn edilməmiş ölülər (film, 1988)
  2. İnsan səsi (film, 1989)
  3. Güzgü (film, 1990)(II)
  4. Yaşa, ey haqq (film, 1993)
  5. İnsan-fövqəlinsan (1994)
  6. Aporiya (1995)
  7. Gecən xeyrə qalsın, ana (film, 1995)
  8. Cəza (film, 1996)
  9. Qırmızı terror və ya Mircəfər Bağırov (film, 1999)
  10. Addım, addım (film, 2002)
  11. Ömrün sarı rəngi (film, 2002)
  12. Azərbaycan naminə! (film, 2004)
  13. Azəri-türklərinə edilən növbəti qətliam (2004)
  14. İflas (film, 2004)
  15. Azərbaycandakı Xocalı soyqırımı (2005)
  16. H.Əliyev və Azərbaycanın milli hərbi srategiyası (2005)
  17. Tarixin bir günü və ya bir günün tarixi (2005)
  18. 13 dəqiqə (2006)
  19. Araz-Türk respublikası və ya Naxçıvanın xilası (2006)
  20. Azərbaycanın və Qarabağın taleyində Kürəkçay müqaviləsinin  rolu (2006)
  21. Bütöv Azərbaycan  və "böyük" Ermənistan (2006)
  22. H.Əliyev və Azərbaycanın milli təhlükəsizlik strategiyası (2006)
  23. Tariximizin 31 mart  adlı soyqırım günü (2006)
  24. Məhkumlar (film, 2007)
  25. Mart hadisələri... və yaxud qara oyunlar (film, 2011)[9](2010)
  26. 6 saylı məktəb (film)
  27. Azərbaycan xalçaları (film)
  28. Azərbaycan xanlıqları (film)
  29. Azərbaycanda aşıq sənəti (film)
  30. Bakı nefti (film)
  31. İlğım
  32. İstiqlal günü
  33. Qara bayram (film)[10]
  34. Lahıc (film)
  35. Nic (film)
  36. Sınmiş miflər

İstinadlar[redaktə | əsas redaktə]

  1. Ələkbərzadə, M. Mehriban Ələkbərzadə: “Televiziyanın indi məqbul sayılan variantı mənim üçün qəbulolunmazdır”: [rejissor Mehriban Ələkbərzadə ilə müsahibə] /müsahibəni apardı Pərviz Sadıqov //525-ci qəzet.- 2012.- 22 sentyabr.- S. 32.
  2. Kulis.az (10.10.2017). "“Yuğ” Teatrının direktoru və baş rejissoru işdən çıxarılıb" (az). Kulis.lent.az. http://www.kulis.az/news/19847. İstifadə tarixi: 2017-10-10.
  3. İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı
  4. İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı
  5. İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı
  6. President.Az (01.05.2017). "İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı" (az). President.az. http://president.az/articles/23481. İstifadə tarixi: 2017-05-02.
  7. President.Az (09.05.2018). "İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı" (az). President.az. https://president.az/articles/28478. İstifadə tarixi: 2018-05-10.
  8. ARB Şəki (27.06.2018). ""Nuri-Didə Ceyhun" pyesi tamaşaya qoyuldu" (az). Youtube.com. https://www.youtube.com/watch?v=X_4wly14A5E. İstifadə tarixi: 2018-06-27.
  9. Babayeva, S. Mart qırğınları ekranlaşdırılıb: [Ssenari müəllifi Nadir Bədəlov, rejissoru Mehriban Ələkbərzadə olan "Mart hadisələri, yaxud qara oyunlar" filmi haqqın-da] //Həftə içi.- 2011.- 2-4 aprel.- S. 15.
  10. "Qara bayram" filminin təqdimatı: [Beynəlxalq Muğam Mərkəzində rejissor Mehriban Ələkbərzadənin eyni adlı sənədli bədii filminin təqdimatı] //Mədəniyyət.- 2011.- 1 aprel.- S. 2.

Həmçinin bax[redaktə | əsas redaktə]

Xarici keçidlər[redaktə | əsas redaktə]