"Hərbi xidmətlərə görə" medalı

Vikipediya, azad ensiklopediya
Jump to navigation Jump to search
"Hərbi xidmətlərə görə" medalı
AZ For military services medal ribbon (2nd version).png
"Hərbi xidmətlərə görə" medalı.png

Ölkə Azərbaycan Azərbaycan
Tip medal
Təqdim edir Azərbaycan Prezidenti
Status verilir
Statistika
Təsis tarixi 6 dekabr 1993
Birinci təltif 14 dekabr 1993
Ardıcıllıq
Sonrakı (yüksək) "Tərəqqi" medalı
Əvvəlki (aşağı) "Hərbi xidmətdə fərqlənməyə görə" medalı
Vikianbarın loqosu Vikianbarda əlaqəli mediafayllar

"Hərbi xidmətlərə görə" medalıAzərbaycan Respublikasının hərbi medalı. Medal hərbi qulluqçulara xidmət vəzifələrini və hərbi hissənin qarşısında qoyulmuş tapşırıqları yerinə yetirərkən fərqləndiklərinə görə və dövlət sərhədlərinin qorunmasında xidmətlərinə görə verilir.

Əsasnaməsi[redaktə | mənbəni redaktə et]

"Hərbi xidmətlərə görə" medalının əsasnaməsi Azərbaycan Respublikasının 1993-cü il 6 dekabr tarixli 759 saylı Qanunu ilə təsdiq edilmişdir. Əsasnamədə deyilir:

1. Azərbaycan Respublikasının "Hərbi xidmətlərə görə" medalı Azərbaycan Respublikasının hərbi qulluqçularına aşağıdakılara görə verilir:
öz xidmət vəzifələrini və hərbi hissənin qarşısında qoyulmuş tapşırıqları yerinə yetirərkən fərqləndiklərinə görə;
dövlət sərhədlərinin qorunmasında xidmətlərinə görə.
2. "Hərbi xidmətlərə görə" medalı döşün sol tərəfinə, Azərbaycan Respublikasının digər orden və medalları olduqda "Tərəqqi" medalından sonra taxılır.
medal haqqında əsasnamə[1]

Təsviri[redaktə | mənbəni redaktə et]

"Hərbi xidmətlərə görə" medalının təsviri 3 fərqli formada verilsə də, ilk versiya ilə heç kəs təltif olunmamışdır.

İlk təsvir Azərbaycan Respublikasının 1993-cü il 6 dekabr tarixli 759 saylı Qanunu ilə təsdiq edilmişdir. Həmin əsasnamədə medalın təsviri aşağıdakı kimi verilmişdir:

“Hərbi xidmətlərə görə” medalı gümüşdəndir, qabarıq formalı uzunsov səkkizguşə şəklindədir. Medalın qırağı və üz tərəfi sağanaqla əhatələnmişdir.
Üz tərəfin sağanaqları arasında hörmə həndəsi ornament təsvir edilmişdir. Medalın ortasında bir böyük və iki kiçik hörmə kvadrat, habelə çarpazlanmış təbərzin, qılınc, toppuz təsviri vardır.
Medalın aşağı hissəsində “Hərbi xidmətlərə görə” sözləri yazılmışdır.
Medalın arxa tərəfində yuxarı hissədə aypara ilə səkkizguşəli ulduz təsvir edilmiş, aşağı hissədə təltif tarixini yazmaq üçün nəzərdə tutulan gərilmiş altıbucaq yerləşdirilmişdir.
Bütün yazılar və təsvirlər qabarıqdır.
Medalın hündürlüyü 45 mm, eni 36 mm-dir.
Medal ilgək və halqa ilə dördbucaqlı qəlibə birləşir. Qəlib yaşıl xara lentlə birləşən ornamentli iki hissədən ibarətdir. Lentin sol yuxarı və sağ aşağı küncləri sarı-yaşıl rənglidir, 1 mm enində qızılı zolaqlarla ayrılmışdır. :Lentin ümumi eni 19 mm-dir.
Qəlibin ölçüsü 46 mm x 22 mm-dir.
medalın ilk təsviri[1]

Medalın ikinci təsviri Azərbaycan Respublikasının 6 fevral 1998-ci il tarixli 429-IQD nömrəli Qanunu ilə təsdiq edilmişdir. Həmin təsvirdə qeyd deyilir:

“Hərbi xidmətlərə görə” medalı milli ornamentli ensiz lövhə ilə birgə bürüncdən tökülmüş, dairəvi ornamentli və mərkəzdən paylanan şüaları olan diametri 35 mm qalxanabənzər girdə lövhədən ibarətdir.
Qalxanın ortasında səkkizguşəli ulduz və ulduzun arxasında iki çarpaz qılınc təsvir olunmuşdur.
Arxa tərəfi hamar səthlidir, ortasında “Hərbi xidmətlərə görə” sözləri yazılmışdır, ondan aşağıda ordenin nömrəsi həkk olunmuşdur.
Medal paltara bərkidilmək üçün elementi olan, 27 mm x 43 mm ölçüdə qəhvəyi çalarlı düzbucaqlı xara lentə halda və ilgək vasitəsilə birləşdirilir.
Medala paltara bərkidilmək üçün elementi olan, üzərində aypara və ulduz təsvir edilən eyni xara lentdən hazırlanmış 27 mm x 9 mm ölçülü qəlib əlavə olunur
medalın ikinci təsviri[2]

Medalın üçüncü və hal-hazırkı təsviri Azərbaycan Respublikasının 30 sentyabr 2013-cü il tarixli 728-IVQD nömrəli Qanunu ilə təsdiq olunmuşdur. Medalın təsviri aşağıdakı kimi verilmişdir:

“Hərbi xidmətlərə görə” medalı milli ornamentli ensiz lövhə ilə birgə bürüncdən tökülmüş, dairəvi ornamentli və mərkəzdən paylanan şüaları olan diametri 36 mm qalxanabənzər dairəvi gümüşü lövhədən ibarətdir.
Qalxanın ortasında səkkizguşəli ulduz və ulduzun arxasında iki çarpaz qılınc təsvir olunmuşdur.
Arxa tərəfi hamar səthlidir, ortasında “Hərbi xidmətlərə görə” sözləri yazılmışdır, ondan aşağıda ordenin nömrəsi həkk olunmuşdur.
Medal paltara bərkidilmək üçün elementi olan, 37 mm x 50 mm ölçülü düzbucaqlı xara lentə halqa və ilgək vasitəsilə birləşdirilmişdir. Açıq qəhvəyi rəngli xara lentin sağ və sol kənarlarında 1 mm enində açıq boz rəngli zolaq vardır. Xara lentin yuxarı hissəsinə 40 mm x 5 mm ölçülü gümüşü rəngli təbəqə bərkidilmişdir.
Medala paltara bərkidilmək üçün elementi olan, eyni xara lentdən hazırlanmış 37 mm x 10 mm ölçülü qəlib əlavə olunur.
medalın üçüncü təsviri[3]
1993[a] 1993–2009[b] 2009-cu ildən[c]
Hərbi xidmətlərə görə medalı-1993.jpg For military services medal (1st version).png "Hərbi xidmətlərə görə" medalı.png
Lent
AZ For military services medal ribbon (1st version).png
AZ For military services medal ribbon (2nd version).png
Qeyd
  1. Eskizdəki medal təqdim olunmayıb
  2. Təsvir 1998-ci ildə təsdiq olunsa da, 1993–1998 illərdə təltif olunan şəxslərə də təqdim olunub
  3. Təsvir 2013-cü ildə təsdiq olunsa da, 2009-cu ildən təqdim olunur

Təltif edilənlər[redaktə | mənbəni redaktə et]

İstinadlar[redaktə | mənbəni redaktə et]

  1. 1 2 "Azərbaycan Respublikasının "Hərbi xidmətlərə görə" medalının Əsasnaməsinin və təsvirinin təsdiq edilməsi haqqında Azərbaycan Respublikasının Qanunu". e-qanun.az. 6 dekabr 1993. 17 May 2021 tarixində arxivləşdirilib. İstifadə tarixi: 17 may 2021.
  2. "Azərbaycan Respublikasının bəzi qanunvericilik aktlarında dəyişikliklər edilməsi haqqında Azərbaycan Respublikasının Qanunu". e-qanun.az. 6 fevral 1998. 17 May 2021 tarixində arxivləşdirilib. İstifadə tarixi: 17 may 2021.
  3. ""Azərbaycan Respublikasının "Hərbi xidmətlərə görə" medalının Əsasnaməsinin və təsvirinin təsdiq edilməsi haqqında" Azərbaycan Respublikasının 1993-cü il 6 dekabr tarixli 759 nömrəli Qanununda dəyişikliklər edilməsi barədə Azərbaycan Respublikasının Qanunu". president.az. 30 sentyabr 2013. 17 May 2021 tarixində arxivləşdirilib. İstifadə tarixi: 17 may 2021.