Mədət Quliyev

Mədət Quliyev
Mədət Quliyev 2018-ci ildə
Azərbaycanın 1-ci DTX rəisi 14 dekabr 2015 — hal-hazırda
Baş nazir	Artur Rasizadə (2003—2018) Novruz Məmmədov (2018—)
Prezident	İlham Əliyev
Azərbaycanın milli təhlükəsizlik nazirinin səlahiyyətlərini icra edən 20 oktyabr 2015 — 14 dekabr 2015
Prezident	İlham Əliyev
Azərbaycanın milli təhlükəsizlik nazirinin birinci müavini 20 oktyabr 2015 — 14 dekabr 2015
Prezident	İlham Əliyev
Azərbaycanın ədliyyə nazirinin müavini 14 fevral 2011 — 20 oktyabr 2015
Prezident	İlham Əliyev
Azərbaycanın Penitensiar Xidmətinin rəisi 14 fevral 2011 — 20 oktyabr 2015
Prezident	İlham Əliyev
Partiya	Partiyasız
Doğum tarixi	27 sentyabr 1958 (1958-09-27)
Doğum yeri	Gəncə, Azərbaycan SSR
Vətəndaşlığı	Azərbaycan
Hərbi xidmət
Rütbəsi	General-polkovnik
Təltifləri	Sovet İttifaqı və Rusiya
Mədət Quliyev Vikianbarda

Mədət Quliyev (azərb. Mədət Qəzənfər oğlu Quliyev‎; d. 27 sentyabr 1958; Gəncə, Azərbaycan SSR) — azərbaycanlı siyasətçi, general-polkovnik, polis general-mayoru və ədliyyə general-leytenantı; Azərbaycanın 1-ci Dövlət Təhlükəsizliyi Xidmətinin rəisi (2015—), Azərbaycanın milli təhlükəsizlik nazirinin birinci müavini və səlahiyyətlərinin icraçısı (2015), Azərbaycanın ədliyyə nazirinin müavini (2011—2015), Azərbaycanın Penitensiar Xidmətinin rəisi (2011—2015); Azərbaycanın Milli Qəhrəmanı.

Həyatı

Mədət Quliyev 1958-ci il sentyabrın 27-də Gəncə şəhərində mühəndis Qəzənfər və müəllinə Zambaq Quliyevlərin ailəsində anadan olub. Mədət Quliyevin babası Stalin repressiyaları zamanı qətlə yetirilib. 1965-ci ildə Gəncə şəhərində 1 nömrəli tam orta məktəbin birinci sinfinə gedən Mədət Quliyev, 1975-ci ildə Gəncə şəhərində 8 nömrəli tam orta məktəbin onuncu sinfini bitirib. 1975-ci ildən 1980-cı ilə qədər Azərbaycan Dövlət Bədən Tərbiyəsi İnstitutunda təhsil alan Mədət Quliyev, 1980-cı ildən 1982-ci ilə qədər Sovet İttifaqı Silahlı Qüvvələrinin Ermənistan və Gürcüstanda yerləşən hərbi bazaların birində həqiqi hərbi xidmətdə olub.

1971-ci ildən idmanla məşğul olan Mədət Quliyev, 1976-1980-cı illərdə sambo üzrə Azərbaycan SSR yığmasının heyətində çıxış edib və bir-sıra yarışlarda uğurlar qazanıb. Karate üzrə III dan qara Kəmərə sahib olan Mədət Quliyev, 1979-cu ildə SSRİ idman ustası normativini yerinə yetirdi.

Fəaliyyəti

1980-cı ildən həqiqi hərbi xidmətini başa vuran Mədət Quliyev, Gəncədə Dinamo İdman Cəmiyyətində təlimatçı olaraq çalışıb. Daha sonra Gəncə şəhər Daxili İşlər İdarəsində Komsomol Komitəsinin Katibi vəzifəsində çalışan Mədət Quliyev, daxili işlər orqanlarında xidmət etməyə başladı.

1992-ci ildən 1994-cü ilə qədər Terrorizm və Banditizmlə Mübarizə şöbəsinin rəisi vəzifəsində çalışan Mədət Quliyev, 1993-cü il dekabrın 10-da cinayətkar qrupun zərərsizləşdirilməsi zamanı ağır yaralanır.

Mədət Quliyevə, Azərbaycan Prezidenti Heydər Əliyevin 26 dekabr 1995-ci il tarixli Fərmanı ilə Azərbaycanın Milli Qəhrəmanı adı verildi.

2005-ci il iyunun 30-da Azərbaycan Prezidenti İlham Əliyevin 866 nömrəli Sərəncamı ilə Mədət Quliyevə, polis general-mayor rütbəsi verildi.

2011-ci il fevralın 14-də isə Mədət Quliyev, ədliyyə nazirinin müavini, eyni zamanda da Ədliyyə Nazirliyinin Penitensiar Xidmətinin rəisi vəzifəsinə təyin edildi.

2012-ci il noyabrın 20-də Azərbaycan Prezidenti İlham Əliyevin 2552 nömrəli Sərəncamı ilə Mədət Quliyevə, ədliyyə general-leytenantı ali xüsusi rütbəsi verildi.

Azərbaycan Prezidenti İlham Əliyevin 26 noyabr 2014-cü il tarixli 881 nömrəli Sərəncamı ilə Mədət Quliyev, III dərəcəli "Vətənə xidmətə görə" ordeni ilə təltif edildi

Mədət Quliyev, Azərbaycan Prezidenti İlham Əliyevin 26 mart 2018-ci il tarixli Sərəncamı ilə II dərəcəli "Vətənə xidmətə görə" ordeni ilə təltif edildi.

Ailəsi

Mədət Quliyev ailəlidir, Leyla Quliyeva ilə olan nigahdan Murad adında bir oğul və Xədicə adında bir qız var.