Ramiz Qəmbərov
| Ramiz Qəmbərov | |
|---|---|
 | |
| Doğum tarixi | 2 iyun 1962 |
| Doğum yeri | Şuşa |
| Vəfat tarixi | 30 aprel 1992 (29 yaşında) |
| Vəfat yeri | Şuşa |
| Vəfat səbəbi | şəhid olub |
| Vətəndaşlıq |
 Azərbaycan |
| Peşəsi | Hərbi qulluqçu |
| Mükafatları |
 |
Qəmbərov Ramiz Bulud oğlu — Azərbaycanın Milli Qəhrəmanı; Şuşa özünümüdafiə batalyonunun komandiri, Qarabağ müharibəsi döyüşçüsü.
Mündəricat
Həyatı[redaktə | əsas redaktə]
Ramiz Qəmbərov 2 iyul 1962-ci ildə Şuşa şəhərində anadan olmuşdur. 1979-cu ildə H.Hacıyev adına Şuşa şəhər orta məktəbini bitirmişdir. 1980-ci ildə hərbi xidmətə çağırılmış, 1982-ci ildə ordudan tərxis olunaraq Şuşaya qayıtmışdır. 1986-cı ildə Azərbaycan İnşaat Mühəndisləri İnstituna daxil olmuşdur. Amma təhsilini başa çatdıra bilməmişdir. Erməni təcavüzkarlarının başlatdığı Qarabağ müharibəsi minlərlə qeyrətli Azərbaycan oğulları kimi Ramizi də torpaqlarımızın müdafiəsinə qalxmağa məcbur etmişdir. Ramiz 1988-ci ildən xalq hərəkatına qoşulmuşdur. O, 1992-ci ildə könüllü özünümüdafiə batalyonu yaratmış və bu batalyonun başçısı olmuşdur. Onun taboru Şuşa şəhərinin, Kərkicahan, Kosalar, Nəbilər, Qaybalı, Malıbəyli, Quşçular, Göytala kəndlərinin müdafiəsində mərdliklə vuruşmuşdur. 29 aprel 1992-ci ildə erməni işğalçıları Kosalar və Kərkicahan kəndləri yaxınlığındakı postlara hücum edən zaman Ramiz Qəmbərovun taboru döyüşə atılmış və bu döyüşdə cəsur komandir ağır yaralanmışdır. Bir gün sonra, 30 aprel 1992-ci ildə o dünyasını dəyişmişdir.
Azərbaycan Respublikası Prezidentinin 7 iyun 1992-ci il tarixli 833 saylı fərmanı ilə Qəmbərov Ramiz Bulud oğlu ölümündən sonra Azərbaycanın Milli Qəhrəmanı adına layiq görülmüşdür[1]
Ramiz Qəmbərov Şuşa şəhərində dəfn edilmişdir.
İrsi[redaktə | əsas redaktə]
Bakı şəhərindəki küçələrdən biri onun adını daşıyır.
Ramiz Qəmbərov haqqında rejissor Kəmalə Musazadənin quruluşunda “Şuşalı şəhid” adlı film çəkilir.[2]
Mənbə[redaktə | əsas redaktə]
- Vüqar Əsgərov. "Azərbaycanın Milli Qəhrəmanları" (Yenidən işlənmiş II nəşr). Bakı: "Dərələyəz-M", 2010, səh. 159-160.
İstinadlar[redaktə | əsas redaktə]
- ↑ "Azərbaycan Respublikası Müdafiə Nazirliyinin hərbi qulluqçularına "Azərbaycanın Milli Qəhrəmanı" adı verilməsi haqqında Azərbaycan Respublikası Prezidentinin səlahiyyətini həyata keçirən, Azərbaycan Respublikası Ali Sovetinin sədri İsa Qəmbərovun 7 iyun 1992-ci il tarixli 833 nömrəli fərmanı" (az). www.e-qanun.az. 1992-06-07. http://e-qanun.az/framework/7468. İstifadə tarixi: 2018-12-31.
- ↑ “Şuşalı şəhid”: Milli Qəhrəman Ramiz Qəmbərov haqqında film çəkilir: [rejissor Kəmalə Musazadənin quruluşunda] //Mədəniyyət.- 2015.- 28 yanvar.- S.4.
Xarici keçidlər[redaktə | əsas redaktə]
- "Qarabağın görkəmli şəxsiyyətləri:Ramiz Qəmbərov(1962-1992)" (az). "Virtual Qarabağ" İKT Mərkəzinin rəsmi portalı. virtualkarabakh.az. 2013. http://www.virtualkarabakh.az/read.php?lang=1&menu=17&id=31#.VD0JhFefB1I. İstifadə tarixi: 2014-10-14.
- Video Ramiz Qəmbərov
