Məzmuna keç

Təbriz Xəlilbəyli

Vikipediya, azad ensiklopediya
Təbriz Xəlilbəyli
Təbriz Xəlil Rza oğlu Xəlilbəyli
Şəxsi məlumatlar
Doğum tarixi 12 fevral 1964(1964-02-12)
Doğum yeri
Vəfat tarixi 31 yanvar 1992(1992-01-31) (27 yaşında)
Vəfat yeri
Dəfn yeri
Vətəndaşlığı
Milliyyəti Azərbaycanlı
Atası Xəlil Rza Ulutürk
Təhsili
Hərbi fəaliyyəti
Mənsubiyyəti Azərbaycan Respublikası
Xidmət illəri 1991-ci ildən
Döyüşlər
Təltifləri "Qızıl ulduz" medalı

Təbriz Xəlilbəyli (12 fevral 1964, Bakı31 yanvar 1992, Naxçıvanik, Xocalı rayonu) — Azərbaycanın Milli Qəhrəmanı, Birinci Qarabağ müharibəsi şəhidi. Azərbaycanın xalq şairi Xəlil Rzanın oğlu.[1]

1964-cü il 12 fevralda Bakı şəhərində, şair Xəlil Rza Ulutürkün ailəsində anadan olub. 1981-ci ildə Bakı şəhəri M. Müşfiq adına 18 saylı orta məktəbi bitirib. 1982-ci ildə o, Azərbaycan Dövlət Mədəniyyət və İncəsənət Universitetinə daxil olub. Təhsilini qiyabi davam etdirərək, həm də Cəfər Cabbarlı adına "Azərbaycanfilm" kinostudiyasında işıqçı işləyib.

Döyüşlərdə iştirakı

[redaktə | vikimətni redaktə et]

Xəlilbəyli Təbriz 1991-ci ilin sonunda könüllü olaraq cəbhəyə yollandı. XromordNaxçıvanik kəndləri uğrunda gedən döyüşlərdə iştirak edib. O, döyüşlərdə şücaət nümayiş etdirib, yaralı hərbçiləri təhlükəli şəraitdən çıxarıb və düşmən qüvvələrinə ciddi itkilər verib. Döyüş şücaətinə görə DİN-nin "Boz qurd" mükafatına layiq görülüb. 1992-ci il 31 yanvar Təbriz Xəlilbəylinin son döyüşü oldu. O, Şuşanın mühasirədən çıxarılması üçün təşkil edilən Daşaltı əməliyyatı zamanı qəhrəmancasına həlak oldu.[2]

Ailəli idi. İki övladı vardı.[1]

Milli Qəhrəman

[redaktə | vikimətni redaktə et]

Azərbaycan Respublikası Prezidentinin 8 oktyabr 1992-ci il tarixli 264 saylı Fərmanı ilə Xəlilbəyli Təbriz Xəlil Rza oğluna ölümündən sonra "Azərbaycanın Milli Qəhrəmanı" fəxri adı verilmişdir.[3]

Bakı şəhərinin Şəhidlər Xiyabanında dəfn edilmişdir.

Bakı şəhərində və Salyan rayonunda küçələrdən biri onun adını daşıyır. Xüsusi məqsədlər üçün istifadə olunan bir gəmi onun şərəfinə adlandırılmışdır.[4][5] Yaşadığı evin qarşısına xatirə lövhəsi vurulub.

  1. 1 2 "Xəlilbəyli Təbriz Xəlil Rza oğlu". veten-ugrunda.az. 15 October 2015. 23 November 2018 tarixində arxivləşdirilib. İstifadə tarixi: 23 November 2018.
  2. "24 years pass since Dashalty military operation". interaztv.com. 31 January 2014. 23 November 2018 tarixində arxivləşdirilib. İstifadə tarixi: 23 November 2018.
  3. "National Heroes". Azerbaijans.com. 18 February 2019 tarixində arxivləşdirilib. İstifadə tarixi: 23 November 2018.
  4. "Gəmilərin siyahısı Dövlət Gəmi Reyestri" (PDF). ardda.gov.az. 19 February 2018 tarixində arxivləşdirilib (PDF). İstifadə tarixi: 23 November 2018.
  5. "TABRIZ KHALILBEYLI". marinetraffic.com. 23 November 2018 tarixində arxivləşdirilib. İstifadə tarixi: 23 November 2018.

Xarici keçidlər

[redaktə | vikimətni redaktə et]