Soltanağa Bayramov

Soltanağa Bayramov
Soltanağa Nəhmət oğlu Bayramov
Şəxsi məlumatlar
Doğum tarixi	17 oktyabr 1936(1936-10-17)
Doğum yeri	Şürük, Lənkəran rayonu, Azərbaycan SSR, ZSFSR, SSRİ
Vəfat tarixi	23 avqust 1993(1993-08-23) (56 yaşında)
Vəfat yeri	Lənkəran, Azərbaycan
Vəfat səbəbi	döyüşdə ölüm
Dəfn yeri	Lənkəran Şəhidlər Xiyabanı
Hərbi fəaliyyəti
Döyüşlər	Birinci Qarabağ müharibəsi
Təltifləri

Soltanağa Nəhmət oğlu Bayramov (17 oktyabr 1936, Şürük, Lənkəran rayonu – 23 avqust 1993, Lənkəran) — hərbi həkim, Azərbaycanın Milli Qəhrəmanı, Birinci Qarabağ müharibəsi şəhidi.

Həyatı

17 oktyabr 1936-cı ildə Lənkəran rayonunun Şürük kəndində anadan olmuşdur. Orta təhsilini Astara rayonunda almışdır. 1957-ci ildə Lənkəranda tibb məktəbini bitirmişdir. 1957-ci ildə Lənkəran Tibb Məktəbini bitirərək, təyinatla hərbi hospitalda əmək fəaliyyətinə başlamışdır. 1967-ci ildə fizio–terapevt, sonra isə rentgenoloq–texnik vəzifəsində işləmişdir.

Soltanağa Bayramov hospitalda çalışdığı müddət ərzində "Səhiyyə əlaçısı" adını qazanmışdı. Milli Ordumuzun neçə–neçə əsgərinin sağalıb fəal həyata qayıtmasında Soltanağa Bayramovun böyük əməyi olmuşdur.

Soltanağa Bayramov 23 avqust 1993-cü ildə Əlikram Hümbətovun dəstələri ilə döyüşlər zamanı həlak olmuşdur.

Milli Qəhrəman

Azərbaycan Respublikası Prezidentinin 24 avqust 1993-cü il tarixli 740 saylı fərmanı ilə Bayramov Soltanağa Nəhmət oğlu ölümündən sonra "Azərbaycanın Milli Qəhrəmanı" adına layiq görülmüşdür.

Lənkəran şəhərinin Şəhidlər xiyabanında dəfn olunmuşdur.

Ailəsi

Ailəli idi, dörd övladı var.

Xatirəsi

● Lənkəran şəhərindəki küçələrdən birinə onun adı verilmiş və büstü qoyulmuşdur.

● Lənkəran şəhərində yaşadığı binanın önünə xatirə lövhəsi vurulmuşdur.

● Bakı şəhərində adına park açılmışdır.

Ədəbiyyat

• Vüqar Əsgərov. "Azərbaycanın Milli Qəhrəmanları" (II nəşr). Bakı: "Dərələyəz-M", 2010, səh. 52.