Şahlar Şükürov

Şahlar Şükürov
Şahlar Əvəz oğlu Şükürov
Şəxsi məlumatlar
Doğum tarixi	17 may 1952(1952-05-17)
Doğum yeri	Zülfüqarlı, Kəlbəcər rayonu, Azərbaycan SSR, SSRİ
Vəfat tarixi	8 may 1990(1990-05-08) (37 yaşında)
Vəfat yeri	Mardakert, Mardakert rayonu, DQMV, Azərbaycan SSR, SSRİ
Dəfn yeri	Zülfüqarlı
Vətəndaşlığı	SSRİ→ Azərbaycan
Milliyyəti	azərbaycanlı
Uşaqları	Sənan, Fəridə
Atası	Əvəz Şükürov
Təhsili	Azərbaycan Dövlət İqtisad Universiteti, RF DİN Rostov Hüquq İnstitutu[d]
Hərbi fəaliyyəti
Mənsubiyyəti	Sovet Sosialist Respublikaları İttifaqı
Rütbəsi	mayor, milis mayoru[d]
Döyüşlər	Birinci Qarabağ müharibəsi
Təltifləri

Şahlar Əvəz oğlu Şükürov (17 may 1952, Zülfüqarlı, Kəlbəcər rayonu – 8 may 1990, Mardakert, DQMV) — Azərbaycanın Milli Qəhrəmanı, Birinci Qarabağ müharibəsi şəhidi.

Həyatı

17 may 1952-ci ildə Kəlbəcər rayonunun Zülfüqarlı kəndində anadan olmuşdur. Məktəbi bitirdikdən sonra Azərbaycan Xalq Təsərrüfatı İnstitutuna daxil olmuşdur. 1972-ci il təhsilini başa vurur və hərbi xidmətə çağırılır. Ordudan tərxis edildikdən sonra Ucar rayonu Daxili İşlər Şöbəsində çalışır. 1986-cı ildə Rostov Ali Polis Akademiyasını bitirmişdir. Zərdab rayonunda rəis müavini vəzifəsində çalışan Şahlar mayor rütbəsi almışdı.

Döyüşlərdə iştirakı

O, tez–tez döyüş bölgələrinə gedər torpaqlarımızın bütövlüyü uğrunda qaynar döyüşlərə atılardı. 1990-cı il 11 iyul Tərtər–Kəlbəcər yolu ilə hərəkət edən maşın karvanı erməni işğalçılarının hücumuna məruz qaldı burada son nəfəsinəcən vuruşan Şahlar qəhrəmancasına həlak oldu.

Ailəsi

Ailəli idi, iki övladı yadigar qalıb.

Milli Qəhrəman

Azərbaycan Respublikası Prezidentinin 8 oktyabr 1992-ci il tarixli 264 saylı fərmanı ilə Şükürov Şahlar Əvəz oğlu ölümündən sonra "Azərbaycanın Milli Qəhrəmanı" adına layiq görülmüşdür.

Kəlbəcər rayonunun Zülfüqarlı kəndində dəfn edilib.

Zərdab rayonunda adına küçə var. Buradakı məktəblərdən biri onun adını daşıyır.

Mənbə

• Eldar Həsənli. "Dünya mənim qəfəsimdi" kitabı (Azərnəşr-2001), Zirvələşən ömür (poema) səh.8–51
• Vüqar Əsgərov. "Azərbaycanın Milli Qəhrəmanları" (Yenidən işlənmiş II nəşr). Bakı: "Dərələyəz-M", 2010, səh. 231.

Xarici keçidlər

• "Qarabağın görkəmli şəxsiyyətləri:Şahlar Şükürov(1952-1990)". "Virtual Qarabağ" İKT Mərkəzinin rəsmi portalı (az.). virtualkarabakh.az. 2013. 2017-12-22 tarixində orijinalından arxivləşdirilib. İstifadə tarixi: 2014-10-14.