Ənvər Arazov
| Ənvər Arazov | |
|---|---|
 | |
| Doğum tarixi | 2 dekabr 1953. |
| Doğum yeri |
Gəncə şəhəri, .svg){kind=small} Azərbaycan SSR |
| Vəfat tarixi | 2 noyabr 1992 (38 yaşında) |
| Vəfat yeri |
Sırxavənd, Ağdam rayonu,  Azərbaycan |
| Vəfat səbəbi | şəhid |
| Milliyyəti | azərbaycanlı |
| Fəaliyyəti | hərbi qulluqçu |
Ənvər Talış oğlu Arazov — Azərbaycanın Milli Qəhrəmanı; Qarabağ müharibəsi şəhidi.[1]
Mündəricat
Həyatı[redaktə | əsas redaktə]
1953-cü il 2 dekabrda Gəncə şəhərində anadan olmuşdu. Həmin şəhərdəki 15 nömrəli orta məktəbin səkkizinci sinfini bitirmişdi. Sonra texniki peşə məktəbində oxumuşdu. Bir müddət əmək fəaliyyəti ilə məşğul olduqdan sonra Gəncə Politexnik Texnikumuna daxil olmuşdu. 1974-cü ildə hərbi xidmətə çağırılan Ənvər Murmansk vilayətində Şimal Hərbi Dəniz Donanmasında xidmət etmişdi. Hərbi xidmətini başa çatdırdıqdan sonra Gəncəyə dönmüş, Büllur Zavodunda işləməyə başlamışdı. Ə.Arazov, eyni zamanda yarımçıq qalmış təhsilini davam etdirərək, 1980-ci ildə texnikumu müvəffəqiyyətlə bitirmiş, zavodda əvvəlcə nizamlayıcı, sonra növbə ustası kimi çalışmağa başlamışdı.
Döyüşlərdə iştirakı[redaktə | əsas redaktə]
Ənvər 1988-ci ildə ermənilər Dağlıq Qarabağ ərazisində müharıbəyə başlayarkən Daxili İşlər Nazirliyində işə qəbul olunaraq cəbhəyə yollanmışdı. 1989-cu ildə Çaykəndin alınması uğrunda gedən döyüşlərdə iştirak edib. 1992-ci ildə Gəncədə Milli Müdafiə Qərargahının müdirinin II müavini olub. 1992-ci ilin avqustunda Tərtərdə alay komandiri təyin olunub. Göstərdiyi sücaətlərə görə ona polkovnik rütbəsi verilib.
Ağdərə rayonunda bir çox uğurlu əməliyyatlarda iştirak etmişdi.1992-ci il noyabrın 1-dən 2-nə keçən gecə Ağdam rayonunun Sırxavənd kəndində erməni quldurları ilə qeyri-bərabər döyüşə girərək, mərdliklə həlak olub.[2]
Ailəsi[redaktə | əsas redaktə]
Ailəli idi. Bir oğul, bir qızı yadigar qalıb.
Milli Qəhrəman[redaktə | əsas redaktə]
Azərbaycan Respublikası Prezidentinin 6 noyabr 1992-ci il tarixli 290 nömrəli Fərmanı ilə Arazov Ənvər Talış oğlu ölümündən sonra Azərbaycanın Milli Qəhrəmanı adına layiq görülüb.[1]
Gəncə şəhərində Şəhidlər xiyabanında dəfn olunub.
İstinadlar[redaktə | əsas redaktə]
- ↑ 1,0 1,1 "National Heroes". Azerbaijans.com.
- ↑ Əsgərov, Vüqar (2005). Azərbaycanın Milli Qəhrəmanları, Redaktor: Kamil İsmayılov (az), Bakı: Qapp-poliqraf. 2019-01-09 tarixində arxivləşdirilib.
Mənbə[redaktə | əsas redaktə]
- Vüqar Əsgərov. "Azərbaycanın Milli Qəhrəmanları" (Yenidən işlənmiş II nəşr). Bakı: "Dərələyəz-M", 2010, səh. 36.
