Səyavuş Həsənov

Vikipediya, açıq ensiklopediya
Jump to navigation Jump to search
SƏYAVUŞ HƏSƏNOV
Fotoqrafiya
Doğum tarixi 20 yanvar 1964(1964-01-20)
Doğum yeri Şərur rayonu, Azərbaycan Respublikası
Vəfat tarixi 25 iyun 1992 (28 yaşında)
Vəfat yeri Qırmızıkənd (Tərtər), Ağdərə rayonu, Azərbaycan Respublikası
Vəfat səbəbi şəhid olmuşdur.
Vətəndaşlıq Flag of Azerbaijan.svg Azərbaycan
Peşəsi Hərbi qulluqçu
Mükafatları Azərbaycanın Milli Qəhrəmanı

Səyavuş Həsənov (Həsənov Səyavuş Həsən oğlu) — Azərbaycanın Milli Qəhrəmanı; Qarabağ müharibəsi şəhidi.

Həyatı[redaktə | əsas redaktə]

20 yanvar 1964-cü ildə Şərur rayonunun Yengicə kəndində anadan olmuşdur. Orta məktəbi kənd məktəbində səkkizinci sinfə qədər oxuduqdan sonra təhsilini Bakıda 54 saylı texniki-peşə məktəbində davam etdirir. Daha sonra hərbi xidmətə çağırılır və Stavropolda xidmətini başa vurduqdan sonra Tümenə işləməyə gedir. 1990-cı il 20 Yanvar hadisələrini eşidən kimi o Bakıya qayıdaraq Xalq Hərəkatına qoşulur. Qarabağı erməni qəsbkarlarının hücumlarından qorumaq üçün könüllü müdafiə batalyonları yarananda ora ilk yazılanlardan olur.

Döyüşlərdə iştirakı[redaktə | əsas redaktə]

Səyavuş Goranboyda, Şuşada, Gədəbəydə uğurla vuruşaraq düşmənə öz gücünü göstərmişdi. 1992-ci il onun tərkibində olduğu dəstəyə yeni tapşırıq verilir, Qırmızıkənd (Tərtər) düşməndən azad edilməli idi. Dəstə kəndə doğru irəliləyirdi ki güclü atəş səsləri eşidildi erməni tankı lap yaxında idi Səyavuş qumbaraatanla tankı vurur və ermənilərin tankını döyüş meydanında alov bürüyür, döyüşün gedişində onun silahı və mərmisi tükənir döyüşün qızğın bir vaxtında silahsız qalan Səyavuş qəfildən yerə sərilir vətənimizin cəsur övladı sonuncu dəfə doğma Qarabağın səmasına baxdı.

Cəsur döyüşçünün cəsədi bir həftə sonra döyüş meydanından çıxarıldı.

Ailəsi[redaktə | əsas redaktə]

Ailəli idi.

Milli Qəhrəman[redaktə | əsas redaktə]

Azərbaycan Respublikası prezidentinin 21 iyul 1992-ci il tarixli 69 saylı fərmanı ilə Səyavuş Həsən oğluna ölümündən sonra "Azərbaycanın Milli Qəhrəmanı" adına layiq görülmüşdür.[1]

Bakı şəhərinin Şəhidlər xiyabanında dəfn edilmişdir.

İstinadlar[redaktə | əsas redaktə]

Həmçinin bax[redaktə | əsas redaktə]

Mənbə[redaktə | əsas redaktə]