Fariz Qəhrəmanov

Fariz Qəhrəmanov
Fariz Çoban oğlu Qəhrəmanov
Şəxsi məlumatlar
Doğum tarixi	29 mart 1974(1974-03-29) (52 yaş)
Doğum yeri	Bərdə rayonu, Azərbaycan SSR, SSRİ
Hərbi fəaliyyəti
Mənsubiyyəti	Azərbaycan Ordusu
Xidmət illəri	1992-İndiyə kimi
Rütbəsi	Polkovnik-leytenant
Döyüşlər	Birinci Qarabağ müharibəsi Mart hadisələri
Təltifləri

Fariz Qəhrəmanov (29 mart 1974, Bərdə rayonu) — Azərbaycanın Milli Qəhrəmanı, Birinci Qarabağ müharibəsi iştirakçısı.

Həyatı

29 mart 1974-cü il Bərdə rayonunun Xəsili kəndində anadan olmuşdur. 1991-ci ildə burada məktəbi bitirmişdir. 1992-ci il iyun ayında hərbi xidmətə çağırılır.

Döyüşlərdə iştirakı

"N" saylı hərbi hissənin tərkibində Ağdam, Ağdərə, Füzuli, Kəlbəcər, Tərtər rayonunda gedən döyüşlərdə iştirak edir. Bu batalyon onlarla erməni yaraqlısını məhv etmişdi.

1994-cü il Ağdərə rayonunda gedən döyüşlərdə yaralanır. Müalicə olunan kimi yenidən cəbhəyə dönür.

1995-ci il 13–17 mart hadisələri zamanı silahlı dəstənin zərərsizləşdirilməsində də iştirak etmişdir.

1995–1996-cı illərdə Türkiyə Respublikasında Jandarm və Komanda Məktəbində təhsil almışdır.

Hazırda zabitdir.

Milli Qəhrəman

Azərbaycan Respublikası prezidentinin 4 aprel 1995-ci il tarixli 307 saylı fərmanı ilə Qəhrəmanov Fariz Çoban oğlu "Azərbaycanın Milli Qəhrəmanı" adına layiq görülmüşdür.

Ədəbiyyat

• Vüqar Əsgərov. "Azərbaycanın Milli Qəhrəmanları" (Yenidən işlənmiş II nəşr). Bakı: "Dərələyəz-M", 2010, səh. 158.