Əlif Hacıyev
| Əlif Hacıyev | |
|---|---|
.jpg) Əlif Hacıyev | |
| Doğum tarixi | 24 iyun 1953 |
| Doğum yeri | Xocalı, Azərbaycan SSR, SSRİ |
| Vəfat tarixi | 25 fevral 1992 (38 yaşında) |
| Vəfat yeri | Xocalı, Azərbaycan |
| Vəfat səbəbi | Şəhid olmuşdur |
| Dəfn yeri | |
| Vətəndaşlığı | |
| Uşaqları |
Zərinə Hacıyeva İradə Hacıyeva |
| Atası | Lətif Hacıyev |
| Milliyyəti | Azərbaycanlı |
| Fəaliyyəti | Hərbçi |
| Fəaliyyət illəri | 1990– |
| Mükafatları |
 |
Əlif Hacıyev (tam adı: Əlif Lətif oğlu Hacıyev; d. 24 iyun 1953, Xocalı, Azərbaycan SSR, SSRİ — ö. 25 fevral 1992, Xocalı, Azərbaycan) — Azərbaycanın Milli Qəhrəmanı; Qarabağ müharibəsi şəhidi.
Həyatı[redaktə | əsas redaktə]
Erkən illəri[redaktə | əsas redaktə]
Əlif Hacıyev 1953-cü il iyunun 24-də Xocalı şəhərində doğulmuşdur.[1] O, ailənin üçüncü övladı idi.[2] Uşaqlıqdan çörək qazanardı və balıq tutardı.[2]
1970-ci ildə məktəbi bitirərək, Xankəndi şəhərində sürücülük peşəsinə yiyələnmişdir.[1] 1971-ci ildə ordu sıralarına çağırılmışdır.[1] Hərbi xidməti Minsk şəhərində keçmişdir.[1] 1973-cü ildə ordudan təxris olunaraq, Xankəndi Avtonəqliyyat Müəssisəsində sürücü işləmişdir.[1] 1974-1984-cü illərdə Belorusiya DİN-nin və Azərbaycan SSR DQMV-nin daxili işlər orqanlarında müxtəlif vəzifələrdə işləmişdir.[1] 1976-cı ildə SSRİ DİN-nin Frunze adına Xüsusi Orta Milis Məktəbinə daxil olmuşdur.[1] 1979-cu ildə həmin məktəbi bitirmiş, 1981-ci ildən təhsilini SSRİ DİN-nin Akademiyasında davam etdirmişdir.[1]
DQMV-də işləyərkən uzun müddət fəaliyyət göstərən gizli millətçi mərkəzi ifşa etməyə çalışmışdır.[1] Buna görə də erməni millətçiləri onu saxta ittihamlarla günahlandıraraq, 10 il həbs cəzasına məhkum etmişdilər.[1] Ermənilər onun sırıqlısının cibinə saxta pul qoyaraq, əməliyyat qrupu təşkil edib öz kabinetində həbs etdirdilər.[2] Cəzasını çəkmək üçün Rusiyanın Nijni Tagil şəhərinə göndərilmişdir.[2] 1987-ci ildə onun işinə yenidən baxılmış, 10 il həbs cəzası 6 ilə endirilmişdi. O, 1989-cu ilin fevral ayının 20-də azadlığa çıxdı.[2][1]
Qarabağ müharibəsi və döyüşlərdə iştirakı[redaktə | əsas redaktə]
Hacıyev 1990-cı ildə Xocalıya qayıdır və Dağlıq Qarabağ üzrə Təşkilat Komitəsində, Qarabağa Xalq Yardımı Komitəsində fəaliyyət göstərərək erməni millətçilərinə qarşı mübarizəsini yenidən davam etdirir.[3] O, 1990-cı ilin dekabr ayında daxili işlər orqanlarına yenidən bərpa olunur və Xocalı hava limanı xətt daxili işlər bölməsinə rəis təyin edilir.[3] Eyni zamanda Xocalı hava limanının komendantı olur.[3] Gördüyü işlərinə görə 1991-ci ilin dekabr ayında ona mayor rütbəsi verilir.[3][2]
Xocalı hava limanının strateji əhəmiyyətini başa düşən ermənilər aeraportu zor gücü ilə ələ keçirməyə çalışırlar.[3] Bunun üçün Xankəndindən içərisində 100-ə yaxın erməni döyüşçüsünün olduğu iki avtobus gəlir.[3] Quldurlar aeraportu mühasirəyə alır və axşam saat 10-a kimi oranı boşaltmaq üçün azərbaycanlılara vaxt verirlər.[3] O zaman Xocalı hava limanında növbədə cəmi 30-a yaxın əməkdaş var idi.[3] Hava limanını əldən verməmək üçün Əlif Hacıyev zirək üsul işlədir.[3] O, hava limanı binasındakı otaqların birində səsgücləndiricinin qarşısına keçir və əmr veririr ki, “filan batalyon filan cəbhəyə, filan batalyon filan cəbhəyə və s. keçsin”.[3] Ermənilər elə başa düşür ki, burada azərbaycanlılardan ibarət böyük bir polk var.[3] Buna görə də hava limanını tərk etmək məcburiyyətində qalırlar.[3]
Ölümü[redaktə | əsas redaktə]
.jpg)
1992-ci ilin fevralın 25-də Əlif Hacıyev və onun dəstəsi səhər saat beşə qədər düşmənə ciddi müqavimət göstərdilər.[4] Amma döyüşlər qeyri-bərabər qüvvələr arasında gedirdi.[4] O, həmin gecə meşədə sakinləri yola salıb geri qayıdanda, balaca bir oğlan uşağına papağını hədiyyə edib.[2] Ona demişdi ki,
|
Qayıtsam, papağımı qaytararsan. Yox, əgər qayıtmasam, papağımı yadigar saxlayarsan.[2] | 
|
Əlif Hacıyev yenə gücünə, adamların etibarına və etimadına inanıb geri çəkilmədi. İlk növbədə dinc əhalini nisbətən təhlükəsiz yerə çatdırmağa cəhd göstərdi.[4] Qanlı döyüş gecəsində adamların bir hissəsini Ağdamın Şelli kəndinə çatdıra bildi.[4] Amma hələ də təhlükədə xeyli adam vardı və bu adamlar Əlif Hacıyevin yolunu gözləyirdi.[4] Belə məqamda Hacıyev bir an belə dinclik tapmırdı, qətiyyətlə yenidən geriyə döndü.[4] Avtomatın darağını dəyişərkən düşmən gülləsi Əlif Hacıyevin qəlbinə sancılır.[4]
Onun cəsədi Xocalıda 5 gün böyürtkən kolunun dibində qalmışdı.[2] Onun Nazim adında işçisi, Hacıyev vurulanda böyürtkən kolunun dibində onun yerini rahatlayıb, sırıqlısını da üstünə örtmüşdü.[2] Nazim oradan Əlif Hacıyevin cəsədini götürəndə ermənilərdən biri deyib ki: “Əgər bilsələr bu Əlifin meyididir, ermənilər onu sizə verməyəcəklər”. Ona görə də, Hacıyevin cəsədini maşında o biri meyidlərin altında gizlədib gətirmişdi.[2]
Bakının Şəhidlər xiyabanında dəfn edilmişdir.[4]
Şəxsi həyatı[redaktə | əsas redaktə]
1981-ci ildə Əlif Hacıyev Qalina xanım ilə ailə həyatı qurmuş və ömrünün sonuna qədər onunla evli idi.[2] Zərinə və İradə adlı qızları yadigar qalıb.[2]
İrsi[redaktə | əsas redaktə]
Bakının Nizami rayonundakı küçələrdən biri onun adını daşıyır.[5]
Təltif və mükafatları[redaktə | əsas redaktə]
Azərbaycan Respublikası prezidentinin 6 iyun 1992-ci il tarixli 831 saylı fərmanı ilə mayor Əlif Lətif oğlu Hacıyevə ölümündən sonra "Azərbaycanın Milli Qəhrəmanı" adına layiq görülmüşdür.
Qalereya[redaktə | əsas redaktə]
Bakının Şəhidlər Xiyabanında Əlif Hacıyevın məzarı
İstinadlar[redaktə | əsas redaktə]
- ↑ 1 2 3 4 5 6 7 8 9 10 11 Vüqar, Əsgərov. "Qarabağ cəngavəri". www.anl.az. www.anl.az. İstifadə tarixi: 4 February 2016.
- ↑ 1 2 3 4 5 6 7 8 9 10 11 12 13 ""Qayıtsam papağımı qaytararsan"". karabakhinfo.com. karabakhinfo.com. 20 iyul 2016 tarixində orijinalından arxivləşdirilib. İstifadə tarixi: 20 iyul 2016.
- ↑ 1 2 3 4 5 6 7 8 9 10 11 12 Musaqizi, Lala. "Düşmənlərin qənimi". anl.az. anl.az. İstifadə tarixi: 4 February 2016.
- ↑ 1 2 3 4 5 6 7 8 "Xocalı səmasında sonuncu əməliyyat". www.anl.az. www.anl.az. 28 fevral 2016 tarixində orijinalından arxivləşdirilib. İstifadə tarixi: 28 fevral 2016.
- ↑ Rzabəyli, Jalə. "Qəhrəmanlarımızla fəxr edirik". www.olimpnews.az. www.olimpnews.az. 28 fevral 2016 tarixində orijinalından arxivləşdirilib. İstifadə tarixi: 28 fevral 2016.
Xarici keçidlər[redaktə | əsas redaktə]
- "Qarabağın görkəmli şəxsiyyətləri:Əlif Hacıyev(1953-1992)". "Virtual Qarabağ" İKT Mərkəzinin rəsmi portalı (azərb.). virtualkarabakh.az. 2013. İstifadə tarixi: 2014-10-14.
- Milli Qəhrəmanlarımız
- Xocalıda Əlif Hacıyevin müsahibəsi
