Ərəstun Mahmudov

Vikipediya, azad ensiklopediya
Jump to navigation Jump to search
Ərəstun Mahmudov
Ərəstun Mahmudov.jpg
Doğum tarixi 23 fevral 1957(1957-02-23)
Doğum yeri Azərbaycan Azərbaycan SSR, İsmayıllı rayonu, Pirəbilqasım
Vəfat tarixi 28 yanvar 1992 (34 yaşında)
Vəfat yeri Azərbaycan Azərbaycan, Ağdam-Şuşa
Vəfat səbəbi şəhid olmuşdur.
Vətəndaşlığı
Fəaliyyəti hərbi qulluqçu
Commons-logo.svg Vikianbarda əlaqəli mediafayllar

Ərəstun Mahmudov (tam adı: Ərəstun İspəndi oğlu Mahmudov ; d. 1957, İsmayıllı, Azərbaycan SSR - ö. 1992, Ağdam-Şuşa, Azərbaycan) — Azərbaycanın Milli Qəhrəmanı; Qarabağ müharibəsi şəhidi.[1]

Həyatı[redaktə | əsas redaktə]

23 fevral 1957-ci ildə İsmayıllı rayonunun Pirəbilqasım kəndində anadan olmuşdur. Ailəsi ilə birlikdə Bakı şəhərinə köçmüşdür.

Ərəstun 1970-ci ildə Nizami rayonundakı 220 saylı məktəbi bitirmişdir. 1975-ci ildə Leninqrad vilayətində Mülki Aviasiya Məktəbinə daxil olmuşdur. Xaricdə bir neçə Avia məktəb bitirən Ərəstun Mİ-8 vertolyotu ilə döyüş bölgələrinə uçuşlar edərdi.[2]

Döyüşlərdə iştirakı[redaktə | əsas redaktə]

Onun cəbhəyə son uçuşu 28 yanvar 1992-ci il olur Ağdam-Şuşa marşrutu üzrə hərəkət edərkən Mİ-8 vertolyotu erməni quldurları tərəfindən raketlə vuruldu. Bütün heyətlə birlikdə Ərəstun Mahmudov da həlak oldu.

Ailəsi[redaktə | əsas redaktə]

Ailəli idi, üç övladı var.[2]

Oğlu, bort operatoru olan Elnur Mahmudovun da aqibəti eynilə atası, hava gəmisinin bort mexaniki Ərəstun Mahmudov kimi qəzada həlak olmaq olmuşdur. Belə ki, 30 yaşlı Elnur Mahmudov 6 iyul 2011-ci ildə Azərbaycan yük təyyarəsinin Əfqanıstanda qəzaya uğramısı nəticəsində həlak olmuşdur[3]. Bakı şəhərinin Şəhidlər xiyabanında dəfn edilib.

Xatirəsi[redaktə | əsas redaktə]

Azərbaycan Respublikası prezidentinin 25 noyabr 1992-ci il tarixli 337 saylı fərmanı ilə Mahmudov Ərəstun İspəndi oğlu ölümündən sonra "Azərbaycanın Milli Qəhrəmanı" adına layiq görülmüşdür.[1]

Oxuduğu 220 saylı orta məktəb onun adını daşıyır. Yaşadığı binanın önünə xatirə lövhəsi vurulub.[2]

2018-ci ildə haqqında "Göylərdə döyüş" adlı sənədli film çəkilmişdir.[4]

Həmçinin bax[redaktə | əsas redaktə]

Mənbə[redaktə | əsas redaktə]

İstinadlar[redaktə | əsas redaktə]

  1. 1 2 "National heroes". swhs.az (ingiliscə). 23 yanvar 2019 tarixində orijinalından arxivləşdirilib. İstifadə tarixi: 23 yanvar 2019.
  2. 1 2 3 "MAHMUDOV Ərəstun İspəndi oğlu". Avciya.az (Azeri). 24 January 2019 tarixində orijinalından arxivləşdirilib. İstifadə tarixi: 24 January 2019.
  3. Təyyarə qəzasında ölənlərdən biri Milli qəhrəman olan atasının taleyini təkrarladı
  4. ARB Şəki (07.05.2018). ""Göylərdə döyüş" filminin təqdimati keçirilib" (azərb.). Youtube.com. İstifadə tarixi: 2018-05-07.

Xarici keçidlər[redaktə | əsas redaktə]