Baqramda təyyarə qəzası (6 iyul 2011)

Vikipediya, açıq ensiklopediya
Jump to navigation Jump to search
Baqramda təyyarə qəzası (6 iyul 2011)
Xülasə
Tarix: 6 iyul 2011
Qəza növü  vurulma
Bölgə Flag of Afghanistan.svg Baqram
Uçuş Flag of Azerbaijan.svg Heydər Əliyev adına beynəlxalq hava limanı, Bakı
İstiqamət BakıBaqram
Sərnişinlərin sayı 0
Komanda 9
Təyyarə
Təyyarə modeli İL-76 4K-AZ 55
Havayolu firması Silk Way


Məlumat[redaktə | əsas redaktə]

Yük tutumu 40 ton olan təyyarə 2005-ci ildə hazırlanıb və 2011-ci ilin fevralında tam texniki baxışdan keçib. 2011-ci ilin iyununda o, növbəti texniki baxışdan keçib.

Bakı-Baqram marşrutu ilə hərəkət edən və 5 iyul 2011-ci il tarixində, saat 21:26-da (yerli vaxtla) havaya qalxan təyyarənin göyərtəsində Heydər Əliyev adına beynəlxalq hava limanından qəbul etdiyi 18 ton yük olub. Baqrama uçuşdan qabaq həmin gün təyyarə Küveyt-Bakı marşrutu üzrə uçuş yerinə yetirib və hər hansı nasazlıq qeydə alınmayıb[1].

Azərbaycan Mülki Aviasiya Administrasiyasından bildiriblər ki, İL-76 4K-AZ 55 yük təyyarəsinin göyərtəsində 9 nəfər heyət üzvü olub. Təyyarənin kapitanı 1969-cu il təvəllüdlü Kuzmin Sergey Viktoroviç 4576 saat uçuş həyata keçirmiş təcrübəli pilotdur.

Əfqanıstanın Hava Məkanının İdarə Edilməsi Xidmətinin məlumatına görə, iyulun 6-da saat 00:10-da (Bakı vaxtı ilə saat 02:10) Baqram aeroportu yaxınlığında yerə enməli olan Azərbaycanın "Silk Way" aviaşirkətinin İL-76 4K-AZ 55 yük təyyarəsi ilə əlaqə kəsilib və təyyarə radarlardan itib. Eyni zamanda, təyyarənin uçuşunu idarə edən dispetçer Kabil aeroportundan təxminən 25 kilometr məsafədə 4 kilometr yüksəlikdə alov gördüyü barədə məlumat verib.

Əlaqə kəsilənədək hava gəmisindən nasazlıq və ya qəza vəziyyəti ilə bağlı hər hansı məlumat daxil olmayıb.

"Taliban" hərəkatının nümayəndəsi Zəbibulla Mücahid Əfqanıstan KİV-inə bildirib ki, "Azərbaycan Hava Yolları"nın təyyarəsini "Taliban" vurub. Məlumatı "Trend" agentliyi "Fars" agentliyinə istinadla yayıb.

Heyət[redaktə | əsas redaktə]

Təyyarənin 9 nəfərlik gəmi heyəti qəza nəticəsində ölüb. Onlardan 4-ü Azərbaycan, 3-ü Özbəkistan və 2 nəfər də Rusiya vətəndaşıdır[2]. Həmin şəxslər aşağıdakılardır[3]:

  1. Flag of Uzbekistan.svg Gəmi kapitanı Sergey Kuzmin (1969-cu il təvəllüdlü)
  2. Flag of Uzbekistan.svg İkinci pilot Oleq Marşixin (1979)
  3. Flag of Uzbekistan.svg Şturman İqor Çjen (1966)
  4. Flag of Uzbekistan.svg Bort mühəndisi Vladimir Şatobin (1969)
  5. Flag of Uzbekistan.svg Bort-rabitəçi Əhmədcan Axmedjan Xacayev (1955)
  6. Flag of Azerbaijan.svg Bort operatoru Elnur Mahmudov (1981)
  7. Flag of Azerbaijan.svg Bort operatoru Tapdıq Qəhrəmanov (1964)
  8. Flag of Azerbaijan.svg Aviatexnik Əfqan Rəhimov (1980)
  9. Flag of Azerbaijan.svg Aviatexnik Mehman Hüseynov (1962)

İstinadlar[redaktə | əsas redaktə]

Xarici keçidlər[redaktə | əsas redaktə]

Mənbə[redaktə | əsas redaktə]