Silk Way Airlines

Vikipediya, açıq ensiklopediya
Jump to navigation Jump to search
Silk Way Airlines
IATA ICAO Çağırış adı
ZP AZQ SILK LINE
Təsis etmə tarixi 2001
Donanması 14
Təyinat məntəqələrin sayı 50
Qərargahı Azərbaycan Azərbaycan, Bakı
Başçısı "SW Group"
Veb-saytı: silkway-airlines.com


Silk Way AirlinesAzərbaycanda fəaliyyət göstərən aviaşirkət. Hava nəqliyyatları üzrə beynəlxalq ittifaqının (IATA) üzvüdür. Mərkəzi qərargahı Bakı şəhərində yerləşir. "Silk Way" Aviaşirkəti 9 oktyabr 2001-ci ildə Azərbaycan Respublikasının Mülki Aviasiyası tərəfindən yaradılmışdır (Operatorun Hava Şəhadətnaməsi Nömrəsi 14). "Silk Way" Aviaşirkəti Azərbaycanda əsas aviadaşiyıcılardandır və Azərbaycan Respublikası tərəfindən təsdiq olunub. Aviaşirkət “İlyuşin İL-76” (hal-hazırda 7 ədəd İL-76) və “Antonov AN-12” (hal-hazırda 3 ədəd AN-12 ) yükdaşıyan təyyarələrlə bütün dünyada çarter proqramlarına xidmət göstərir. 2007-ci il may ayının 7-dən başlayaraq "Silk Way" Aviaşirkəti V.P.Çkalov adına Daşkənt Təyyarə İstehsalı Korporasiyasında (Özbəkistan) hazırlanmış, mühərriki İL-90A-76 olan yeni İL-76TD-90 təyyarəsindən istifadə edir.

"Silk Way" Aviaşirkəti öz təyyarə parkının daim yeniləşdirilməsi istiqamətində mühüm işlər görür və bununla əlaqədar olaraq, bir neçə ay ərzində PS-90A-76 mühərriki ilə təchiz edilmiş daha bir İL-76TD-90 təyyarəsinin alınması nəzərdə tutulur. 2002-ci ilin sonunda "Silk Way" Aviaşirkəti Əfqanıstana humanitar yüklərin daşınması ilə əlaqədar illik (NATO, İSAF və Almaniya Müdafiə Nazirliyi) tenderin qalibi oldu. “Silk Way” həmçinin Kanada Milli Müdafiə Nazirliyi və Fransa Ordusu ilə uzun müddətli proqramlar çərçivəsində əməkdaşlıq edir. Aviaşirkət neft avadanlığı, tikinti materialları, ağır sənaye avadanlığı və maşınları, dəniz və 20 futluq konteynerlər, nəqliyyat vasitələri və onların ehtiyat hissələri, humanitar yardım, təhlükəli yüklərin (İATA - Təhlükəli Yüklərin Daşınması) daşınmasında geniş imkanlara və təcrübəyə malikdir.

Xarici keçidlər[redaktə | əsas redaktə]

Vikianbarda Silk Way Airlines ilə əlaqəli mediafayllar var.