Akif Əkbərov

Vikipediya, açıq ensiklopediya
Keçid et: naviqasiya, axtar
Akif Əkbərov
Akif Abbas oğlu Əkbərov
Akif-Əkbərov.jpg
Akif Əkbərov
Doğum tarixi: 2 fevral 1952(1952-02-02)
Doğum yeri: Cəbrayıl, Flag of Azerbaijan.svg Azərbaycan
Vəfat tarixi: 12 avqust 1991 (39 yaşında)
Vəfat yeri: Kəlbəcər, Flag of Azerbaijan.svg Azərbaycan
Ölkə: Flag of Azerbaijan.svg Azərbaycan
Mənsubiyyəti: Daxili İşlər Nazirliyi-loqo.png
Daxili İşlər Nazirliyi
Qoşun növü: Army Flag of Azerbaijan.png Quru Qoşunları
Xidmət illəri: 1970-1991
Rütbə: Baş Çavuş-paqonu.gif Polis Baş Çavuşu
Müharibələri: 1. Qarabağ müharibəsi
Mükafatları: National Hero of Azerbaijan.svg
Golden Star medal of Azerbaijan.png

Akif Əkbərov2 fevral 1952-ci ildə Azərbaycanın Cəbrayıl rayonunun, Balyand kəndində anadan olmuşdur. Akif Əkbərov Qarabağ müharibəsinin iştirakçısıdır. 12 avqust 1992-ci ildə Kəlbəcərin Sarı yer yaylağı uğrunda gedən döyüşlərdə şəhid olmuşdur. Akif Əkbərov 8 oktyabr 1992-ci ildə Azərbaycan Respublikasının 2-ci Prezidenti cənab Əbülfəz Elçibəyin 264 saylı fərmanı ilə ölümündən sonra Azərbaycanın Milli Qəhrəmanı adına layiq görülmüşdür.

Həyatı[redaktə | əsas redaktə]

Akif Əkbərov 2 fevral 1952-ci ildə Azərbaycanın Cəbrayıl rayonunun, Balyand kəndində anadan olmuşdur. 1969-cu ildə Beyləqan şəhər 1 saylı orta məktəbini bitirib. 1970-ci ildə Azərbaycan Silahlı Qüvvələrinin Milli Ordusunun sıralarına yollanıb. 1972-ci ildə Ordudan tərxis olunur. O, 1974-cü ildə Beyləqan rayon Daxili İşlər Şöbəsində Polis nəfəri kimi fəaliyyətinə başlayır. Sonuncu iş yeri Polis Şöbəsinin Dövlət Avtomobil Müfəttişliyi bölməsi olur. Polis Baş Çavuşu Akif Əkbərov həmin bölmədə Yol-Patrul Xidməti müfəttişi vəzifəsində işləyirdi.

Qarabağ müharibəsi[redaktə | əsas redaktə]

1991-ci ilin 5 avqust tarixində Beyləqan rayon Polis Şöbəsinin bir qrup əməkdaşı Kəlbəcər rayonunun “Sarı yer” yaylağındakı mülki şəxslərin təhlükəsizliyini təmin etmək üçün oraya ezam olunur. Polislərin arasında Akif Əkbərov da var idi. Erməni quldurları tez-tez yaylaqlara qəfil basqınlar etdiyindən, polislərimiz hər zaman sayıq olmağa çalışırdılar. 12 avqust tarixində Ermənilər Cermuq şəhəri tərəfdən “Sarı yer” yaylağına hücuma keçirlər. Əhalini qorumaq üçün polis işçilərimiz döyüşə girirlər. Akif elə döyüş mövqeyi tutmuşdu ki, ermənilər başlarını qaldırmağa belə macal tapmırdılar. Təxminən 6 saat davam edən bu döyüşdə Akif Əkbərov xüsusilə fərqlənir. Düşmənin xeyli canlı qüvvəsi məhv edilir. Lakin qəfil düşmən gülləsi Akifdən də yan keçmir, və Akif Əkbərov qəhrəmancasına həlak olur.

Milli Qəhrəman[redaktə | əsas redaktə]

Akif Əkbərov Azərbaycan Respublikası 2-ci Prezidenti Əbülfəz Elçibəyin 8 oktyabr 1992-ci il tarixli 264 saylı fərmanı ilə ölümündən sonra “Azərbaycanın Milli Qəhrəmanı” adına layiq görülmüşdür.

Beyləqan rayonunda dəfn edilmişdir.

Xatirəsi

Akif Əkbərovun Beyləqan rayonunda büstü qoyulmuşdur. Beyləqan rayonundakı küçələrdən biri onun adını daşıyır.

Ailəsi[redaktə | əsas redaktə]

Ailəli idi. 5 övladı yadigar qalıb.

Həmçinin bax[redaktə | əsas redaktə]

İstinadlar[redaktə | əsas redaktə]