Paşa Təhməzov

PAŞA TƏHMƏZOV
Paşa Qurban oğlu Təhməzov
Doğum tarixi	23 mart 1949(1949-03-23)
Doğum yeri	Lənkəran, Lənkəran rayonu, Azərbaycan SSR, SSRİ
Vəfat tarixi	23 avqust 1993(1993-08-23) (44 yaşında)
Vəfat yeri	Lənkəran, Lənkəran rayonu, Azərbaycan
Vəfat səbəbi	döyüşdə ölüm
Dəfn yeri	Lənkəran Şəhidlər Xiyabanı[d]
Vətəndaşlığı	SSRİ→ Azərbaycan
Mükafatları

Paşa Qurban oğlu Təhməzov (23 mart 1949, Lənkəran – 23 avqust 1993, Lənkəran) — Azərbaycanın Milli Qəhrəmanı.

Həyatı

Paşa Təhməzov 23 mart 1949-cu il Lənkəran şəhərində doğulmuşdur. 1964-cü ildə burada 6 saylı orta məktəbi bitirmişdir. Əmək fəaliyyətinə Əhaliyə Məişət Xidməti İstehsalat Kombinatında usta köməkçisi kimi başlamışdır. 1993-cü il 23 avqustda Azərbaycanın cənub bölgəsində vəziyyət gərginləşəndə P. Təhməzov silaha sarılaraq "Talış Muğan Respublikası" adı ilə baş qaldıran daxili çəkişmələrin qarşısını almağa yollanır. Paşa Təhməzov dövlətçiliyimizin qorunması uğrunda öz canını əsirgəmir. Cinayətkar dəstə ilə baş verən qarşıdurma nəticəsində P. Təhməzov qəhrəmancasına həlak olur.

Lənkəran şəhərinin Şəhidlər Xiyabanında dəfn edilmişdir.

Lənkəran şəhərindəki küçələrdən biri onun adını daşıyır. Yaşadığı binanın önünə xatirə lövhəsi vurulmuş, "23 Avqust" meydanında büstü qoyulmuşdur.

Ailəsi

Ailəli idi, üç övladı qalıb.

Milli Qəhrəman

Azərbaycan Respublikası prezidentinin 24 avqust 1993-cü il tarixli 740 saylı fərmanı ilə Təhməzov Paşa Qurban oğluna ölümündən sonra "Azərbaycanın Milli Qəhrəmanı" adı verilmişdir.

Lənkəran rayonunun Şəhidlər xiyabanında dəfn edilib.

Lənkəranda küçələrdən biri qəhrəmanımızın adını daşıyır.

Yaşadığı binanın önünə xatirə lövhəsi vurulub. "23-Avqust" meydanında büstü qoyulub.

Ədəbiyyat

• Vüqar Əsgərov. "Azərbaycanın Milli Qəhrəmanları" (Yenidən işlənmiş II nəşr). Bakı: "Dərələyəz-M", 2010, səh. 275.