Mikayıl Cəbrayılov

Mikayıl Cəbrayılov
Mikayıl Cəbrayılov Əhmədiyyə oğlu
Şəxsi məlumatlar
Doğum tarixi	27 aprel 1952
Doğum yeri	Oxud, Şəki rayonu, Azərbaycan SSR
Vəfat tarixi	15 dekabr 1990 (38 yaşında)
Vəfat yeri	Mikayıllı, Xocalı rayonu
Vəfat səbəbi	şəhid
Dəfn yeri	Oxud, Şəki rayonu, Azərbaycan
Vətəndaşlığı	SSRİ Azərbaycan
Atası	Əhmədiyyə Cəbrayılov
Anası	Sürayyə Cəbrayılova
Hərbi fəaliyyəti
Mənsubiyyəti	Daxili İşlər Nazirliyi
Rütbə	Baş leytenant
Vəzifəsi	sahə inspektoru
Döyüşlər	Qarabağ müharibəsi
Təltifləri
Vikianbarda əlaqəli mediafayllar

Cəbrayılov Mikayıl Əhmədiyyə oğlu (27 aprel 1952, Oxud, Nuxa rayonu – 15 dekabr 1990, bilinmir) — milis baş leytenantı, Azərbaycanın Milli Qəhrəmanı; Qarabağ münaqişəsi iştirakçısı.

Həyatı

Mikayıl Cəbrayılov 27 aprel 1950-ci ildə Şəki rayonunun Oxud kəndində, ikinci dünya müharibəsində əfsanəvi partizan olan Fransa milli qəhrəmanı Əhmədiyyə Cəbrayılovun ("Armed Mişel") ailəsində doğulmuşdur. Orta təhsilini doğulduğu kənddə almağa başlayır. O, səkkizinci sinfə qədər doğulduğu kənddə oxumuş, sonra isə təhsilini Şəki şəhər 5 saylı fəhlə gənclər məktəbində davam etdirmişdir. 1971-ci ildə Şəki Şəhər Daxili İşlər Şöbəsində milis nəfəri vəzifəsinə qəbul edilir.

Daha sonra Milis məktəbinə daxil olur, 1978-ci ildə bu məktəbi bitirir, leytenant rütbəsi alır və sahə müvəkkili təyin edilir.

Döyüşlərdə iştirakı

1990-cı ildə Mikayıl dörd nəfər polislə Qarabağa ezam olunur. Onlar Cəmilli kəndini müdafiə etməli idilər. Bir müddət sonra o Kosalara, əhali üçün ayrılmış taxılı gətirməyə gedir. Cəmilli-Kosalar arasındakı yolda qəflətən erməni quldurları onlara basqın edir. Zabitlərdən biri snayper gülləsindən ağır yaralanır, erməni basqınçıları ilə ölüm-dirim savaşına atılan Mikayıl çiynindən güllə yarası alır. Buna baxmayaraq o təslim olmur və 1990-cı il 15 dekabrda əsir düşən döyüş yoldaşlarını xilas edərkən qəhrəmancasına son anadək vuruşaraq döyüş meydanında həlak olur.

Ailəsi

Ailəli idi, dörd övladı var.

Milli Qəhrəman

Mikayıl Cəbrayılovun Oxud kənd qəbiristanlığındakı qəbirüstü abidəsi

Azərbaycan Respublikası prezidenti Əbülfəz Eıçibəyin 6 iyun 1992-ci il tarixli 831 saylı fərmanı ilə Cəbrayılov Mikayıl Əhmədiyyə oğlu ölümündən sonra "Azərbaycanın Milli Qəhrəmanı" adına layiq görülmüşdür.

Şəki rayonunun Oxud kəndində dəfn edilmişdir.

Mikayılın adına Şəki şəhərində küçə var.

Həlak olduğu Mikayıllı kəndi onun adını daşıyır.

Ədəbiyyat

• Vüqar Əsgərov. "Azərbaycanın Milli Qəhrəmanları" (Yenidən işlənmiş II nəşr). Bakı: "Dərələyəz-M", 2010, səh.56–57.

Xarici keçidlər

• Cəbrayılov Mikayıl Əhmədiyyə oğlu Arxivləşdirilib 2014-10-22 at the Wayback Machine