Mirzə Quliyev
| MİRZƏ QULİYEV | |
|---|---|
 | |
| Doğum tarixi | 11 yanvar 1974 |
| Doğum yeri | Saatlı, Bərdə rayonu, Azərbaycan Respublikası |
| Fəaliyyəti | hərbi qulluqçu |
| Mükafatları |
  |
Mirzə Quliyev — Azərbaycanın Milli Qəhrəmanı.
Həyatı[redaktə | əsas redaktə]
11 yanvar 1974-cü il Bərdə rayonunun Saatlı kəndində anadan olmuşdur. 1980-1991-ci illərdə burada təhsil almışdır. 1992-ci il hərbi xidmətə çağırılmışdır. Quliyev Mirzə dövlətçiliyimizin qorunmasında da, vətənpərvərlik borcucu layiqincə yerinə yetirir. Mirzə Polis Akademiyasını bitirdikdən sonra DİN-də işə qəbul edilir. Qəhrəmanımız hazırda polis kapitanı rütbəsi ilə Nəsimi rayon polis idarəsinin 20-ci polis bölməsinin baş əməliyyat müvəkkili vəzifəsində çalışır.
Döyüşlərdə iştirakı[redaktə | əsas redaktə]
Sədərək cəbhəsində döyüşlərə atılan Mirzə burada böyük şücaətlər göstərmişdi. PDM-də tuşlayıcı-atıcı kimi döyüşlərə girən cəsur döyüşçü onlarla erməni yaraqlısını məhv etmişdi. 1993-cü il 28 iyul tarixdə Ağdam cəbhəsinə göndərilir. Ağdam cəbhəsində Mirzə burada qaynar döyüşlərə girir və qəhrəmanlıqlarla dolu səhifələr yazır. Daha sonra Füzuli, Tərtər, Ağdərə uğrunda gedən döyüşlərə atılır və PDM-si ilə xeyli erməni tankını alova bürüyür.
Ailəsi[redaktə | əsas redaktə]
Ailəlidir, bir övladı var.
Milli Qəhrəman[redaktə | əsas redaktə]
15 yanvar 1995-ci il “Hərbi xidmətlərə görə” medalı ilə təltif edilir.
Azərbaycan Respublikası prezidentinin 4 aprel 1995-ci il tarixli 307 saylı fərmanı ilə Quliyev Mirzə Məcid oğlu döyüşlərdə göstərdiyi igidliklərə görə “Azərbaycanın Milli Qəhrəmanı” adına layiq görülmüşdür.
Həmçinin bax[redaktə | əsas redaktə]
Mənbə[redaktə | əsas redaktə]
- Vüqar Əsgərov. "Azərbaycanın Milli Qəhrəmanları" (Yenidən işlənmiş II nəşr). Bakı: "Dərələyəz-M", 2010, səh. 170-171.
