Mətləb Quliyev

Vikipediya, açıq ensiklopediya
Jump to navigation Jump to search
MƏTLƏB QULİYEV
Fotoqrafiya
Doğum tarixi 9 yanvar 1959(1959-01-09)
Doğum yeri Beyləqan rayonu, Flag of the Azerbaijan Soviet Socialist Republic.svg Azərbaycan SSR
Vəfat tarixi 31 avqust 1992 (33 yaşında)
Vəfat yeri Ağdam, Flag of Azerbaijan.svg Azərbaycan
Vəfat səbəbi şəhid olmuşdur.
Dəfn yeri Bakı şəhəri Şəhidlər xiyabanı.
Vətəndaşlıq Flag of Azerbaijan.svg Azərbaycan
Peşəsi Hərbi qulluqçu
Mükafatları Azərbaycanın Milli Qəhrəmanı

Mətləb QuliyevAzərbaycanın Milli Qəhrəmanı, Qarabağ müharibəsi şəhidi.[1]

Həyatı[redaktə | əsas redaktə]

9 yanvar 1959-cu ildə Beyləqan rayonunda doğulmuşdur. İbtidai təhsilini 3 saylı orta məktəbdə almışdır. Daha sonra o, C.Naxçıvanski adına hərbi məktəbə daxil olur. Hərbi xidmətini isə Ukraynada keçirir. Mətləb daha sonra Azərbaycan Pedaqoji İnstituna daxil olur. 1985-ci ildə leytenant rütbəsi ilə təhsilini başa vuraraq Sumqayıt şəhərində 3 saylı məktəbdə hərbi hazırlıq müəllimi kimi çalışmağa başlayır. 1992-ci ildən DİN-ə işə düzəlir, bununla da onun həyatının narahat günləri başlayır.

Döyüşlərdə iştirakı[redaktə | əsas redaktə]

Mətləb Quliyev tez-tez cəbhəyə gedirdi, torpaqlarımızın azad edilməsi uğrunda var gücü ilə çalışırdı. 1992-ci il 31 avqust Ağdam bölgəsində ağır döyüşlər gedirdi. Mənfur erməni quldurları yüksəklikləri ələ keçirmişdilər. Mətləb pulemyotla düşmənin üzərinə yeriyirdi onlarla erməni yaraqlısını məhv edən Mətləbin mərmisinin bitdiyini görən vəhşi azğınlaşmış ermənilər onu hər tərəfdən mühasirəyə alaraq atəş açmağa başladılar o, bu döyüşdə qəhrəmancasına həlak oldu.

Ailəsi[redaktə | əsas redaktə]

Ailəli idi, iki övladı yadigar qalıb.

Milli Qəhrəman[redaktə | əsas redaktə]

Azərbaycan Respublikası prezidentinin 6 noyabr 1992-ci il tarixli 290 saylı fərmanı ilə baş leytenant Quliyev Mətləb Kamran oğlu ölümündən sonra "Azərbaycanın Milli Qəhrəmanı" adına layiq görülmüşdür.[1]

Bakı şəhərinin Şəhidlər xiyabanında dəfn edilmişdir.

Sumqayıt şəhər 3 saylı məktəb qəhrəmanımızın adını daşıyır, məktəbin önündə büstü qoyulmuşdur. Yaşadığı binanın önünə xatirə lövhəsi vurulub, adına bulaq var.

Həmçinin bax[redaktə | əsas redaktə]

Mənbə[redaktə | əsas redaktə]

İstinadlar[redaktə | əsas redaktə]