Fikrət Hacıyev
| FİKRƏT HACIYEV | |
|---|---|
 | |
| Doğum tarixi | 19 may 1964. |
| Doğum yeri | Qızılhacılı, Goranboy rayonu, Azərbaycan SSR |
| Vəfat tarixi | 5 may 1992 (27 yaşında) |
| Vəfat yeri | Goranboy rayonu, Azərbaycan |
| Vəfat səbəbi | şəhid olmuşdur. |
| Dəfn yeri | Qızılhacılı, Goranboy rayonu. |
| Fəaliyyəti | hərbi qulluqçu |
| Mükafatları |
 |
Fikrət Hacıyev — Azərbaycanın Milli Qəhrəmanı; Qarabağ müharibəsi şəhidi.
Mündəricat
Həyatı[redaktə | əsas redaktə]
19 may 1964-cü ildə Goranboy rayonunun Qızılhacılı kəndində doğulmuşdur. 1978-ci ildə səkkizinsi sinfi bitirərək, Gəncə texniki-peşə məktəbində elektrik ixtisasına yiyələnmişdir. 1982-ci ildə Goranboy rayon Hərbi Komissarlığı tərəfindən hərbi xidmətə çağırılmışdır. Hərbi xidməti Ufa şəhərində keçirmişdir. Bakı Kooperativ Texnikumunda təhsilini başa vurmuşdur.
Döyüşlərdə iştirakı[redaktə | əsas redaktə]
1991-ci ilin sonunda könüllü olaraq cəbhəyə yollanır. Goranboy özünümüdafiə batalyonunun tərkibində Şəfəq, Zeyvə, Qaraçinar və digər yaşayış məntəqələrinin müdafiəsində fəal iştirak edir. Goranboy döyüşlərində 1992-ci il 5 mayda qəhrəmancasına həlak olur.
Ailəsi[redaktə | əsas redaktə]
Subay idi.
Milli Qəhrəman[redaktə | əsas redaktə]
Azərbaycan Respublikası Prezidentinin 7 iyun 1992-ci il tarixli 833 saylı Fərmanı ilə Hacıyev Fikrət Əli oğluna ölümündən sonra "Azərbaycanın Milli Qəhrəmanı" fəxri adı verilmişdir.
Qızılhacılı kənd qəbristanlığında dəfn edilmişdir.
Ballıqaya kənd orta məktəbi onun adını daşıyır. Goranboy rayonunda büstü qoyulmuşdur.
Mənbə[redaktə | əsas redaktə]
- Vüqar Əsgərov. "Azərbaycanın Milli Qəhrəmanları" (Yenidən işlənmiş II nəşr). Bakı: "Dərələyəz-M", 2010, səh. 108. (azərb.)
