Eltun İsgəndərov

Vikipediya, azad ensiklopediya
Jump to navigation Jump to search
Eltun İsgəndərov
Eltun Xaləddin oğlu İsgəndərov

Eltun Xaləddin oğlu İsgəndərov
Tam adı azərb. Eltun Xaləddin oğlu İsgəndərov
Doğum tarixi 21 oktyabr 1990(1990-10-21)
Doğum yeri Samux rayonu, Əhmədbəyli kəndi
Ölüm tarixi 18 iyun 2009 (18 yaşında)
Ölüm yeri Cəlilabad
Dəfn yeri Samux rayonu, Əhmədbəyli kəndi
Ölüm səbəbi özünü qumbaranın üzərinə atıb
Milli Qəhrəman adı Azərbaycanın Milli Qəhrəmanı

Eltun Xaləddin oğlu İsgəndərov - Azərbaycanın Milli Qəhrəmanı (2009).

Həyatı[redaktə | əsas redaktə]

Eltun Xaləddin oğlu İsgəndərov 1990-cı il oktyabrın 21-də Samux rayonu Əhmədbəyli kəndində anadan olub.

1996-cı ildə Samux rayon Əhmədbəyli kənd tam orta məktəbinin 1-ci sinfinə qəbul olunmuş, 2007-ci ildə həmin məktəbin 11-ci sinfini bitirmişdir.

Eltun İsgəndərov 2008-ci ilin oktyabrında Samux rayon Hərbi Komissarlığı tərəfindən həqiqi hərbi xidmətə çağırılıb.

O, 2008-ci ildən Milli Ordunun Sərhəd Xidmətində qulluq edib, özünü nümunəvi əsgər kimi göstərib.

2009-cu il iyunun 18-də Cəlilabad rayonu istiqamətində sərhəd pozucuları ilə döyüşə girib, döyüşün ağır yerində sərhəd pozucularından biri sərhədçilərimizin cəm dayandığı mövqeyə qumbara atıb, cəsur əsgər dərhal özünü qumbaranın üzərinə atıb, həlak olub, amma öz ölümü ilə əsgər və zabitlərimizin həyatını xilas edib.

Samux rayonu Əhmədbəyli kənd qəbristanlığında dəfn edilib.

2009-cu il iyunun 29-da Milli Qəhrəman adı alıb.

Ganca.az saytında isə məlumat verilib ki, Cəlilabad ərazisində hərbi xidmətdə olan əsgər Eltun Xaləddin oğlu İsgəndərov "Meşə qardaşları" terror təşkilatının üzvləri sərhədimizi keçmək istəyərəkən başlanan vuruşma zamanı həlak olub. Sərhədi keçməyə cəhd edən "Meşə qardaşları" terror təşkilatının yaraqlıları ilə atışma zamanı iki nəfər zabitimiz yaralanıb, Eltun İsgəndərov isə aldığı güllə yarasından keçinib. Terrorçulardan isə bir nəfər elə E.İsgəndərov tərəfindən məhv edilib, 3 nəfərsə yaxalanıb.

Xatirəsi[redaktə | əsas redaktə]

Azərbaycan Respublikası Prezidentinin 25 iyun 2009-cu il tarixli 349 saylı fərmanı ilə Eltun Xaləddin oğlu İsgəndərov "Azərbaycanın Milli Qəhrəmanı" adına layiq görülmüşdür[1].

2019-cu ilin iyununda Samux rayon Əhmədbəyli kənd tam orta məktəbinə Eltun İsgəndərovun adı verilib və məktəbin qarşısında büstünün açılışı olub.[2]

İstinadlar[redaktə | əsas redaktə]

  1. E.X.İsgəndərova “Azərbaycanın Milli Qəhrəmanı” adi verilməsi haqqında AZƏRBAYCAN RESPUBLİKASI PREZİDENTİNİN SƏRƏNCAMI
  2. ARB Kəpəz (20.06.2019). "Milli Qəhrəmanın adı məktəbə verilib" (azərb.). Youtube.com. İstifadə tarixi: 2019-06-20. Check date values in: |date= (kömək); External link in |publisher= (kömək)

Ədəbiyyat[redaktə | əsas redaktə]

Xarici keçidlər[redaktə | əsas redaktə]