Fəxrəddin Musayev

Fəxrəddin Musayev
Fəxrəddin Musa oğlu Musayev
Şəxsi məlumatlar
Doğum tarixi	30 iyul 1957
Doğum yeri	Bayraməli,Türkmənistan Respublikası
Vəfat tarixi	11 aprel 1992 (34 yaşında)
Vəfat yeri	Füzuli rayonu,Azərbaycan Respublikası
Vəfat səbəbi	Şəhid
Dəfn yeri	Bakı şəhəri Şəhidlər xiyabanı
Vətəndaşlığı	SSRİ→ Azərbaycan
Hərbi fəaliyyəti
Mənsubiyyəti	A.R. Silahlı Qüvvələri
Rütbə	Baş leytenant
Döyüşlər	Qarabağ müharibəsi
Təltifləri

Fəxrəddin Musayev (tam adı: Fəxrəddin Musa oğlu Musayev ; d. 1957, Bayraməli, Türkmənistan Respublikası - ö. 1992, Füzuli rayonu, Azərbaycan Respublikası) — Azərbaycanın Milli Qəhrəmanı; Qarabağ müharibəsi şəhidi.

Həyatı

30 iyul 1957-ci ildə Türkmənistan Respublikasının Bayraməli şəhərində anadan olmuşdur. 1964-1974-cü illərdə burada təhsil almışdır. 1975-ci ildə hərbi xidmətə çağırılmış, Çexoslovakiyada, sonra isə Orenburq vilayətində xidmət etmişdir. 1979-cu ildə Mülki Aviasiya Məktəbinə daxil olmuşdur. 1982-ci il bu məktəbi fərqlənmə diplomu ilə bitirmişdir.

Döyüşlərdə iştirakı

Milli Ordu yaranandan sonra o, Vətənə dönür və Qarabağda aparılan hərbi əməliyyatlarda iştirak edir. Fəxrəddin sərrast raket zərbələri ilə erməni quldurlarının xeyli canlı qüvvəsini və zirehli texnikasını məhv etmişdi. 1992-ci il 11 aprel baş leytenant Fəxrəddin Füzuli rayonunda düşmənə raket zərbələri endirərkən faciəli surətdə həlak olmuşdur.

Ailəsi

Ailəli idi, bir oğlu yadigar qalıb.

Milli Qəhrəman

Azərbaycan Respublikası prezidentinin 7 iyun 1992-ci il tarixli 833 saylı fərmanı ilə Musayev Fəxrəddin Musa oğlu ölümündən sonra "Azərbaycanın Milli Qəhrəmanı" adına layiq görülmüşdür.

Bakı şəhərinin Şəhidlər xiyabanında dəfn edilib.

Qusar rayonunun mərkəzi küçələrindən biri qəhrəmanımızın adını daşıyır.

Yaşadığı binanın önünə barelyefi vurulub.

Ədəbiyyat

• Vüqar Əsgərov. "Azərbaycanın Milli Qəhrəmanları" (Yenidən işlənmiş II nəşr). Bakı: "Dərələyəz-M", 2010, səh. 218.